09-Nov-2023

ବଲାଙ୍ଗୀର(ମଳୟ ମିଶ୍ରଙ୍କ ରିପୋର୍ଟ):  ଏବେ ଛତୁ ଫୁଟିଲା ପରି ଗାଁ' ଗହଳରେ ଖୋଲିଛି କଲେଜ ବନାମ ହାୟର ସେକେଣ୍ଡାରୀ ସ୍କୁଲ । ବିଦ୍ୟାଳୟ ଓ ଗଣଶିକ୍ଷା ବିଭାଗର ଏଇ ତଥାକଥିତ କଲେଜ ଗୁଡିକ ମୁଖ୍ୟତଃ ଶିକ୍ଷାବେପାରୀଙ୍କ ଧାନଖଳା । ଭିତ୍ତିଭୂମି ଥାଉ ନଥାଉ , ଅଭିଜ୍ଞ ଶିକ୍ଷକମାନେ ଥାଆନ୍ତୁ କି ନଥାଆନ୍ତୁ, ପାଠପଢା ଚୁଲିକି ଯାଉ;  ପୁଳା ପୁଳା ଟଙ୍କାର ଫିଜ୍ ଆଦାୟ କରି ଓ ଶିକ୍ଷକ /କର୍ମଚାରୀଙ୍କ ନିଯୁକ୍ତି ଆଳରେ ଲକ୍ଷ ଲକ୍ଷ ଟଙ୍କା ଅନୁଷ୍ଠାନର ପାଣ୍ଠି ନାଁ'ରେ ଅସୁଲି କରି ବିଭାଗରେ ଲକ୍ଷ ଲକ୍ଷ ଦାଖଲ କରି ଚାଲିଛି ଏଇ ଶିକ୍ଷାବେପାର  !  ଦି'ଚାରି ସଂସ୍ଥା ବୁଡାଇ ପୁଣି ନୂଆ ଜାଗାରେ ନୂଆ କଲେଜ । ପିଲେ ପରୀକ୍ଷା ଦେଇ ନପାରିଲେ ଆନ୍ଧ୍ରା / ଝାଡଖଣ୍ଡ ବୋର୍ଡ଼ରୁ ଅନ୍ ଲାଇନ୍ ରେ  ୩୦ / ୪୦ ହଜାର ଦେଇ କିଣିଆଣୁଛନ୍ତି ସାର୍ଟିଫିକେଟ୍ ଓ ' SANS '( Student Academic Management System ) ବା ପ୍ରାଇଭେଟ୍ କଲେଜ ପାଇଁ ଉଚ୍ଚଶିକ୍ଷା ବିଭାଗର ଅଟୋ ଭେଲିଏସନ ସିଷ୍ଟମ୍  ବି ଅନୁମୋଦନ ଦେଇ ଦେଉଛି ଯୁକ୍ତ-୩ କଲେଜରେ ଆଡମିଶନ ନିମନ୍ତେ । ଗପ ଭାବୁଛ ? ଆସ ଦେଖିବ , ଆମ ବଲାଙ୍ଗୀରଜିଲ୍ଲାରେ ପୁଇଁତଳା ବ୍ଲକ୍ ର

ବଇରାସର , ଖପ୍ରାଖୋଲ ବ୍ଲକ୍ ର ଘୁନସର , ଦେଓଗାଁ ବ୍ଲକ୍ ର ଗଉଡଗୋଠ ଓ ସେପଟକୁ ତେଲନଦୀ ପାରିହେଲେ ବୌଦ୍ଧ ଜିଲ୍ଲା କଣ୍ଟାମାଳ ବ୍ଲକ୍ ର ଫାସେଡ । ଆହୁରି ବି କେତେ କୋଉଠି ଥିବେ ... ! ଆର୍ଟସ୍ ପାଇଁ ୮/ ୧୦ ଲକ୍ଷ , ସାଇନ୍ଷ ଓ କମର୍ସ ପାଇଁ ସେଇ ଅନୁପାତରେ ପଚିଶ / ତିରିଶ ଲକ୍ଷ ଯୋଗାଡ କଲେ ହେଲା । ସ୍କୁଲ୍ ବା କଲେଜ ପାଇଁ କିଛି ଜମିର କାଗଜପତ୍ର, ଆଗ ଛାତ୍ରଛାତ୍ରୀଙ୍କୁ ୬/ ୭ ହଜାର ଲେଖାଏଁ ଫିଜ୍ ନେଇ ଆଡମିଶନ କରିସାରି ଜଣକା ଏକ/ ଦେଢରୁ  ୩/ ୪ ଲକ୍ଷ ଉତ୍କୋଚ ନେଇ ଷ୍ଟାଫ୍ ନିଯୁକ୍ତି ଓ କିଛି ସୁଧଉଧାରୀ ଟଙ୍କା ଠୁଳ କରି ବି କରାଯାଇପାରା । ପୁଣି ଫେକ୍ ପରୀକ୍ଷା ବା  ସାର୍ଟିଫିକେଟ୍ କିଣାବେଳକୁ  ଅଭିଭାବକଙ୍କ ଠାରୁ ପିଲାକୁ ପାସ୍ କରିଦେବାକୁ ମୋଟାଅଙ୍କର କାରବାର । ମିଛ ଭାବୁଛ  ? 

ଯାଅ ଘୁନସର , ଲାଠୋର ରାସ୍ତାକଡର ଧାନମିଲ୍ ପଡିଆରେ ପ୍ରାୟ ସାଢେ ୧୨ ଏକର ଜମି କିଣି ( ଶିକ୍ଷାନୁଷ୍ଠାନ ପାଇଁ କୁଆଡେ ଆଦିବାସୀ / ଦଳିତଙ୍କ ଜମିର ବିକା ପରମିଶନ ମିଳିଯାଏ !) , ଗଉଡଗୋଡରେ ଜମି ଖୋଜା ଚାଲିଛି ଓ ବଇରାସରରେ ଏଥିପାଇଁ ଜାଗାଜମି ଠିକ୍ କରାଯାଇ ସରିଲାଣି  

ସେହିପରି  ବାପଅଜାଙ୍କ ନାଁ'ରେ ସଂସ୍ଥା ଖୋଲିଥିବା ବିନକା ଅଞ୍ଚଳର କଲେଜବାଲା ଆଗରୁ ନୂଆପଡା ଜିଲ୍ଲାର କୋଉଠି ଗୋଟେ କୋଉ କଲେଜରେ ଥିଲେ , ସେଠୁ ଛାଡି ଏଠି ୪ ବର୍ଷହେଲା ସଂସ୍ଥା ଖୋଲି ୫ ଲକ୍ଷ ଏମେଲେ ପାଣ୍ଠି ବି ହାସଲ କରିପାରିଛନ୍ତି । ତଥାପି ପିଲା ହଉ ନାହାଁନ୍ତି , ପଇସାପତ୍ରର ଘୋର ଅଭାବ , ପିଲା ପରୀକ୍ଷା ଦେଇ ନପାରିବାରୁ ବରତିଆରେ ଅଭିଭାବକ , ସାମାନ ଉଧାରୀ ସୁଝି ନପାରିବାରୁ ରେଲିଂ ଦୋକାନୀଙ୍କ ଠାରୁ ଏକାଧିକ ଥର ମାଡ ଖାଇଥିଲେଣି ( ସ୍ବୀକାର କରିଛନ୍ତି ) ଓ ଏବେ ସଂସ୍ଥା ଖାପିଦେବେ ବୋଲି ଶୁଭିଲାଣି  ! ଜୟ ମା' ଡୁମେରତଲିଏନ୍  !

ଗଉଡଗୋଡ ଯାଅ ଦେଖିବ , ଗୋଟେ ପଡାରେ ସେଠିକା ଗୁଲାସେକେସ୍ ଟେରୀ  ଗୋଟେ ଛୋଟିଆ କମ୍ପ୍ୟୁନିଟୀ ହଲ୍ ( ବା ସ୍ଥାନୀୟ ଲୋକଙ୍କ ଭାଷାରେ ' କଲ୍ୟାଣୀ ମଣ୍ଡପ ) ରେ କଲେଜ ଓ  ଗାଁ' ଖୁଲି ଏପଟର ' ମିଶନ ଶକ୍ତି ' ଗୁମୁଟୀଘରେ ଅଫିସ୍ ଖୋଲି ପରେ ଲେକଚରର୍ ଆଡମିଶନ କରିସାରି କଲେଜରେ ନିଜ ସ୍ତ୍ରୀକୁ ରଖି ଲୀଳାଖେଳା ଚଳାଇଛନ୍ତି । ସ୍ଥାନୀୟ ଲୋକେ ପଚାରୁଛନ୍ତି , କଲେଜ ପାଇଁ ଏତେ ଲକ୍ଷ ଲକ୍ଷ ଟଙ୍କା ଆଣି ସୋନପୁର ଜିଲ୍ଲାର କେଉଁ ବ୍ୟାଙ୍କ୍ ରେ ବାବୁ ଡିପୋଜିଟ୍ କଲେ କେଉଁଠୁ ଆଣି  ? ମ , ସେ ପରା ଦି'ଦିଟା ଗୁଲାର ସମ୍ପାଦନ କରୁଛନ୍ତି  !  ( ଗୋଟେ ସିଜନ୍ ରେ ଗୋଟେ ଧାନଗୁଲାର ଆୟ ଉପାର୍ଜନ କେତେ ଜାଣିଛ ଟି  ?)  ୟା' ଆଗରୁ ବାବୁ କୁଆଡେ ସିଆଡେ କୁଆଡେ ଗୋଟେ କଲେଜର ପ୍ରିନ୍‌ସ୍‌ପାଲ୍‌ ଥିଲେ  !  ସେଇଠୁ କଲେଜ ବେପାରର ସୁଆଦ ବାଜିଛି ଜିଭରେ  ?

ବଇରାସରର ବିକାଶ କଲେଜଟି ମେହେରବାବୁଙ୍କର । ମେହେର ମହାଜନଙ୍କୁ କଣ ଟଙ୍କାପଇସାର ଅଭାବ ? ଦିନକେଇଟାରେ ଖଟାଇଥିବା  ମୂଳଧନ ଉଠିଯିବନି ? ରାସ୍ତାକଡରେ ଷ୍ଟଲ୍ ଉପରେ କଲେଜ୍ । ସିଏ ବି କୁଆଡେ ସୋନପୁର ଜିଲ୍ଲାର ତରଭା ବ୍ଲକ୍ ର ଗୋଟେ ଭିତିରିଆ ଅଞ୍ଚଳର ତାଙ୍କ ଗାଁ' ଆଡେ କଲେଜ ଖୋଲିଥିଲେ  ? କଣ ହେଲା କେଜାଣି , ଖାପିଖୁପା କରି ଟଙ୍କା ଖଟେଇ ଏଠି ଏବର୍ଷ ଏ ଶିକ୍ଷାବେପାର ଖୋଲିଛନ୍ତି  ! 

ଅବଶ୍ୟ ଉପରୋକ୍ତ ସମ୍ପୃକ୍ତ ସ୍କୁଲ୍ ବା କଲେଜବାଲେ ଏଭଳି ଅଭିଯୋଗକୁ ଅସ୍ବୀକାର କରନ୍ତି  ।  ତେବେ ସମ୍ପୃକ୍ତ ଅଞ୍ଚଳର ପ୍ରଶାସନ ବା ଉପଜିଲ୍ଲାପାଳ , ବିଭାଗ ଓ ସରକାର ଏସବୁ ଜନ ଅଭିଯୋଗର ତଦନ୍ତ ନିମନ୍ତେ ଦାବି କରିଛନ୍ତି । ପ୍ରକୃତରେ ଏସବୁ ତଥାକଥିତ ଶିକ୍ଷାନୁଷ୍ଠାନର ଛାତ୍ରଛାତ୍ରୀଙ୍କ ଭବିଷ୍ୟତ କ'ଣ  ?