17-Nov-2023

ମୁରିବାହାଲ(ସୁଦାମ ଚରଣ ବଘାର ): ବଲାଙ୍ଗିର ଜିଲ୍ଲା ମୁରିବାହାଲ ବ୍ଲକ ସଦର ମହକୁମା ସ୍ଥିତ ବନ ବିଭାଗ ବଙ୍ଗଳା ଠାରେ ମୁରିବାହାଲ ବ୍ଲକ ସାମ୍ବାଦିକ ସଂଘ ତରଫରୁ ଜାତୀୟ ସାମ୍ବାଦିକ ଦିବସ ପାଳନ ହୋଇଯାଇଛି। ଅନୁଷ୍ଠିତ କାର୍ଯ୍ୟକ୍ରମ ରେ ମୁଖ୍ଯ ଅତିଥି ଭାବରେ ମୁରିବାହାଲ ବିଡିଓ ପୂର୍ଣାନନ୍ଦ ପଟେଲ, ସମ୍ମାନିତ ଅତିଥି ଭାବରେ ତହସିଲଦାର ଆୟୁବ ମଣ୍ଡଳ, ସାମ୍ବାଦିକ ସଂଘ ସଭାପତି ସୁବ୍ରତ ମହାକୁର, ବରିଷ୍ଠ ଭପଦେଷ୍ଟା ଶ୍ରୀବତ୍ସ ବେହେରା, ଆଇନ ପରାମର୍ଶ ଦାତା ବରିଷ୍ଠ ଆଇନଜୀବୀ ଜୟ ଦୀପ ପୁରୋହିତ ଯୋଗଦାନ କରି ଜାତୀୟ ସାମ୍ବାଦିକ ଦିବସ ବିଷୟରେ ବକ୍ତବ୍ଯ ରଖିଥିଲେ। ସୁସ୍ଥ ଗଣତନ୍ତ୍ର ଓ ସୁସ୍ଥ ସମାଜ ଗଠନ ପାଇଁ ସାମ୍ବାଦିକ ମାନେ ଗୁରୁଦାୟୀତ୍ବ ଭୂମିକା ତୂଲାଇଥାନ୍ତି ବୋଲି ମୁଖ୍ଯ ଅତିଥି ନିଜସ୍ବ ମତ ରଖିଥିଲେ। ସାମ୍ବାଦିକ ସଂଘର ଉପସଭାପତି କେଦାର ବଡଜେନା, ସାଧାରଣ ସଂପାଦକ ସୁଦାମ ଚରଣ ବଘାର, କୋଷାଧ୍ୟକ୍ଷ ମନୋଜ କୁମାର କର, ସାମ୍ବାଦିକ ପ୍ରଫୁଲ୍ଲ ବଘାର, ଶଙ୍କର ମାଝୀ ପ୍ରମୁଖ ଉପସ୍ଥିତ ରହି କାର୍ଯ୍ୟକ୍ରମରେ ସହଯୋଗ କରିଥିଲେ। ମୁରିବାହାଲ ଅଂଚଳର ବିଭିନ୍ନ ଅନୁଷ୍ଠାନର କର୍ମକର୍ତ୍ତା ଗଣ କାର୍ଯ୍ୟକ୍ରମରେ ଉପସ୍ଥିତ ଥିଲେ।