03-Sep-2023

ଆଗଲପୁର, (ବିନୋଦ କୁମାର ଦୀପ) ବଲାଙ୍ଗୀର ଜିଲ୍ଲା ଆଗଲପୁର ବ୍ଲକ ଅନ୍ତର୍ଗତ ବଦୁଳା ପଂଚାୟତ ଅନ୍ତର୍ଗତ ବୁରୋମୁଣ୍ଡା ଗ୍ରାମରେ ବିଲରେ କାମ କରୁଥିବା ସମୟରେ ବଜ୍ରପାତ ଯୋଗୁଁ ୮ ଜଣ ମହିଳା ଗୁରୁତର ହୋଇଥିବା ସୂଚନା ରୁ ପ୍ରକାଶ l ସଙ୍ଗେ ସଙ୍ଗେ ଖବର ପାଇ ସ୍ଥାନୀୟ ଲୋକେ ଉଦ୍ଧାର୍ କରି ଆଗଲପୁର ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ର ରେ ଭର୍ତି କରିଛନ୍ତି l ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ର ଡକ୍ଟର ବେଣୁଧର ପଧାନ ତୁରନ୍ତ ଚିକିତ୍ସା କରି ସେମାନଙ୍କର ଅବସ୍ଥା ସମ୍ପର୍କରେ ବୁଝିଥିଲେ l ଅତି ଦୁଃଖର କଥା ଯେ ଆଗଲପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର ରେ ଆମ୍ବୁଲାନ୍ସ ର ଘୋର ଅଭାବ ରହିଛି l ସ୍ୱାସ୍ଥ୍ୟକେନ୍ଦ୍ର ରେ ଥିବା ୨ ଟି ଆମ୍ବୁଲାନ୍ସ ଦୀର୍ଘ 6 ମାସରୁ ଅଧିକ ହେବ ଅଚଳ ହୋଇ ପଡ଼ିଛି l ଲୋକମାନେ ଏ ବିଷୟରେ ତୀବ୍ର ଅସନ୍ତୋଷ ପ୍ରକାଶ କରିଛନ୍ତି l ଆମ୍ବୁଲାନ୍ସ ନ ମିଳିବାରୁ ରୋଗୀ ମାନଙ୍କୁ ଡାକ୍ତରଖାନା ଆଣିବାରେ ବହୁତ୍ ଅସୁବିଧା ର ସମ୍ମୁଖୀନ ହେବାକୁ ପଡୁଛି l ସ୍ଥାନୀୟ ବିଧାୟକ ଡ଼ ମୁକେଶ ମହାଲିଙ୍ଗ ଖବର ପାଇ ସଙ୍ଗେ ସଙ୍ଗେ ଆଗଲପୁର ଗୋଷ୍ଠୀ ସ୍ବାସ୍ଥ୍ୟ କେନ୍ଦ୍ର କୁ ଆସି ଆହତ ମାନଙ୍କ ସ୍ବାସ୍ଥ୍ୟାବସ୍ଥା ପଚାରି ବୁଝିଥିଲେ l ଏହାସହ କୁଟାସିଂହା ଗ୍ରାମର ଜଣେ ବ୍ୟକ୍ତି ବ୍ରଜାପାତ ର ଶିକାର ହୋଇ ତାଙ୍କୁ ଗୁରୁତର ଅବସ୍ଥା ରେ ଲୋଇସିଂହା ଡ଼ାକ୍ତରଖାନା କୁ ଚିକିତ୍ସl ପାଇଁ ନିଆ ଯାଇଥିଲା, ଡାକ୍ତର ଉକ୍ତ ବ୍ୟକ୍ତି କୁ ଦେଖି ମୃତ ଘୋଷଣା କରିଥିଲେ l ଆଗଲପୁର ସ୍ୱାସ୍ଥ୍ୟ କେନ୍ଦ୍ର ରେ ପ୍ରାଥମିକ ଚିକିତ୍ସା କରି ବଲାଙ୍ଗିର ଡାକ୍ତରଖାନାକୁ ସ୍ଥାନାନ୍ତରଣ କରାଯାଇଥିବା ଡ଼ାକ୍ଟର ଶ୍ରୀ ପଧାନ କହିଛନ୍ତି l ଗୁରୁତର ୨ ଜଣକୁ ଆମ୍ବୁଲାନ୍ସ ଯୋଗେ ବଲାଙ୍ଗିର କୁ ପଠାଯାଇଛି l ବାକି ଛଅ ଜଣକୁ ଆଉ ଗୋଟେ ଆମ୍ବୁଲାନ୍ସ ଯୋଗେ ନିଆଯିବ ବୋଲି ଡାକ୍ତରଖାନା ଶ୍ରୀ ପଧାନ ସୁଚନା ଦେଇଛନ୍ତି l