12-Sep-2023

ବଲାଙ୍ଗୀର(ପ୍ରେରଣା ଖବର ): ଗତକାଲି ରାତିରେ ବଲାଙ୍ଗୀର ପୁରୁଣା ରାଜବାଟୀ ସ୍ଥିତ ଏକ ଫଳ ଗୋଦାମ ର ସଟର୍ ଭାଙ୍ଗି କିଛି ଦୁର୍ବୃତ୍ତ ଦୋକାନର ଲକ୍ଷାଧିକ ଟଙ୍କର ସାମଗ୍ରୀ ଓ ଫଳମୂଳ ଚୋରୀ କରି ନେଇଛନ୍ତି । ସବୁଦିନ ପରି ଗତକାଲି ରାତି ୮ଟାରେ ଦୋକାନ ବନ୍ଦ କରି ଥିଲେ ଗୋଦାମର ମାଲିକ  ଶଶୀକାନ୍ତ ପାଣିଗ୍ରାହୀ । ଆଜି ସକାଳେ ଗୋଦାମ ଖାଲିବା ପାଇଁ ଗଲା ବେଳେ ଦୋକାନର ସଟର୍ ଭଙ୍ଗା ଯାଇଥିବା ଦେଖିଥିଲେ ଶ୍ରୀ ପାଣିଗ୍ରାହୀ । ତା ପରେ ଗୋଦାମ ଭିତରକୁ ଯାଇ ଦେଖିଲା ବେଳକୁ ସେଠାରେ ଥିବା ଏକ ଏଲ୍‌ଇଡି ଟିଭି, ୧୭ପେଟି ସେଓ,  ତିନୋଟି ଗ୍ୟାସ୍ ସିଲିଣ୍ଡର,  ଓ ଗୋଦାମର ଟ୍ରେଜେରୀ ଭାଙ୍ଗି  ୧୭ହଜାର ଟଙ୍କାର ଦଶଟଙ୍କିଆ କଏନ୍ , ଶହେ ଓ ପାଂଚ ଶହ ଟଙ୍କା ମିଶି ୧୫ହଜାର ଟଙ୍କା ଚୋରୀ ହୋଇଯାଇ ଥିବା ଦେଖିବାକୁ ପାଇଥିଲେ । ଆଜି ଏ ସଂକ୍ରାନ୍ତରେ ଦୋକାନର ମାଲିକ ଶ୍ରୀ ପାଣିଗ୍ରାହୀ ଟାଉନ ଥାନାରେ ଲିଖିତ ଅଭିଯୋଗ କରିଛନ୍ତି । ଟାଉନ ଥାନା ପୋଲିସ ଘଟଣା ସ୍ଥଳରେ ପହଂଚି ତଦନ୍ତ କରୁଛି ।