09-Nov-2023

କଳାହାଣ୍ଡିକୋକସରା( ତ୍ରିନାଥ ବେଶ୍ରା )
କଳାହାଣ୍ଡି ଜିଲ୍ଲା କୋକସରା ବ୍ଲକର ନୂତନ ବିଡିଓ ସ୍ନେହପ୍ରଭା ମାଝିଙ୍କୁ ନାଗରିକ ବିକାଶ ସଂଗଠନ ର କର୍ମକର୍ତ୍ତା ମାନେ ପୁଷ୍ପ ଗୁଚ୍ଛ ପ୍ରଦାନ ପୂର୍ବକ ସ୍ଵାଗତ ସମ୍ବର୍ଦ୍ଧନା ଜଣାଇଥିଲେ।  ଏହି  ଅବସରରେ ସଂଗଠନ ର କର୍ମକର୍ତ୍ତା ମାନେ ବିଡିଓଙ୍କ ସହିତ ସଂଗଠନ ର ଲକ୍ଷ୍ୟ ଉଦ୍ଦେଶ୍ଯ ବିଷୟରେ ଆଲୋଚନା କରିଥିଲେ। ସଂଗଠନ କଳାହାଣ୍ଡି ଜିଲ୍ଲା ତଥା କୋକସରା ବ୍ଲକର ପ୍ରତ୍ୟେକ ଗ୍ରାମାଞ୍ଚଳରେ ବସବାସ କରୁଥିବା ଆଦିବାସୀ, ଦଳିତ, ପଛୁଆବର୍ଗ ଲୋକମାନଙ୍କ ମଧ୍ୟରେ  କିଭଳି ଭାବରେ ସରକାରଙ୍କର ବିଭିନ୍ନ ଉନ୍ନୟନ ମୂଳକ କାର୍ଯ୍ୟକ୍ରମ ତଥା ଯୋଜନା ଯେପରି ଖାଦ୍ୟ ସୁରକ୍ଷା, ସାମାଜିକ ସୁରକ୍ଷା, ମନରେଗା, ପାନୀୟଜଳ, ଶିକ୍ଷା, ସ୍ୱାସ୍ଥ୍ୟ, ମହିଳା ମାନଙ୍କ ସମସ୍ୟା ଉପରେ କାର୍ଯ୍ୟକ୍ରମ କରିବା ସହିତ ସଚେତନତା ବାର୍ତ୍ତା ପ୍ରଚାର କରି  ଯୋଜନା ଗୁଡିକର ସଫଳ ରୂପାୟନ ନିମନ୍ତେ ସର୍ବଦା ଉଦ୍ୟମ କରିଆସୁଅଛି ତାହାର ସମ୍ୟକ ଧାରଣା ପ୍ରଦାନ କରାଯାଇଥିଲା। ବିଡିଓ ମହୋଦୟା ସଂଗଠନ ର କାର୍ଯ୍ୟକଳାପକୁ ପ୍ରସଂଶା କରିବା ସହିତ ସହଯୋଗ କରିବା ନିମନ୍ତେ ପ୍ରତିଶ୍ରୁତି ଦେଇଥିଲେ। ସଂଗଠନ ର ଉକ୍ତ କାର୍ଯ୍ୟକ୍ରମରେ ସଂଗଠନ Women Federation ର ଜିଲ୍ଲା ମ୍ୟାନେଜର୍ କଲ୍ୟାଣୀ ଦାସ ଓ ସଂଗଠନର ଜିଲ୍ଲା କାର୍ଯ୍ଯକାରିଣୀ ସଦସ୍ଯ ତଥା ସଂଯୋଜକ ଉପେନ୍ଦ୍ର ସୁନାନୀ, ଜନସାଥୀ ତ୍ରିନାଥ ବେଶ୍ରା,ମୁକ୍ତା ଠାକୁର, ମହିଳା ମାନଙ୍କ ସମସ୍ୟା ଉପରେ କାର୍ଯ୍ୟ କରୁଥିବା ଉର୍ମି ଲିଡର ପ୍ରେମଶିଳା ପାଣିଗ୍ରାହୀ, ବୀଣାପାଣି ସୁନାନୀ ସମେତ ନାଗରିକ ବିକାଶ ସଂଗଠନର ବ୍ଲକ୍ ସ୍ତରୀୟ କମିଟିର ସଦସ୍ୟା ହେମଲତା ଧରୁଆ ଉପସ୍ଥିତ ରହି ଥିଲେ।