15-Dec-2020

ବଲାଙ୍ଗିର,(ସନ୍ତୋଷ କୁମାର ଠାକୁର): ଅବସରପ୍ରାପ୍ତ କ୍ରୀଡ଼ା ଶିକ୍ଷକ ତଥା କିତ୍ତ୍ରନ୍ୟ ଗୁରୁ ସତ୍ୟନାରାୟଣ ଦାଶଙ୍କ ଆଜି ମଧ୍ୟାହ୍ନରେ ମାଲପଡ଼ାସ୍ଥିତ ବାସଭବନରେ ପରଲୋକ ହୋଇ ଯାଇଛି । କ୍ରଡା ଶିକ୍ଷକ ଭାବେ ଭୂତିଆରବାହାଲ ସ୍ଥିତ ସଚ୍ଚିଦାନନ୍ଦ ହାଇସ୍କୁଲରେ ପ୍ରାୟ ୩୬ ବର୍ଷ ଧରି କାର୍ଯ୍ୟ କରିବା ପରେ ୨୦୦୮ ମସିହାରେ ଅବସର ଗ୍ରହଣ କରିଥିଲେ ।   ବିଗତ ଏକ ବର୍ଷ ହେବ ସେ ଅସୁସ୍ଥ ହୋଇ ଶଯ୍ୟାଶାୟୀ ଥିବା ବେଳେ ତାଙ୍କ ସ୍ତ୍ରୀ ପରିବାର ଲୋକେ ତାଙ୍କର ସେବା ଶୁଶୃଷା କରୁଥିଲେ । ଆଜି ସକାଳୁ ହଠାତ ତାଙ୍କ ଅବସ୍ଥା ଗୁରୁତର ହେବା ପରେ , ଦିନ ଏଗାର ଟା ସମୟରେ ତାଙ୍କର ମାଲ ପଡା ସ୍ଥିତ ବାସ ଭବନରେ ଶେଷ ନିଶ୍ୱାସ ତ୍ୟାଗ କରିଥିଲେ ।  ମୃତ୍ୟୁ ସମୟରେ ତାଙ୍କ ନିକଟରେ ସ୍ତ୍ରୀ ନିରୁପମା, ବଡ ପୁଅ ଆନନ୍ଦ, ବୋହୁ ସାଶ୍ୱତା, ସାନ ପୁଅ ଶଶାଙ୍କ, ଏକ ମାତ୍ର ଝିଅ ରଞ୍ଜିତା, ଜ୍ୱଇଁ ଅଜିତ, ନାତି ଆଶୁତୋଷ, ନାତୁଣୀ ସିଦ୍ଧି, ବଡ ଭାଇ ଶମ୍ଭୁ ଓ ସାନ ଭାଇ ସନ୍ତୋଷ ଓ ଝିଆରି ପୁତୁରା ମାନେ ଉପସ୍ଥିତ ଥିଲେ । ବିଭୂତି ପଡା ସ୍ଥିତ ଶଶ୍ମାନରେ ତାଙ୍କର ଶେଷ କୃତ୍ୟ ସଂପର୍ଣ୍ଣ କରଯାଇଥିଲା । ବଡ ପୁଅ ଆନନ୍ଦ ମୁଖାଗ୍ନୀ ଦେଇଥିଲେ । ତାଙ୍କର ମୃତ୍ୟୁ ଖବର ପ୍ରଚାରିତ ହେବା ପରେ ପରିଚିତ ମହଲ ରେ ଶୋକର ଛାୟା ଖେଳି ଯାଇଛି ।