12-Sep-2023

ବେଲପଡ଼ା (ପୂର୍ଣ୍ଣ ଶଶୀ ଶେଖର ରାଓ ): : ପରିବାର ପେଟପାଟଣା ପାଇଁ ମାଁ ଯାଇଥିଲା ଧାନ ଜମିକୁ ହେଲେ ସେହି ଚାଷ ଜମିରେ ଆଜି ତାଙ୍କ ଶେଷ ଜୀବନ ଥିବା କେହି ଭାବିନଥିଲେ। ଆଜି ବର୍ଷା ଯୋଗୁଁ ଚାଷୀ ମାନଙ୍କ ମନରେ ଉତ୍ସାହିତ ହୋଇ ବିଲରେ କାମ କରିବା ପାଇଁ ଯାଇଥିବା ବେଳେ ସେହି ବର୍ଷା ରେ ହିଁ କାହା ପାଇଁ କାଳ ସାଜିଥିଲା ବିଜୁଳି ଓ ସେହି ବିଜୁଳି ଦୁଇ ଶିଶୁ କୁ ଅନାଥ କରିଦେଲା । ସୂଚନା ଅନୁସାରେ ବଲାଙ୍ଗିର ଜିଲ୍ଲା ବେଲପଡା ବ୍ଳକ ମଧ୍ୟପୁର ପଞ୍ଚାୟତ କଟାପାଲି ଗାଁ ର ପୂର୍ଣ୍ଣମୀ ବାଗ (୩୫) ସ୍ବାମୀ.ମହେନ୍ଦ୍ର ଧରୁଆ ନିଜ ଧାନ ଜମିକୁ ଯାଇଥିବା ବେଳେ ସେଠାରେ ଅପରାହ୍ନ ୧୨ ଟା ବେଳକୁ ଲଘୁଚାପ ଜନିତ ବର୍ଷା ଯୋଗୁଁ ବିଜୁଳି ଘଡ଼ଘଡ଼ି ହୋଇଥିଲା। ସେହି ଘଡ଼ଘଡ଼ି ର ବ୍ରଜାଘାତରେ ଚାଲିଗଲା ପୂର୍ଣ୍ଣିମା ଙ୍କ ଜୀବନ।କାଳେ ବଞ୍ଚିତ ଥିବା ଭାବି ସମାଜସେବୀ ତଥା ମଧ୍ୟପୁର ସରପଞ୍ଚ ରାମଗୋପାଳ ନାଏକ ଙ୍କ ସହାୟତା ରେ ବେଲପଡା ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର କୁ ଆଣିଥିଲେ କିନ୍ତୁ ଡ଼ାକ୍ତର ମୃତ ଘୋଷଣା କରିଛନ୍ତି। ଘଟଣା ସ୍ଥଳରେ ବେଲପଡା ପୋଲିସ ପହଞ୍ଚି ତଦନ୍ତ କରି ପଞ୍ଚନାମା ସାରି ପରିବାର ଲୋକଙ୍କୁ ଶବ ହସ୍ତାନ୍ତର କରିଛନ୍ତି।ଉକ୍ତ ପରିବାର ଗରିବ ଶ୍ରେଣୀର ହୋଇଥିବାରୁ ସରକାରୀ ସହାୟତା ଓ ଦୁଇ ଶିଶୁ ଙ୍କ ସୁବ୍ୟବସ୍ଥା ପାଇଁ ପ୍ରଶାସନ କୁ ଗୁହାରି କରିଛନ୍ତି।