06-Sep-2023

ବୀରମହାରାଜପୁର,( ବିନୋଦ ପାଣ୍ଡେ): ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ଥାନା ଅନ୍ତର୍ଗତ ଖିରପୁର ରାସ୍ତା ନିକଟରୁ ମଙ୍ଗଳବାର ବେଆଇନ ଦେଶୀ ରନ୍ଧା ମଦ ଚାଲାଣ କରୁଥିବା ଅଭିଯୋଗରେ ବୀରମହାରାଜପୁର ଅବକାରୀ ପୋଲିସ ଜଣେ ଯୁବକକୁ ଗିରଫ କରିଛି। ମିଳିଥିବା ସୂଚନା ଅନୁଯାୟୀ, ବୀରମହାରାଜପୁର ଅବକାରୀ ବିଭାଗ ଉକ୍ତ ଅଞ୍ଚଳରେ ବେଆଇନ ଦେଶୀ ରନ୍ଧା ମଦ ଚୋରାଚାଲାଣ ହେଉଥିବା ନେଇ ଖବର  ପାଇଥିଲା। ବେଆଇନ ଦେଶୀ ରନ୍ଧା ମଦ ଚୋରାଚାଲାଣ କୁ ରୋକିବା ପାଇଁ ବୀରମହାରାଜପୁର ଅବକାରୀ ବିଭାଗ ଏକ ଟିମ ଖିରପୁର ରାସ୍ତା ନିକଟରେ ତନଖି କରୁଥିଲେ। ଉକ୍ତ ରାସ୍ତା ଦେଇ ସାଗଜୁରି ଗ୍ରାମର ବିଶ୍ଵଜିତ ବାଘ ଓଡି ୩୧ ୫୭୩୮ ବାଇକ ଯୋଗେ ଯାଉଥିବା ସମୟରେ ସନ୍ଦେହ କରି  ଅଟକାଇ ଥିଲେ। ଏବଂ ଉକ୍ତ ଯୁବକଙ୍କୁ ଠାରୁ ୧୦୦ ଲିଟର ଦେଶୀ ରନ୍ଧା  ଜବତ କରିଥିଲେ। ଦେଶୀ ରନ୍ଧା ମଦ ବେଆଇନ ଭାବରେ ଚୋରାଚାଲାଣ କରୁଥିବା ଅଭିଯୋଗ ରେ ଅବକାରୀ କେସ ନଂ ୮୯/୨୩ ରେ ଏକ ମାମଲା ରୁଜୁ କରି କୋର୍ଟ ଚାଲାଣ କରିଥିବା ନେଇ ଅବକାରୀ ଥାନା ଅଧିକାରୀ ସୁମିତ୍ରା ହେମ୍ବ୍ରମ ସୂଚନା ଦେଇଛନ୍ତି।‌ ଏହି ଚଢାଉ ସମୟରେ କନେଷ୍ଟବଳ ଉରଭି ମାଝି,ରେଣୁକାନ୍ତ ଭୋଇ, ରାଜିବ ଭଞ୍ଜ ପ୍ରମୁଖ ସାମିଲ ଥିଲେ।