09-Sep-2023

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ ): ଗରିବୀ ପାଇଁ ପେଟ ପୋଷିବାକୁ ଆସିଥିଲେ ପାଖ ସହରକୁ। ମୂଲ ଲାଗି ଦୁଇପଇସା ରୋଜଗାର କଲେ ପରିବାର ପାଇଁ ତେଲଲୁଣ ନେଇଥାନ୍ତା l ରୁଗଣ କାଳ ପିତାମାତାଙ୍କ ପାଇଁ ଔଷଧ ନେବାର ଆଶାକରି ଆସିଥିଲେ ନରସିଂହ।ହେଲେ କିଏ ଜାଣିଥିଲା  ଆଜି ସେଇକାମ ହିଁ ତାର ଜୀବନ ନେଇଯିବ  ବୋଲି।  ବୌଦ୍ଧ ଜିଲ୍ଲା ଧୁଙ୍ଗିଆ ପଦର୍ ଗ୍ରାମ

ରୁ ଆସିଥିବା ନରସିଂହ ମହାନନ୍ଦିଆ ଆଜି ବଡ଼ବଜାର ଦୂର୍ଗାମଣ୍ଡପ ପାଖରେ ଥିବା ସାହୁ ପରିବାରର ଏକ ପୁରୁଣା ଘରର ଛାତ ଭାଙ୍ଗିବାକୁ ଆସିଥିଲେ। ହେଲେ କାମକରୁଥିବା ବେଳେ ଛାତଟି ତା ଉପରେ ହିଁ ଭୁଷୁଡି ପଡିଲା । ଦୁର୍ଗାମଣ୍ଡପ ଛକ ର ନନ୍ଦ କିଶୋର ସାହୁଙ୍କ ଘରକୁ। ମାତ୍ର ଦୁର୍ଭାଗ୍ୟ ବଶତଃ କାମ କରୁଥିବା ସମୟରେ ଛାତ ଟି ହଠାତ୍ ମାଡ଼ି ବସିଥିଲା ଆଉ ପୁରା ଛାତ ତଳେ ଚାପି ହୋଇଯାଇଥିଲା ତାରି ପୁରା ଶରୀର। ଦମକଳ ବାହିନୀ ଆସି ଉଦ୍ଧାର କରି ସ୍ଥାନୀୟ ଡାକ୍ତରଖାନା କୁ ନେଇଥିଲେ ହେଲେ ଡାକ୍ତର ସେଠି ମୃତ ଘୋଷଣା କରିଥିବା ସୂଚନା ମିଳିଛି। ପୋଲିସ ଏକ ଅପମୃତ୍ୟୁ ମାମଲା ରୁଜୁ କରି ତଦନ୍ତ ଆରମ୍ଭ କରିଛି। ତାଙ୍କର ଗୋଟିଏ କଲେଜ ପଢ଼ୁଆ ପୁଅ ଥିବା ସୂଚନା ମିଳିଛି। ପ୍ରକାଶ ଥାଉ କି ଯେ ସୋନପୁର ପୌର ପରିଷଦ ଦ୍ୱାରା ବିଗତ ମାସ ରେ ଏ ବଡ଼ ବଜାର ଅଞ୍ଚଳ ରେ ଜବର ଦଖଲ ଉଚ୍ଛେଦ ପାଇଁ ଅନେକ ପରିବାର କୁ ନୋଟିସ ଵା ତାଗିଦ କରିଥିଲା l ନିୟମତଃ  ଏ ଅଞ୍ଚଳ ର ଲୋକଙ୍କ ଘର ର  ଆସବାବ ପାତ୍ର ସ୍ୱତଃ ହଟାଇବା ପରେ ଲୋକ ଙ୍କ ଧନ ଜୀବନ ରକ୍ଷା ପାଇଁ ପୌର ପରିଷଦ ର ବୁଲଡ଼େଜର ମେସିନ ଦ୍ୱାରା ସୁରକ୍ଷିତ ଭାବେ ଘର ଭାଙ୍ଗିବା ଦାୟିତ୍ୱ ଓ କର୍ତ୍ତବ୍ୟ l ତାହା ପୁଣି ପୌର ପ୍ରଶାସନ, ପୋଲିସ ପ୍ରଶାସନ ଓ ମାଜିଷ୍ଟ୍ରେଟ ଙ୍କ ଉପସ୍ଥିତି ରେ l ଯଦି ପୌର ପରିଷଦ  ନିଜ ଦାୟିତ୍ୱ ନିଜେ ମୁଣ୍ଡାଇ ଥାନ୍ତା ଆଜି ଅକାରଣ ରେ ଗୋଟେ ବହୁ ମୂଲ୍ୟ ନିରୀହ ଜୀବନ ଯାଇ ନ ଥାନ୍ତା,  ଏ  ଶ୍ରମିକ ପରିବାର ପିଲା ଛୁଆ ଅନାଥ ହୋଇ ନ ଥାନ୍ତେ l  ଘର ଭାଙ୍ଗିବାକୁ ପୌର ପରିଷଦ ଲୋକଙ୍କୁ ଟାଇମ  ଟାର୍ଗେଟ

ଦେଇ ଘୋଷଣା କରିବା ପରେ ଆମେ ମୁଲେଇ ଚୂଲେଇ ଶୀଘ୍ର  ଘର ଭଙ୍ଗା କାମ ସାରିବାକୁ  କଣ୍ଟାକ୍ଟ  ଦେଇଥିଲୁ  ବୋଲି ଘର ମାଲିକ  ପ୍ରକାଶ କରିଛନ୍ତି l କେବଳ ଏ ଘଟଣା ନୁହେଁ ପୌର ଅଧିକାରୀ ଙ୍କ ସହର ରେ ଏଭଳି ଅନେକ ଘଟଣା ରେ ମନମାନି ଓ ବଡ଼ ପଣିଆ ନୀତିକୁ ବୁଦ୍ଧିଜୀବୀ ଘୋର ନିନ୍ଦା କରିଛନ୍ତି l ଏବଂ ଦୀର୍ଘ ଦିନରୁ ଏ  ଅଧିକାରୀଙ୍କ ଅନ୍ୟତ୍ର ବଦଳି ହୋଇଥିବା ସତ୍ୱେ ଏ ଜାଗା ରୁ ରିଲିଭ ନ ହେବା ପଛରେ କଣ ରହସ୍ୟ ରହିଛି ତାହା ଏ ଘଟଣା ପରେ ଲୋକେ ପ୍ରଶ୍ନ କରିଛନ୍ତି l  ଖବର ରୁ ପ୍ରକାଶ ଯେ  ଆଜି ସନ୍ଧ୍ୟା ଯାଏ ମୃତ ଶ୍ରମିକ ର ପରିବାର ସ୍ୱଜନ   ୧୦ଲକ୍ଷ ଟଙ୍କା କ୍ଷତିପୂରଣ ଦାବୀ କରି  ଉକ୍ତ ଡେଡ ବଡି ର ପି ଏମ  କରେଇ ନ ଦେବାକୁ ଜିଦ ଧରିଥିଲେ l