10-Dec-2023

ହରଭଙ୍ଗା/ବୌଦ୍ଧ(ଦୁର୍ଯ୍ଯୋଧନ ବିଶି ): -ହରଭଙ୍ଗା ବ୍ଲକ କରଞ୍ଜକଟା ସ୍ଥିତ ଉଚ୍ଚ  ପ୍ରାଥମିକ ବିଦ୍ୟାଳୟଠାରେ ସମଗ୍ର ଶିକ୍ଷା ବୌଦ୍ଧ ଆନୁକୂଲ୍ୟରେ ବିଦ୍ୟାଳୟ ଛାତ୍ରୀ ମାନଙ୍କୁ ନେଇ ୫ଦିନ ହେବ ଚାଲିଥିବା 'ରାଣୀ ଲକ୍ଷ୍ମୀବାଈ ଆତ୍ମ ସୁରକ୍ଷା ତାଲିମ' ଶିବିର ଶନିବାର ଉଦଯାପିତ ହୋଇଛି l  ପ୍ରଧାନଶିକ୍ଷକ ସୁଧାକର ଜେଠିଙ୍କ ଅଧ୍ୟକ୍ଷତାରେ ଅନୁଷ୍ଠିତ ଶିବିରରେ ମୁଖ୍ୟଅତିଥି ଭାବେ ସିଆରସିସି ହରମୋହନ ଦନାୟକ ଯୋଗଦାନ କରିଥିଲେ l ବିଦ୍ୟାଳୟ ଶିକ୍ଷା ସହ ବାଳିକାମାନଙ୍କ ଆତ୍ମରକ୍ଷା, ଦୃଢ଼ ମନୋବଳ ବୃଦ୍ଧି ଏବଂ ନିଜର ଆତ୍ମସମ୍ମାନ ରକ୍ଷା ପାଇଁ ପ୍ରତିକୂଳ ପରିସ୍ଥିତିକୁ କିପରି ସାମ୍ନା କରିବାକୁ ହେବ ସେ ସମ୍ପର୍କରେ ଆଲୋଚନା କରାଯିବା ସହ ତାଲିମ ପ୍ରଦାନ କରାଯାଇଥିଲା l ତାଲିମ ଶିବିରରେ  ତାଲିମ ଦାତା ଭାବେ ଶିକ୍ଷୟତ୍ରୀ ଶ୍ରଧାଞ୍ଜଳି ପ୍ରଧାନ ଏବଂ ଶୁଭଶ୍ରୀ ବରାଳ ଯୋଗ ଦେଇଥିଲେ l ଏହି ଶିବିରରେ ବିଦ୍ୟାଳୟର ସମସ୍ତ ଛାତ୍ରୀ ଭାଗ ନେଇଥିବା ବେଳେ ଶିକ୍ଷୟତ୍ରୀ ରମେରେଖା ବେହେରା,ସାଗରିକା ମହାପାତ୍ର ସହଯୋଗ କରିଥିଲେ l