10-Nov-2023

ବିନିକ(ହିମାଂଶୁ ଶେଖର ପୁଟେଲ): ପିସିସି ସଭାପତି ଶରତ ପଟ୍ଟନାୟକଙ୍କ ନିର୍ଦ୍ଦେଶ କ୍ରମେ ଗତକାଲି ବିନିକା ଠାରେ କଂଗ୍ରେସ ତରଫରୁ ସଙ୍କୀର୍ତ୍ତନ ସତ୍ୟାଗ୍ରହ ଅନୁଷ୍ଟିତ ହୋଇଥିଲା।ବ୍ଲକ କଂଗ୍ରେସ କମିଟି ସଭାପତି ରବୀନ୍ଦ୍ର ହୋତାଙ୍କ ନେତୃତ୍ୱରେ କଂଗ୍ରେସ କର୍ମୀ ମାନେ ସ୍ଥାନୀୟ ତହସିଲ ଅଫିସ ଛକ ଠାରୁ ସଙ୍କୀର୍ତ୍ତନ ତାଳେ ତାଳେ ଶୋଭାଯାତ୍ରାରେ ଗଡଭିତର ସ୍ଥିତ ଜଗନ୍ନାଥ ମନ୍ଦିରକୁ ଯାଇଥିଲେ। ସେଠାରେ ରୀତିନୀତି ଅନୁଯାୟୀ ୩ଦିଅଁ ଙ୍କୁ ପୂଜାର୍ଚ୍ଚନା କରି ପ୍ରଭୁଙ୍କ ଆଶୀର୍ବାଦ ଲୋଡିଥିଲେ ।ପରେ ଜଗତରନାଥ ଜଗନ୍ନାଥଙ୍କ ଦର୍ଶନ ନିମିତ୍ତ ଶ୍ରୀମନ୍ଦିରର ଚାରିଦ୍ୱାର ଖୋଲାଯାଉ,ରତ୍ନ ଭଣ୍ଡାର ଖୋଲାଯାଇ ମହାପ୍ରଭୁଙ୍କ ଅଳଙ୍କାର ଗଣତି କରାଯାଉ,ଭଣ୍ଡାର ଘର ମରାମତି,ବେଦାନ୍ତ କମ୍ପାନୀ ଦ୍ଵାରା ଅଧିଗ୍ରହଣ ଅମୃତମଣୋହି ଜମି ଓ ଚାଷୀଙ୍କ ଚାଷ ଜମିକୁ ଫେରସ୍ତ କରାଯାଉ ଆଦି ବାବଦରେ ପ୍ରତିବାଦ କରାଯାଇଥିଲା ।ଅନୁଷ୍ଟିତ ଏହି କାର୍ଯ୍ୟକ୍ରମରେ ପୂର୍ବତନ ବିଧାୟକ ବିନୋଦ ପାତ୍ର,ସଂଗ୍ରାମ କେଶରୀ ନାୟକ,ନରେନ୍ଦ୍ର ସାହୁ,ପ୍ରଦୀପ ସେଠୀ,ସପନେଶ୍ୱର୍ ପୃଷ୍ଟି,ବିଧୁଭୂଷଣ ତ୍ରିପାଠୀ,ପଞ୍ଚାନନ ପାତ୍ର,ସୂର୍ଯ୍ୟ କୁମାର କ୍ଷେତି,ଭାଗିରଥି ବଗର୍ତ୍ତି,କୃଷ୍ଣଚନ୍ଦ୍ର ପ୍ରଧାନ,ରାଜା ମିଶ୍ର,ବିରେନ୍ଦ୍ର ଯୁଆଡ଼ି,ଟିକେଶ୍ୱର ପ୍ରଧାନ,ଜୟନାରାୟଣ ନାୟକ,ସୁରଥ ଚନ୍ଦ୍ର ପ୍ରଧାନ,ସୀତାରାମ ବହିଦାର,ବିପିନ ବିହାରୀ ଚାନ୍ଦ,ପାଣ୍ଡବ ଭୋଇ,ବାଲେଶ୍ଵର ସାହୁ,ବିଶ୍ଵାମିତ୍ର ପଣ୍ଡା,ପ୍ରକାଶ ମହାନନ୍ଦ,ଋଷୁଭ ଭୋଇ,ରଶ୍ମି ରଞ୍ଜନ ବଗର୍ତ୍ତି,ରାମଜୀ ମହାନନ୍ଦ,ଦଖିଲ ପ୍ରଧାନ ପ୍ରମୁଖଙ୍କ ସମେତ ବହୁ କଂଗ୍ରେସ କର୍ମୀ ସାମିଲ ହୋଇଥିଲେ।