17-Nov-2023

ବିନିକା(ହିମାଂଶୁ ଶେଖର ପୁଟେଲ): ବିନିକା ସିଦ୍ଧାର୍ଥ ଡ଼ିଗ୍ରୀ କଲେଜ ଗରୁଡ଼ କ୍ୟାମ୍ପସ ଠାରେ ପ୍ରଥମ କରି ରାଜେନ୍ଦ୍ର ବିଶ୍ୱ ବିଦ୍ୟାଳୟ ସ୍ତରୀୟ ଆନ୍ତର ମହାବିଦ୍ୟାଳୟ କବାଡି ପ୍ରତିଯୋଗିତା ଅନୁଷ୍ଟିତ ହୋଇଥିଲା।ଏଥିରେ ବିଶ୍ୱ ବିଦ୍ୟାଳୟ ଅଧୀନ ୨୭ଟି କଲେଜ ଭାଗ ନେଇଥିଲେ । ସେଥିରୁ ପୁରୁଷ ବିଭାଗରେ ୧୫ ଓ ମହିଳା ବିଭାଗରେ ୧୨ଟି ଦଳ ଅଂଶଗ୍ରହଣ କରିଥିଲା। ମହିଳା ବର୍ଗ ଫାଇନାଲ ମ୍ୟାଚରେ ବଲାଙ୍ଗୀର ମହିଳା କଲେଜକୁ ହରାଇ ଟିଟିଲାଗଡ ସ୍ଵୟଂଶାସିତ ଡିଏଭି କଲେଜ ବିଜୟୀ ହୋଇଥିଲା ସେହିପରି ରାତ୍ରି ହୋଇଯିବାରୁ ପୁରୁଷ ବର୍ଗ ଫାଇନାଲ ମ୍ୟାଚ ଟଚ୍ ମାଧ୍ୟମରେ ହାରଜିତ ନିର୍ଣ୍ଣୟ କରାଯାଇଥିଲା ଏଥିରେ ବିଲେଇସର୍ଡା ରାଧେଶ୍ୟାମ ଆଞ୍ଚଳିକ କଲେଜକୁ ହରାଇ ରାମପୁର ଶ୍ରୀରାମ କଲେଜ ବିଜୟୀ ହୋଇଥିଲା।ସିଦ୍ଧାର୍ଥ ଜୁନିଅର କଲେଜ ଖେଳ ଶିକ୍ଷକ ନାରାୟଣ ଚୌଧୁରୀଙ୍କ ନେତୃତ୍ୱରେ ପ୍ରତିଯୋଗିତାର ସମସ୍ତ ଖେଳ ଗୁଡ଼ିକୁ ଖେଳ ଶିକ୍ଷକ ନରସିଂହ ସେଠୀ, ସୁକାନ୍ତ ବାଘ, ସଞ୍ଜୟ ସାହୁ, ଶାନ୍ତନୁ ସାହୁ,ଯୋଶବନ୍ତ ପୁଟେଲ,ସଞ୍ଜୟ କୁମାର ସାହୁ, ମନୋଜ ପାତ୍ର, ରାକେଶ୍ୱରୀ ନାୟକ ପରିଚାଳନା କରିଥିଲେ। ଆୟୋଜକ ତଥା ବିନିକା ସିଦ୍ଧାର୍ଥ ଡ଼ିଗ୍ରୀ କଲେଜ ଅଧ୍ୟକ୍ଷ ଡ଼ ଧୀରେନ୍ଦ୍ର କୁମାର ନାୟକଙ୍କ ତତ୍ତ୍ୱାବଧାନରେ ଅନୁଷ୍ଟିତ ଏହି ପ୍ରତିଯୋଗିତାରେ ରାଜେନ୍ଦ୍ର ବିଶ୍ୱ ବିଦ୍ୟାଳୟ ସ୍ପୋର୍ଟସ କାଉନସିଲ ସମ୍ପାଦକ ଡ଼ ବିଶ୍ୱଜିତ ବେହେରା ମୁଖ୍ୟ ଅତିଥି ଭାବେ ଯୋଗଦେଇ ଉଭୟ ବର୍ଗର ବିଜୟୀ/ରନର ଅଫ ଦଳକୁ ଟ୍ରଫି ପ୍ରଦାନ କରିଥିଲେ।ସେହିପରି ବିନିକା ସ୍ପୋର୍ଟସ କ୍ଲବ ସଭାପତି ସୋମନାଥ ମିଶ୍ର ଅତିଥି ଭାବେ ଯୋଗଦେଇ ପ୍ରତିଯୋଗୀ ମାନଙ୍କୁ ଉତ୍ସାହିତ କରିଥିଲେ ।ପ୍ରତିଯୋଗିତାର ସଫଳ ଆୟୋଜନ ନେଇ ବିଭିନ୍ନ ବିଭାଗରେ ଦୀପ୍ତିରାଣୀ ସ୍ୱାଇଁ, ଦିବ୍ୟାଲୋକା ମହାପାତ୍ର, ବିଘ୍ନେଶ୍ୱରୀ ପୂଜାରୀ, ପ୍ରମିତା କୁମାରୀ ମିଶ୍ର, ଜାନକୀ ସାମୀ, ମିତାଲି ପ୍ରଧାନ, ଦିବ୍ୟାସ୍ମିତା ମହାକୁଡ, ଦିବ୍ୟାସା ସାହୁ, ମୀରା ପଣ୍ଡା,ମଧୁସ୍ମିତା ଭୋଇ,ବାଣୀ ପ୍ରସାଦ ବିଶ୍ଵାଳ, ଗୋପାଳ କୃଷ୍ଣ ଦାଶ, ରୁଦ୍ର ନାରାୟଣ ଦାଶ, ହରିଶ୍ଚନ୍ଦ୍ର ହୋତା,ବିଶ୍ୱନାଥ ମିଶ୍ର,ଭଗବାନ ସାହୁ,ମାନସ ରଞ୍ଜନ ମିଶ୍ର, ବଚନ କୁମାର ଦାସ, ଭାରତୀ ବାବୁ,ପ୍ରକାଶ ଦାଶ, ସନ୍ତୋଷ ପଣ୍ଡା, ଲକ୍ଷ୍ମଣ ଝାଙ୍କର, ପୀତବାସ ନେଗୀ, ଲକ୍ଷ୍ମୀ ନାରାୟଣ ନନ୍ଦ,ବିକ୍ରମ ମେହେର,ଶ୍ରୀକାନ୍ତ ମେହେର,ତପସ୍ୱିନୀ ଖୁର୍ଡିଆ, ମାନସ ନାୟକ,ସରୋଜ କାଣ୍ଡ, ମାନସ ତ୍ରିପାଠୀ, ଜାନକୀ ମଲ୍ଲିକ, ଲବଣୀ ଝରିଆ ପ୍ରମୁଖ କଲେଜ ଷ୍ଟାଫଙ୍କ ସମେତ ଅଧ୍ୟୟନରତ ସମସ୍ତ ଛାତ୍ରଛାତ୍ରୀ ପରିଚାଳନାରେ ସହଯୋଗ କରିଥିଲେ।