25-Nov-2023

ସୋନପୁର(ମନୋରଞ୍ଜନ ତ୍ରିପାଠୀ ): ଗତକାଲି ୨୪ ତାରିଖ ଶୁକ୍ରବାର ସନ୍ଧ୍ୟାରେ ସାର୍ବଜନୀନ କାଳୀପୂଜା ମୋହତ୍ସବ ୨୦୨୩ ଅବସରରେ  ସୋନପୁର ମଝିପଡ଼ା ରାମଧୁନ୍ କ୍ଳବ୍  ପୂଜା ମଣ୍ଡପ ଠାରେ ସାଂସ୍କୃତିକ କାର୍ଯ୍ୟକ୍ରମ ଜାମସେଦପୁର ମ୍ୟୁଜିକାଲ ନାଇଟ କଳାକାରଙ୍କ ଦ୍ଵାରା ହିନ୍ଦୀ ମେଲୋଡି ସଙ୍ଗୀତ ପରିବେଷଣ କରାଯାଇଥିଲା l  ଏହି ଉତ୍ସବରେ ମୁଖ୍ୟ ଅତିଥି ଭାବରେ ଏସପି ଅମରେଶ ପଣ୍ଡା ଯୋଗ ଦେଇ ଏହି କାର୍ଯ୍ୟକ୍ରମକୁ ଉଦଘାଟନ କରିଥିଲେ l  ସମ୍ମାନିତ ଅତିଥି ଭାବରେ ଏଡିଏମ୍ ଜେନେରାଲ ଅଞ୍ଜଳିନା ପଧାନ, ଅବକାରୀ ଅଧିକ୍ଷିକା ସୁମତି ତ୍ରିପାଠୀ, ପ୍ରାକ୍ତନ ପୌର ଅଧ୍ୟକ୍ଷ କଇରୁ ସ୍ୱାଇଁ, ଯୁବ ନେତା ତଥା  ଅଧ୍ୟକ୍ଷ ଅଙ୍ଗ ଇରିଗେଶନ ପ୍ରୋଜେକ୍ଟ

ସୋନପୁର ବଲାଙ୍ଗୀର ଆକାଶ ମିଶ୍ର, ବିନିକା ସିଦ୍ଧାର୍ଥ କଲେଜ ଅଧ୍ୟକ୍ଷା ରେଖା ପ୍ରଧାନ, ସମାଜସେବୀ ଶ୍ରୀବତ୍ସ ମଲ୍ଲିକ, ବଲାଙ୍ଗୀରର ସମାଜସେବୀ ଆକବର ଖାଁ, ପ୍ରମୁଖ କମିଟିର ବରିଷ୍ଠ ସଦସ୍ୟ ଯୋଗଦେଇ  କଳାକାର ଓ ଦର୍ଶକ ଙ୍କୁ ଉତ୍ସାହିତ କରିଥିଲେ l ଗତ ୨୪ ତାରିଖର ନୃତ୍ୟ ପ୍ରତିଯୋଗିତାର ସିନିୟର୍ ଗ୍ରୁପ୍ ର ପ୍ରଥମ ବିଜେତା ବିଶ୍ଵ ବିଜୟିନୀ, ଦ୍ଵିତୀୟ ସ୍ମୃତି ଶିଖା ମିଶ୍ର, ଓ ତୃତୀୟ ବିଜେତା ସାଇ ଶ୍ରୀୟା ପ୍ରଧାନଙ୍କୁ ଏବଂ  ମେଲୋଡ଼ି  ମ୍ୟୁଜିସିଆନ ସୁବାଷ ଭୋଇଙ୍କୁ ଅତିଥି ମାନଙ୍କ ଦ୍ଵାରା ସମ୍ବର୍ଦ୍ଧିତ କରାଯାଇଥିଲା l ମନୋରଞ୍ଜନ ତ୍ରିପାଠୀ ସଭା ସଂଯୋଜନା କରିଥିବା ବେଳେ ମାନସ ସେଠ ଧନ୍ୟବାଦ୍ ଅର୍ପଣ କରିଥିଲେ l ଜେ ବି ତ୍ରିପାଠୀ,

ମାନସ ସେଠ୍, ଲଡୁ କିଶୋର ମଲ୍ଲିକ, ପୀୟୂଷ ପଣ୍ଡା, ବିକାଶ ପଣ୍ଡା, ସୋମନାଥ ମିଶ୍ର, ସତ୍ୟ ଦର୍ୱାନ, ଦୀପକ୍ ତ୍ରିପାଠୀ, ଶେଷ ଦେବ ମେହେର, ହରି ସାହୁ, ଗୋପାଳ ମେହେର, କମଳା ସାହୁ, ସୁରଜ୍ ସାହୁ, ବୁବୁନ, ବିଶ୍ୱଜିତ୍, ପ୍ରମୁଖ ସମସ୍ତ ସଦସ୍ୟ ସହଯୋଗ୍ କରିଥିଲେ l   ଆସନ୍ତା ୨୭ ତାରିଖ ସୋମବାର ଦିନ ନଗର ପରିକ୍ରମା ସହିତ ମା କାଳୀଙ୍କୁ ବିସର୍ଜନ କରାଯିବ ବୋଲି ପୂଜାର ମୁଖ୍ୟ ଆୟୋଜକ ତଥା ଜିଲ୍ଲା ଯୋଜନା ବୋର୍ଡ ସଦସ୍ୟ ପୀୟୂଷ ପଣ୍ଡା ମିଡିଆକୁ ସୂଚନା ଦେଇଛନ୍ତି l