13-Dec-2023

ଆଗଲପୁର, (ବିନୋଦ କୁମାର ଦୀପ) ଆଗଲପୁର ବ୍ଲକ ଅନ୍ତର୍ଗତ ଝରଣୀପାଲି ଗ୍ରାମ ଉଚ୍ଚ ବିଦ୍ୟାଳୟ ପରିସରରେ ସ୍ବର୍ଗତ ନିରାକାର ସାହୁ ଙ୍କ ଶ୍ରାଦ୍ଧବାର୍ଷିକ ଉପଲକ୍ଷେ ଏକ ପ୍ରତିମୂର୍ତ୍ତି ଉନ୍ମୋଚନ କରାଗଲା l ଏଥିରେ ମୁଖ୍ୟଅତିଥି ଭାବେ ବ୍ଲକ ଅଧ୍ୟକ୍ଷା ଶ୍ରୀମତୀ ଗୀତାଞ୍ଜଳି ଦାସ , ଉପାଧ୍ୟାକ୍ଷା ନିରୁପମା ପଧାନ, ବରିଷ୍ଠ ନାଗରିକ ରାଧାକାନ୍ତ ନାଏକ, ଆଗଲପୁର ଥାନା ଅଧିକାରୀ ବାସୁଦେବ ଭୋଇ, ସ୍ବର୍ଗତ ସାହୁ ଙ୍କ ସୁପୁତ୍ର ନରେଶ ସାହୁ, ଝରଣୀପାଲି ଉଚ୍ଚ ବିଦ୍ୟାଳୟ ର ପ୍ରଧାନ ଶିକ୍ଷକ ଅଶୋକ କୁମାର ପଧାନ , ଆଇନଜୀବୀ ପ୍ରମୋଦ ଭୋଇ , ପୂର୍ବତନ ପି. ଡି ଜଳ ବିଭାଜିକା ସୋମନାଥ ସାହୁ ମୁଖ୍ୟଅତିଥି ଭାବେ ଯୋଗ ଦେଇଥିଲେ l ମଞ୍ଚ ପରିଚାଳନା ଚ୍ଛେଲିଆପାଟ ସଂଗଠନ ର ପ୍ରତିଷ୍ଠାତା ବିଚିତ୍ରାନନ୍ଦ ପାତ୍ର କରିଥିଲେ l ଏହି ଅବସରରେ ମିନି ମାରାଥନ ଗଣ ଦୌଡ଼ ହୋଇଥିଲା ଏଥିରେ 64 ପ୍ରତିଯୋଗୀ ଭାଗନେଇ ଥିଲେ l

ଉକ୍ତ ମାରାଥନ ଦୌଡ଼ରେ ବଲାଙ୍ଗୀର ଜିଲ୍ଲା ପାଟଣାଗଡ଼ ର କୁଦୋମୁଣ୍ଡା ଗ୍ରାମର ଡୋଳାମଣି ଚିରଗୁଣ ପ୍ରଥମ ସ୍ଥାନ ,ଦ୍ୱିତୀୟ ସ୍ଥାନରେ କଳାହାଣ୍ଡି ଧରମଗଡ ର ନିରେନ୍ଦ୍ର ଗହିର , ତୃତୀୟ ସ୍ଥାନରେ ସମ୍ବଲପୁର ଡି ଆର୍ ଏସ କଲୋନୀ ର ଆକାଶ ମିର୍ଦ୍ଧା ପ୍ରତିଯୋଗିତାରେ ଉତ୍ତୀର୍ଣ୍ଣ ହୋଇଥିବା ଆୟୋଜକ ନରେଶ ସାହୁ ଙ୍କ ଠାରୁ ପ୍ରକାଶ ।ଏହି ଗଣଦୌଡ଼ ଝରନିପାଲି ମୁଖ୍ୟରାସ୍ତା ରୁ ଭରସୂଜା ବସଷ୍ଟାଣ୍ଡ ପର୍ଯ୍ୟନ୍ତ ହୋଇଥିଲା l ପ୍ରତିଯୋଗୀ ମାନଙ୍କ ମଧ୍ୟରେ ପ୍ରଥମ ପ୍ରତିଯୋଗୀ ଙ୍କୁ 5 ହଜାର ଟଙ୍କା, ଦ୍ଵିତୀୟ ପ୍ରତିଯୋଗୀ ଙ୍କୁ 3 ହଜାର , ତୃତୀୟ ପ୍ରତିଯୋଗୀ ଙ୍କୁ 2 ହଜାର ଟଙ୍କା ସହିତ ଟ୍ରଫି ପୁରସ୍କୃତ କରାଯାଇଥିଲା l ଏହି ଅବସରରେ ରେ ସମ୍ବଲପୁର ତ୍ରିଲୋଚନ ନେତ୍ରାଳୟ ର ମିଳିତ ଆନୁକୁଲ୍ୟରେ ଏକ ଚକ୍ଷୁ ଚିକିତ୍ସା ଶିବିର ଅନୁଷ୍ଠିତ ହୋଇଥିଲା l ଏହି ଗଣ ଦୌଡ଼ ରେ ଚ୍ଛେଳିଆପାଟ ସେବା ସଂଗଠନ , ସମର୍ପଣ ସେବା ସଂଗଠନ ର ମିଳିତ ସହଯୋଗ ରେ ଏହି ଦୌଡ ପ୍ରତିଯୋଗିତା ହୋଇଥିଲା l ସମୁଦାୟ ଚକ୍ଷୁ ଚିକିତ୍ସା ଶିବିର ରେ 87 ଜଣ ରୋଗୀ ଙ୍କ ପଞ୍ଜିକରଣ ହୋଇଥିଲା l ସେଥିରୁ 29 ଜଣଙ୍କୁ ଆଖି ଅପରେସନ ପାଇଁ ଚିହ୍ନଟ କରାଯାଇ ପଠାଗଲା l