24-Dec-2023

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): ବୌଦ୍ଧ ଜିଲା ଘଣ୍ଟାପଡ଼ା ଠାରେ ରବିବାର ଦିନ ଏକ ଡମ୍ପର କୁ ପଛରୁ ଧକକା  ଦେଇ ଦୁର୍ଘଟଣା ଗ୍ରସ୍ତ ହୋଇଛି ଅନ୍ୟ ଏକ ଡମ୍ପର  l ଏହି ଦୁର୍ଘଟଣାରେ ଡମ୍ପର ଚାଳକ ଆହତ ହୋଇଛନ୍ତି l ଅନ୍ୟପକ୍ଷରେ ଅନ୍ୟ ତିନିଜଣ ସୌଭାଗ୍ୟକ୍ରମେ ରକ୍ଷା ପାଇଯାଇଛନ୍ତି l ସୂଚନା ପ୍ରକାରେ ଘଣ୍ଟାପଡା ଥାନା ଅନ୍ତର୍ଗତ ୪୧ନଂ ରାଜ୍ୟ ରାଜପଥର  ଘଣ୍ଟାପଡା ଠାରେ କଣ୍ଟାମାଲ ପଟୁ

ଚିପ୍ସ ବୋଝେଇକରୀ ଦୁଇଟି ଡମ୍ପର ଖୁଣ୍ଟିଗୁଡା ଆଡକୁ ଆଗପଛ ହୋଇ ଯାଉଥିଲେ l ଆଗରେ ଯାଉଥିବା ଦମ୍ପତି କୌଣସି କାରଣ ବଶତଃ ହଠାତ ଅଟକିଯିବାରୁ ପଛରେ ଆସୁଥିବା ଡମ୍ପର ଟି ଧକ୍କା ଦେଇଥିଲା l ଏହି ଦୁର୍ଘଟଣାରେ ଆହତ ହୋଇଥିବା ଡମ୍ପର ଚାଳକଙ୍କୁ ଘଣ୍ଟାପଡା ଡାକ୍ତରଖାନା ଠାରେ ଚିକିତ୍ସା କରାଯାଇଛି l ଘଣ୍ଟାପଡା ଥାନା ଅନ୍ତର୍ଗତ ମଙ୍ଗଳା ଛକ ଠାରେ ଏକ ଟ୍ରକ ରାସ୍ତା ତଳକୁ ଖସି ଯାଇ  ଦୁର୍ଘଟଣା ଗ୍ରସ୍ତ ହୋଇଛି l ଏହି ଦୁର୍ଘଟଣାରେ ଟ୍ରକ ଚାଳକ ଓ ହେଲପର ସୌଭାଗ୍ୟକ୍ରମେ ରକ୍ଷା ପାଇଯାଇଛନ୍ତି l ସୂଚନା ପ୍ରକାରେ

୪୧ନଂ ରାଜ୍ୟ ରାଜପଥ ଦେଇ OD 33 AE 9004 ନମ୍ବର ବିଶିଷ୍ଟ ଏକ ଟ୍ରକ ଖୁଣ୍ଟିଗୁଡା ପଟୁ କଣ୍ଟାମାଲ ଆଡକୁ ଆସୁଥିଲା l ଘନ କୁହୁଡି ଯୋଗୁଁ ରାସ୍ତା ଦେଖା ନଯିବାରୁ ଭାରସାମ୍ୟ ହରାଇ ଘଣ୍ଟାପଡା ଥାନା ଅନ୍ତର୍ଗତ ମଙ୍ଗଳା ଛକ ଠାରେ ରାସ୍ତା ତଳକୁ ଖସି ଯାଇ ଟ୍ରକ ଟି ଦୁର୍ଘଟଣା ଗ୍ରସ୍ତ ହୋଇଥିଲା l ସୌଭାଗ୍ୟକ୍ରମେ ଦୁର୍ଘଟଣାରେ ଟ୍ରକ ଚାଳକ ଓ ହେଲପର ଉଭୟ ରକ୍ଷା ପାଇଯାଇଛନ୍ତି l