08-Sep-2023

ସମ୍ବଲପୁର.ଧମା .(ସଂଜୀବକୁମାରପାଣିଗ୍ରାହୀ) - ଠେମରା ଗୋଷ୍ଠୀ  ସ୍ୱାସ୍ଥ୍ୟ କେନ୍ଦ୍ର ପକ୍ଷରୁ ଆଜି ମା ଝାଡେଶ୍ବରୀ ମହାବିଦ୍ୟାଳୟରେ “ନୀଳ ଆକାଶ ନିମନ୍ତେ ସ୍ୱଚ୍ଛ ବାୟୁ” କାର୍ଯ୍ୟକ୍ରମ ଆୟୋଜିତ ହୋଇଯାଇଛି। ମହାବିଦ୍ୟାଳୟ ଯୁକ୍ତ ଦୁଇ ସ୍ରୋତର ଅଧ୍ୟକ୍ଷ ଅଶୋକ କୁମାର ପୁରୋହିତଙ୍କ ସଭାପତିତ୍ୱରେ ଆୟୋଜିତ ଏହି ସଭାରେ ଠେମରା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ପକ୍ଷରୁ ଡା. ପ୍ରତାପ ନାଏକ, ନାଏକ,ପିଏଚଇଓ କିରଣବାଳା ଜେନା ଓ ବ୍ଲକ କାର୍ଯ୍ଯକ୍ରମ ସଂଗଠକ ଯୋଗେଶ କୁମାର ପୁରୋହିତ ବିଦ୍ୟାର୍ଥୀମାନଙ୍କୁ ବାୟୁ ପ୍ରଦୁଷଣର କାରଣ ତଥା ସେଥିରୁ ସୃଷ୍ଟ ବିବିଧ ରୋଗ ଓ ଏହାର ନିରାକରଣ ସମ୍ପର୍କରେ ସଚେତନ କରାଇଥିଲେ। ପରେ ଛାତ୍ରଛାତ୍ରୀମାନଙ୍କ ମଧ୍ଯରେ ଏକ ସ୍ୱାସ୍ଥ୍ୟ ସମ୍ବନ୍ଧୀୟ ପ୍ରଶ୍ନୋତ୍ତର ପ୍ରତିଯୋଗିତା ଆୟୋଜିତ ହୋଇଥିଲା ଏଥିରେ  ଅର୍ଚିତା ଦାଶ,ପଦ୍ମିନୀ ମଣ୍ଡା,ଚନ୍ଦନ ଭୋଇ,ସୁମନ ମେହେର,ରାଜଲକ୍ଷ୍ମୀ ପଣ୍ଡା,ଗାୟତ୍ରୀ ବେହେରା,ଏଲିନା କୁଅଁର,ଅମିଷା ସୁନା,ନିହାରିକା ପ୍ରଧାନ,ବବିତା କୁମ୍ଭାର,ଅନିରୁଦ୍ଧ କାଣ୍ଡ,ଲିପ୍‌ସା ସାହୁ,ରୂପାଳି ରଣା,ହେମନ୍ତ କନ୍ଧେର ପ୍ରମୁଖ ଠିକ ଉତ୍ତର ଦେଇ ପୁରସ୍କୃତ ହୋଇଥିଲେ। ଅଧ୍ଯାପକ ଡ. ସିଦ୍ଧାର୍ଥ ପଣ୍ଡା ପ୍ରାରମ୍ଭିକ ସୂଚନା ପ୍ରଦାନ କରିଥିବା ବେଳେ ଅଧ୍ୟାପକ ସତ୍ୟନାରାୟଣ ଦାଶ,ବ୍ୟାସଦେବ ପଣ୍ଡା, ଜୀବର୍ଦ୍ଧନ ସେଠ ପ୍ରମୁଖ ଅଧ୍ୟାପକ ଓ କର୍ମଚାରୀ ଏଥିରେ ସହଯୋଗ କରିଥିଲେ।ଶେଷରେ ଯୁକ୍ତ ତିନ ସ୍ରୋତର ଅଧ୍ୟକ୍ଷ ଅନିଲ ପ୍ରଧାନ ଧନ୍ୟବାଦ ଅର୍ପଣ କରିଥିଲେ।