08-Nov-2023

ତୁଷୁରା (ପଞ୍ଚାନନ ନାୟକ), ବଲାଙ୍ଗୀର ଜିଲ୍ଲାର ଗୁଡଭେଲାବ୍ଲକରେ ଏବେ ପର୍ଯ୍ୟନ୍ତ ସରକାରଙ୍କ ପକ୍ଷରୁ ଧାନ କ୍ରୟ ମଣ୍ଡି ଖୋଲାଯାଇ ନଥିବାରୁ ବିଭିନ୍ନ ଗ୍ରାମରେ କମ ଦରରେ ଚାଷୀମାନଙ୍କ ଠାରୁ ଦଲାଲ ମାନେ ବେଆଇନ ଭାବେ ଧାନ କ୍ରୟ କରୁଥିବା ଅଭିଯୋଗ ହେଉଛି। ବିଶେଷକରି ତେନ୍ତୁଳିଖୁଣ୍ଟି ଗ୍ରାମପଞ୍ଚାୟତର ଆଟଗାଁ, ଭୂଆପଡା ଓ ପେନ୍ଦିମୁଣ୍ଡା ଗ୍ରାମରେ ବେଆଇନ ଧାନ କ୍ରୟ ଦଲାଲ ସକ୍ରିୟ ହୋଇଥିବା ଦେଖିବାକୁ ମିଳୁଛି। ଏପରିକି ଚାଷୀ ଧାରକରଜ ଓ ନିଜ ଆବଶ୍ଯକତା ପୂରଣ ପାଇଁ ବାଧ୍ଯ ହୋଇ ୧୬ଶହରୁ ୧୭ଶହ ଟଙ୍କାରେ ନିଜ କଷ୍ଟ ଉପାର୍ଜିତ ଧାନକୁ କମ ଦରରେ ବିକ୍ରୀ କରିବାକୁ ବାଧ୍ଯ ହେଉଛନ୍ତି। ଚାଷୀମାନଙ୍କ ଖଳାରୁ ଦଲାଲ ମାନେ ସିଧାସଳଖ ଧାନ ଉଠାଇ ରାଇସ ମିଲକୁ ମଧ୍ଯ ଚାଳାଣ କରୁଥିବା ବେଳେ ଗାଁ ଗାଁରେ ଖେଳାଖୋଲି ଦଲାଲ ମାନେ ଗୋଟିଏ ଗୋଟିଏ ଗୋଦାମ କରି ଧାନ କ୍ରୟ କରିବା ସହ ଗଚ୍ଛିତ ରଖୁଛନ୍ତି। ଏହି ଦଲାଲ ମାନଙ୍କ ଉପରେ ରାଇସ ମିଲସଙ୍କ ଆଶିର୍ବାଦ ରହିଥିବାରୁ ସ୍ଥାନୀୟ ପ୍ରଶାସନ ନିରବ ରହୁଥିବା ଚାଷୀମାନ ମହଳରେ ଚର୍ଚ୍ଚାର କେନ୍ର ବିନ୍ଦୁ ପାଳଟିଛି।  ଏବେ ଦେଖିବାକୁ ରହିଲା ପ୍ରଶାସନ ଏହି ଚାଷୀମାନଙ୍କ କଷ୍ଟ ଉପାର୍ଜିତ ଧାନ କ୍ରୟ କେବେ କରୁଛି, ଆଉ ଚାଷୀମାନଙ୍କୁ ବେଆଇନ ଧାନ କ୍ରୟ ଦଲାଲଙ୍କ ଠାରୁ କିପରି ରକ୍ଷା କରୁଛି।