14-Oct-2023

ବରଗଡ/ବଲାଙ୍ଗୀର(ପ୍ରେରଣା ଖବର ବ୍ୟୁରୋ ): ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ସହରର କ୍ରିକେଟ ଜୁଆ ମାଫିଆର ଡନ  ହିତେଶ ଜୈନଙ୍କ କବଜାରେ  ୨୦ଦିନ ହେଲାଣି ବରଗଡରୁ ନିଖୋଜ ହୋଇଥିବା ସୁନୀଲ ଅଗ୍ରୱାଲ ରହିଥିବା ସାଂଘାତିକ  ଅଭିଯୋଗ ଗଣମାଧ୍ୟମରେ ଆଣିଲେ ସୁନୀଲଙ୍କ ସ୍ତ୍ରୀ ଜୋସ୍ନା ଅଗ୍ରୱାଲ। କ୍ରିକେଟ ଜୁଆ ମାଫିଆ ଡନର କାକା ସୁନୀଲ ଜୈନ ନଗତ ପ୍ରାୟ ୨୫ରୁ ୩୦ ଲକ୍ଷ ଟଙ୍କା  ଜଣେ ଚାଉଳ ବ୍ୟବସାୟୀ ଙ୍କ ଠୁ ଆଣିଥିବା କଣ୍ଟାବାଞ୍ଜି ପୋଲିସ ଆଗରେ ସ୍ବୀକାର କରିଥିଲେ। ତାପରେ ମଧ୍ଯ କେଉଁ ଅଜଣା ଶକ୍ତିର ଚାପରେ ଉକ୍ତ ଜୁଆ ମାଫିଆଙ୍କୁ ପୋଲିସ ପଚରା ଉଚରା କରିବାରେ ଭୟ କରୁଛି ବୁଝାପଡୁନି। ଏବେ ଉକ୍ତ ଜୁଆ ମାଫିଆ ବିନଦାସ୍ କ୍ରିକେଟ ଜୁଆ ଖେଳ ଖୁଲମଖୁଲା ଚଳାଉଛି।  ମୋ ସ୍ବାମୀଙ୍କ ଠାରୁ ପ୍ରାୟ ଏକ କୋଟିରୁ ଊର୍ଦ୍ଧ୍ବ ଟଙ୍କା ସେପ୍ଟେମ୍ବର ୧ ରୁ ୨୫ ତାରିଖ ପର୍ଯ୍ୟନ୍ତ ହିତେଶ ନେଇଥିବା ପ୍ରମାଣ ମଧ୍ଯ ପୋଲିସକୁ ଦେଇଛି । ତାପରେ ମଧ୍ଯ ପୋଲିସ ହାତ ବାନ୍ଧି ବସିବା ପଛରେ କି ରହସ୍ଯ ରହିଛି ବୋଲି କ୍ଷୋଭ ପ୍ରକାଶ କରିଛନ୍ତି ଜୋସ୍ନା।  ତୁରନ୍ତ ପୋଲିସ ଜୁଆ ମାଫିଆ ଡନ ହିତେଶ ଓ ତାଙ୍କର କାକା ସୁନିଲକୁ ଅପହରଣ ମାମଲାରେ ତଦନ୍ତଭୁକ୍ତ କରି ପଚରାଉଚୁରା କଲେ ମୋ ସ୍ବାମୀଙ୍କୁ ମୁଁ ଫେରି ପାଇବି ବୋଲି ଆଶା କରିଥିବା ଅପହରଣ କର୍ତ୍ତାଙ୍କ ସ୍ତ୍ରୀ ଜୋସ୍ନା ଗଣମାଧ୍ୟମ ଆଗରେ ପ୍ରକାଶ କରିଛନ୍ତି ।