04-Dec-2023

ବୋଡ଼େନ(ଡୋଲେସ୍ବର ଵାଗ): ନୂଆପଡ଼ା ଜିଲ୍ଲା ବୋଡ଼େନ ବ୍ଲକ ଅନ୍ତର୍ଗତ କରଙ୍ଗାମାଲ ଧାନ ମଣ୍ଡିରେ ଚାଷୀର ଧାନର ମାନ ନିର୍ଦ୍ଧାରଣ କରିବାରେ ବଡ଼ ଘୋଟାଲା ଚାଲିଛି ।ଚାଷୀ ଚାହୁଁଛି ଅଲଗା, ସରକାର କହୁଛି ଅଲଗା ଆଉ ମିଲର୍ସ ଓ ପେକ୍ସ୍ କର୍ମଚାରୀ କରୁଛି ଅଲଗା ।ଚାଷୀ ତା ଜମିରେ ଚାଷ କରିବାକୁ ବିହନ କିଣେ,ଅଧିକ ଦର ଦେଇ ଖତ ସାର କିଣି ଥାଏ, ହଲ ଲଙ୍ଗଳ କିଣିବା ସହିତ ଶ୍ରମିକ ଲଗାଇ ଥାଏ ।ଏସବୁ କରିବା ପାଇଁ ଅନେକ ଅର୍ଥ ଖର୍ଚ୍ଚ କରେ ଦୀର୍ଘ ୬ ମାସ ଝାଳ ବୁହାଇ ।ଆଉ ଏତେ ଦିନର ପରିଶ୍ରମକୁ ସେ ଯେତେବେଳେ ମଣ୍ଡିକୁ ବିକ୍ରି କରିବାକୁ  ନିଏ  ସେତେବେଳେ ମିଳର୍ଶର କଟନି ଛଟନି ତାକୁ ବେଶୀ କଷ୍ଟ ଦିଏ।ଏହି ଘଟଣା ଘଟୁଛି ପ୍ରାୟ ମଣ୍ଡି ମାନଙ୍କରେ ।ଆଜି କରଙ୍ଗାମାଲ ମଣ୍ଡିରେ ମଧ୍ୟ ତାହା ଦେଖା ଦେଇଛି ।ଚାଷୀଙ୍କ ଧାନକୁ କିଛି ବାହାନା କରି କ୍ଵିଣ୍ଟାଲ ପିଛା ୪ ରୁ ୫ କେ ଜି ଧାନ କାଟି ଦିଆ ଯାଇଛି ।ସତରେ ସମସ୍ତ ଚାଷୀଙ୍କ ଧାନ ଖରାପ ଅଛି କି । ଚାଷୀର ଦରମା ନ ଥାଏ ବୋଲି ତାର ପ୍ରତ୍ୟେକ ଅସୁବିଧା ସମୟରେ କମ ଦାମରେ ଧାନ ବଦଳରେ ବେପାରୀ ପାଖରୁ ଆଗତୁରା ଟଙ୍କା ଆଣେ ଏବଂ କ୍ଷତି ସହ୍ୟ କରେ ପୁଣି ବଳକା ଧାନକୁ ମଣ୍ଡିକୁ ଆଣିଲେ ଏଇଠି କଟନି ଛଟନିର ଶିକାର ହେବାକୁ ପଡୁଛି ।ସରକାର ଏଥି ପ୍ରତି ଦୃଷ୍ଟି ଦେଇ ପ୍ରତ୍ୟେକ ମଣ୍ଡିରେ ସରକାରଙ୍କ ନୋଡାଲ ଅଫିସର ନିଯୁକ୍ତି କରି ଚାଷୀକୁ ନ୍ୟାୟ ପ୍ରଦାନ କରନ୍ତୁ ।ପୁଣି ନିର୍ବାଚିତ ଲୋକ ପ୍ରତିନିଧି ତଥା ଦଳୀୟ କର୍ମୀମାନେ ମଧ୍ୟ ଏଥି ପ୍ରତି ନଜର ରଖି ଚାଷୀକୁ ଉପଯୁକ୍ତ ନ୍ୟାୟ ଯୋଗାଇବାରେ ସହାୟକ ହୁଅନ୍ତୁ ବୋଲି ସାଧାରଣରେ ଆଲୋଚନା ହେଉଛି ।