19-Nov-2023

ରେଢ଼ାଖୋଲ ( ଅନିଲ ପୃଷ୍ଟି ) ରେଢ଼ାଖୋଲ ମହିଳା ଉଚ୍ଚ ମାଧ୍ୟମିକ ବିଦ୍ୟାଳୟରେ ଅଧ୍ୟକ୍ଷା ମମତା ବିଶ୍ବାଳ ଙ୍କ ଅଧ୍ୟକ୍ଷତାରେ ଡିଜିଟାଲ ଇଣ୍ଡିଆ କର୍ମଶାଳା ଅନୁଷ୍ଠିତ ହୋଇଯାଇଛି । ଉକ୍ତ ବର୍ଣ୍ଣତ୍ୟ ଉତ୍ସବରେ ସ୍ଥାନୀୟ ବିଧାୟକ ଇଂ ରୋହିତ ପୁଜାରୀ ମହୋଦୟ ରାଜ୍ୟ ଏନ୍ ଏସ୍ ଏସ୍ ସଂଯୋଜକ ଡକ୍ଟର ବିଶ୍ବମୋହନ ଜେନା ମହୋଦୟ ,ଡିପିଓ ଶାନ୍ତାନୁ ପ୍ରଧାନ, ଶ୍ରୀଯୁକ୍ତ ସିଦ୍ଧାନ୍ତ ମହାନ୍ତି, ପ୍ରମୁଖ ମଞ୍ଚାସିନ ଥିଲେ। ମାନ୍ୟବର ବିଧାୟକ ମହୋଦୟ ଛାତ୍ରୀ ମାନଙ୍କୁ ଜ୍ଞାନ ଆହରଣ ବିନା ଭବିଷ୍ୟତ ସ୍ପଷ୍ଟ ଭାବେ ଗଢି ହୁଏ ନାହିଁ ବୋଲି ଉପଦେଶ ଦେଇଥିଲେ । ଉକ୍ତ ଉତ୍ସବରେ ରେଢ଼ାଖୋଲ ବୁଦ୍ଧିଜିବୀ ପ୍ରେସ୍ ଗଣମାଧ୍ୟମ ତଥା ବରିଷ୍ଠ ନାଗରିକ ଉପସ୍ଥିତ ରହି କାର୍ଯ୍ୟକ୍ରମକୁ ଉତ୍ସାହିତ କରିଥିଲେ। ଦ୍ବିତୀୟ ପର୍ଯ୍ୟାୟ ରେ ପୂର୍ବ ସଂପାଦକ ଶ୍ରୀଯୁକ୍ତ ବିଜୟ ମହାନ୍ତି ଏନ୍ ଆଇ ସି ର ଡି ଆଇ ଓ ଶ୍ରୀଯୁକ୍ତ ରୁଦ୍ର ପ୍ରସାଦ ଦାସ୍ (ଆର୍ ଇ ଏସ୍ ଓ ୟୁ ଆର୍ ସି ଇ ପିଇଆର୍) ଅଧ୍ୟାପିକା ସୁନିତା ମିଶ୍ର ଏନ୍ ଏସ୍ ଏସ୍ ର ପିଓ ଶ୍ରୀଯୁକ୍ତ ପ୍ରହଲ୍ଲାଦ ଦେହୁରୀ ପ୍ରମୁଖ ମଞ୍ଚାସିନ ଥିଲେ । ଉକ୍ତ ଉତ୍ସବରେ ଡିଜିଟାଲ ଇଣ୍ଡିଆ ଉପରେ ଚିତ୍ରାଙ୍କନ ରଚନା ଏବଂ ରଂଗୋଲି ପ୍ରତିଯୋଗିତାର କୃତି ପ୍ରତିଯୋଗୀଙ୍କୁ ମାନ୍ୟବର ବିଧାୟକ ପୁରସ୍କୃତ କରିଥିଲେ । ତୃତୀୟ ପର୍ଯ୍ୟାୟରେ ସାଂସ୍କୃତିକ କାର୍ଯ୍ୟକ୍ରମ ଛାତ୍ରୀ ମାନଙ୍କ ଦ୍ଵାରା କରାଯାଇଥିଲା । ଅନୁଷ୍ଠାନର ସମସ୍ତ ଅଧ୍ୟାପକ, ଅଧ୍ୟାପିକା ଓ କର୍ମକର୍ତ୍ତା ସକ୍ରିୟ ଭାବେ ଅଂଶଗ୍ରହଣ କରି କାର୍ଯ୍ୟକ୍ରମ କୁ ସଫଳ କରିଥିଲେ। ଶେଷରେ ଅଧ୍ୟାପିକା ସିତଲ ପ୍ରଧାନ ଧନ୍ୟବାଦ୍ ଅର୍ପଣ କରିଥିଲେ ।