14-Dec-2023

କଣ୍ଟାମାଳ(ଜୟ କୁମାର ମହାରଣାଙ୍କ ରିପୋର୍ଟ ): ବୌଦ୍ଧ ଜିଲ୍ଲା କଣ୍ଟାମାଳ ଥାନା ଅନ୍ତର୍ଗତ ଡୁମାଲପାଲି ଗ୍ରାମ ନିକଟରେ ବୁଧବାର ସଂନ୍ଧ୍ୟା ୬ ଟା ସମୟରେ ଭାରସାମ୍ୟ ହରାଇ ଏକ ବାଇକ ଦୁର୍ଘଟଣା ଗ୍ରସ୍ତ ହୋଇଛି l ଏହି ବାଇକ ଦୁର୍ଘଟଣାରେ ବାଇକରେ ବସିଥିବା ୨ ଜଣ ଗୁରୁତର ଆହାତ ହୋଇଛନ୍ତି l ସୂଚନା ପ୍ରକାରେ କନ୍ଧମାଳଜିଲ୍ଲା ଲଣ୍ଡାଗାଁ ସର୍ଗୀପଡା ଗ୍ରାମର ତିନିଜଣ ବ୍ୟକ୍ତି ନିଜ କାମ ସାରି କଣ୍ଟାମାଳରୁ ଏକ ବାଇକ ଯୋଗେ ନିଜ ଘରକୁ ଫେରୁଥିଲେ l କଣ୍ଟାମାଳ ରୁ ସିନ୍ଧିଗୁରା ୪୧ ନମ୍ବର ରାଜ୍ୟ ରାଜପଥର ଡୁମାଲପାଲି ଗ୍ରାମ ନିକଟରେ ଭାରସାମ୍ୟ ହରାଇ ବାଇକ ଟି ରାସ୍ତା କଡ ରେ ଥିବା ଧାନଗଦା ସହିତ ବାଡେଇ ହୋଇଥିଲା l ଦୁର୍ଘଟଣାରେ ବାଇକରେ ବସିଥିବା ୫୦ ବର୍ଷିୟ ଦୌଲଥ ଭୋଇ ଓ ୫୦ ବର୍ଷିୟ ଯୋଗେଶ୍ୱର ଦୀପ ଗୁରୁତର ଆହାତ ହୋଇଥିଲେ l ବାଇକ ଚାଳକ ଜିତୁ ବଗର୍ତି ସୌଭାଗ୍ୟକ୍ରମେ ରକ୍ଷା ପାଇଯାଇଛନ୍ତି l ମଲିକୁୁଦ ଗ୍ରାମର ରାଧେଶ୍ୟାମ ମିଶ୍ର ଗ୍ରାମାବାସୀଙ୍କ ସହାୟତାରେ ଆମ୍ବୁଲାନ୍ସ ଦ୍ୱାରା ସମସ୍ତଙ୍କୁ କଣ୍ଟାମାଳ ଡାକ୍ତରଖାନାରେ ନେଇ ଚିକିତ୍ସା କରାଇଛନ୍ତି l