05-Nov-2023

ବୀରମହାରାଜପୁର, (ବିନୋଦ ପାଣ୍ଡେ ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ଅନ୍ତର୍ଗତ ମୁର୍ଷୁଣ୍ଢୀରେ  ଗଜଲକ୍ଷ୍ମୀ ପୂଜା ଆରମ୍ଭ ହୋଇଯାଇଛି। ଗଜଲକ୍ଷ୍ମୀ ପୂଜା ଚଳିତ ବର୍ଷ ୪୧ ବର୍ଷରେ ପହଞ୍ଚିଛି।‌ ଉପଖଣ୍ଡ ରେ ହେଉଥିବା ସମସ୍ତ ଗଜଲକ୍ଷ୍ମୀ ପୂଜା ଠାରୁ ଏହା ସବୁବେଳେ ସର୍ବାଗ୍ରେ ରହିଥାଏ। ଚଳିତ ବର୍ଷ ମଧ୍ୟ ଏହା ତାର ଶ୍ରେଷ୍ଠତ୍ବ ବଜାଇ ରଖିଛି।  ଏହି ଅବସରରେ ଦିନ ବେଳା ନବାହ ପାରାୟଣ କାର୍ଯ୍ୟ ମଧ୍ୟ ଅନୁଷ୍ଠିତ ହେଉଛି ।  ଏ ବର୍ଷ ଆକର୍ଷଣୀୟ ମେଢ଼,ସୁଉଚ୍ଚ ତୋରଣ ଓ ରଙ୍ଗୀନ ଆଲୋକମାଳାରେ ଝଲସୁଛି ସମଗ୍ର ଅଞ୍ଚଳ । ଏହି ଅବସରରେ ମୁରାସୁର ଦରବାର ଅନୁଷ୍ଠିତ ହେଉଛି। ଜିଲ୍ଲା ଛାତ୍ର ବିଜେଡ଼ି ଅମୀୟ ରଞ୍ଜନ ଦାସ, ବୀରମହାରାଜପୁର ଗୋଷ୍ଠୀ ଶିକ୍ଷା ଅଧିକାରୀ ଶାନ୍ତନୁ କୁମ୍ଭକାର, ସ୍ଥାନୀୟ ରଘୁନାଥ ହାଇସ୍କୁଲ ପ୍ରଧାନ ଶିକ୍ଷକ କାଲିଆ କର୍ମୀ ପ୍ରମୁଖ ରାଜା ଅତିଥି ଭାବେ ଯୋଗଦେଇ ସାଂସ୍କୃତିକ ବାର୍ତ୍ତା ପ୍ରଦାନ କରିଥିଲେ।

ଦ୍ବିତୀୟ ପର୍ଯ୍ୟାୟ କଂଗ୍ରେସ ନେତା ବିନୋଦ ପାତ୍ର, ସାମ୍ବାଦିକ ଶେଷଦେବ ବାରିକ, ରାଜେଶ ସେଠୀ, ବିନୋଦ ପାଣ୍ଡେ, ସନାତନ ନାଗ, ପ୍ରହଲ୍ଲାଦ ବିହାରୀ ଦାସ ରାଜ ଅତିଥି ଭାବେ ଯୋଗଦେଇ ଥିଲେ। ପ୍ରତ୍ୟହ ସନ୍ଧ୍ୟା ସମୟରେ ରାଜ ଦରବାରରେ ଆଧୁନିକ ଓ ଲୋକନୃତ୍ୟ ସାଙ୍ଗକୁ ମୁକ୍ତାକାଶ ରଙ୍ଗମଞ୍ଚ ରେ ଶେଷ ନୃସିଂହଙ୍କ ବିଦ୍ୟା ଶିକ୍ଷା ଉପରେ ନାଟ୍ୟାଭିନୟ ଲୋକଙ୍କୁ ଖୁବ ଆମୋଦ ଦେଉଛି।  ଏହା ବାଦ୍ ମିନାବଜାର, ଚକ୍ରଦୋଳି ସାଙ୍ଗକୁ ବିଭିନ୍ନ ଘରକରଣା ସାମଗ୍ରୀର କିଣାବିକା ଯୋଗୁଁ ଖୁବ ଗହଲି ଲାଗୁଛି। ଏହା ସହ ହନୁମାନ ପୂଜା ଓ ଯଜ୍ଞ ମଧ୍ୟ ହେଉଥିବା ଦେଖିବାକୁ ମିଳିଛି।‌ ସକାଳେ ଲକ୍ଷ୍ମୀପୁଜା ହେବା ସହିତ ସନ୍ଧ୍ୟାରେ ଆଳତୀ ବେଳେ ଶ୍ରଦ୍ଧାଳୁଙ୍କ ଗହଳି ଲାଗି ରହୁଛି। କମିଟିର ସହ ସମ୍ପାଦକ ବିଦ୍ୟାଧର ଖୁର୍ଡୀଆ ରଙ୍ଗମଞ୍ଚ ପରିଚାଳନା କରିଥିଲେ। ଏଥିରେ କମିଟିର ପରିଚାଳନା ସଭାପତି ଲବ କୁମାର ସାହୁ, ଉପ ସଭାପତି ଧନଞ୍ଜୟ ସାହୁ, ସମ୍ପାଦକ ତ୍ରୟଞ୍ଜିବୀ ମିଶ୍ର,  କୋଷାଧ୍ୟକ୍ଷ ସତ୍ୟମୋହନ ବେଦପାଣି, ଉପଦେଷ୍ଟା ରାଜ ଗୋପାଲ ପାଣିଗ୍ରାହୀ ଓ କୁଶ କୁମାର ସାହୁ ପ୍ରମୁଖ ଉପସ୍ଥିତ କାର୍ଯ୍ୟକ୍ରମ ପରିଚାଳନା କରିଥିଲେ।