03-Sep-2023

ବଲାଙ୍ଗିର (ପ୍ରେରଣା ଖବର ): ପ୍ରକ୍ରୁତି ବନ୍ଧୁ ଶିକ୍ଷକ ଦିଗାମ୍ବର ନାଏକଙ୍କ ପରିଚୟ କହିଲେ ରାମଜୀ ହାଇ ସ୍କୁଲକୁ ବୁଝାଏ । ଦୀର୍ଘ ୩୭ବର୍ଷ ୧ ମାସ ଧରି ଶିକ୍ଷକତା ଚାକିରି ପରେ ସେ ଗତ ୩୧.୦୮.୨୦୨୩ ତାରିଖରେ କର୍ମକ୍ଷେତ୍ରରୁ ଅବସର ନେଲେ, ତାହା ପୁଣି ନିଆରା ଢଙ୍ଗରେ । କାର୍ଯ୍ୟକ୍ରମରେ ମୁଖ୍ୟଅତିଥି ଭାବେ ଯୋଗଦେଇଥିଲେ ମାନ୍ୟବର ରାଜ୍ୟସଭା ସାଂସଦ ନିରଞ୍ଜନ ବିଶି, ସମ୍ମାନିତ ଅତିଥି ଭାବେ ବଲାଙ୍ଗୀର ଜିଲ୍ଲା ପରିଷଦ ଅଧ୍ୟକ୍ଷା ଶ୍ରୀମତୀ ଦେବକୀ ସାହୁ, ପୁଇନ୍ତଲା ବ୍ଲକ ଅଧ୍ୟକ୍ଷ ସରୋଜ କୁମାର ପଧାନ, ୧୯ନ.ଜିଲ୍ଲା ପରିଷଦ ସଭ୍ୟ।

ସବିତା ସେଟ, କୁରୁଲ ସରପଞ୍ଚ ଅନିତା ସେଟ ଓ କୁରୁଲ ସମିତି ଯଶୋବନ୍ତୀ ସେଠ । ପ୍ରଥମେ ଶ୍ରୀ ନାଏକଙ୍କ ବିଦାୟ କାଳୀନ ସ୍ମୃତି କୁ ଚିରଦିନ ମନେପକାଇବା ସକାଶେ ମାନ୍ୟବର ସାଂସଦ ଶ୍ରୀଯୁକ୍ତ ବିଶି ଙ୍କ ପ୍ରଦତ୍ତ ଛାତ୍ରୀଙ୍କ ସାଇକେଲ ଷ୍ଟାଣ୍ଡ (ଆଞ୍ଚଳିକ ଉନ୍ନୟନ ପାଣ୍ଠି ) କୁ ସମସ୍ତ ଅତିଥି ଫିତାକାଟି ଉନ୍ମୋଚନ କରି ମୋ ସ୍କୁଲ ଅଭିଯାନ କାର୍ଯକ୍ରମରେ ନିର୍ମିତ ଆଲୁମିନିଙ୍କ ନୂତନ ଗୃହକୁ ଉଦଘାଟନ କରିଥିଲେ । ପରେ ହଜାର ହଜାର ସଂଖ୍ୟାରେ ଯୋଗଦେଇଥିବା ପୁରାତନ ଓ ନୂତନ ଛାତ୍ର ଛାତ୍ରୀ, ଅଭିଭାବକ ଅଭିଭାବିକା, ମହିଳା ସ୍ଵଂୟ ସହାୟକ ଦଳ, ବରିଷ୍ଠ ନାଗରିକ କଲ୍ୟାଣ ସଂଘ୍, ସରପଞ୍ଚ, ସମିତିସଭ୍ୟ, ବୁଦ୍ଧିଜୀବୀ, ଅଞ୍ଚଳ ବାସୀଙ୍କୁ ନେଇ ଏକ ସଭାର ଆୟୋଜନ କରାଯାଇଥିଲା। ସଭାରେ ସଭାପତିତ୍ବ କରିଥିଲେ ପ୍ରାକ୍ତନ ପ୍ରଧାନଶିକ୍ଷକ ସୁବାସ ଚନ୍ଦ୍ର ପଣ୍ଡା ଓ ଅତିଥି ପରିଚୟ ପ୍ରଦାନ କରିଥିଲେ ବର୍ତ୍ତମାନର ପ୍ରଧାନ ଶିକ୍ଷକ ଆନନ୍ଦ କୁମାର ସାହୁ। ମୁଖ୍ୟ ଅତିଥି ବିଦାୟୀ ଶିକ୍ଷକଙ୍କ ସ୍କୁଲ ପ୍ରତି ସମର୍ପିତ ଅବଦାନକୁ ଭୂୟସୀ ପ୍ରଶଂସା କରି ବିଦ୍ୟାଳୟର ମଞ୍ଚକୁ ପୁନରୁଦ୍ଧାର କରିବାକୁ ପ୍ରତିଶ୍ରୁତି ଦେଇଥିଲେ। ମୁଖ୍ୟବକ୍ତା ଅଧ୍ୟକ୍ଷ ପୁଇନ୍ତଲ। ବ୍ଲକ ଶ୍ରୀଯୁକ୍ତ ପଧାନ ରାମଜୀ ହାଇସ୍କୁଲ କହିଲେ ଦିଗାମ୍ବର ସାର ଙ୍କୁ ବୁଝାଏ, ସେ ଏଇ ବିଦ୍ୟାଳୟର ବିନ୍ଧାଣୀ। ଝାଟିମାଟି ଘରଠୁ ଆରମ୍ଭ ଏଇ ବିଦ୍ୟାଳୟ ଆଜି ରାଜ୍ୟରେ ଅଗ୍ରଣୀ ବିଦ୍ୟାଳୟ ଭାବେ ପରିଗଣିତ । ୫-ଟି ପୂର୍ବରୁ ଏହାର ରୂପାନ୍ତରିତ ହୋଇଥିଲା କିନ୍ତୁ ୫-ଟି ପରେ ଏହା ଆହୁରି ସୁନ୍ଦର ଦେଖାଯାଉଥିବା ର ମୁଖ୍ୟ ବିନ୍ଧାଣୀ ଶ୍ରୀ ନାଏକ । ମାନନୀୟା ଅଧ୍ୟକ୍ଷା ଜିଲ୍ଲା ପରିଷଦ ବଲାଙ୍ଗୀର ଅପରାହ୍ନ ୪ଟା ରେ ଯୋଗଦେଇ  ଶିକ୍ଷକ ଶ୍ରୀ ନାଏକଙ୍କ ଅବଦାନକୁ ପ୍ରଶଂସା କରି ନାଏକଙ୍କ ପ୍ରଦତ୍ତ ୩୭ ଟି ନଡିଆଗଛ  ରୋପଣର ଶୁଭାରମ୍ଭ କରିଥିଲେ। ପରବର୍ତ୍ତୀ ଯତ୍ନ ଛାତ୍ର ଛାତ୍ରୀ ଙ୍କୁ ନେବାକୁ ପରାମର୍ଶ ଦେଇଥିଲେ। ଧନ୍ୟବାଦ ଅର୍ପଣ କରିଥିଲେ ବିଜ୍ଞାନ ଶିକ୍ଷୟିତ୍ରୀ ବାସନ୍ତୀ ସାହୁ । ପରେ ସ୍କୁଲ ଛାତ୍ର ଛାତ୍ରୀ ଏକ ସାଂସ୍କୃତିକ କାର୍ଯ୍ୟକ୍ରମ ପରିବେଷଣ କରିଥିଲେ। ହଜାର ହଜାର ସଂଖ୍ୟାରେ ଯୋଗଦେଇଥିବା ପୁରାତନ ଛାତ୍ରଛାତ୍ରୀ ଓ ବୁଦ୍ଧିଜୀବୀ ପୁଷ୍ପଗୁଛ୍, ଉପଢୌକନ ଦେଇ ଗୁରୁଙ୍କୁ ସମ୍ବର୍ଦ୍ଧିତ କରିଥିଲେ। ଏଇ ନିଆରା ଦୃଶ୍ୟ ଥିଲା ଅଭିନ୍ନ । ପୁଣି  ଓଡ଼ିଶାର ପ୍ରଖ୍ୟାତ rok star ଗାୟକ ରୁକୁ  ସୁନା ଙ୍କ ମେଲୋଡି କାର୍ଯକ୍ରମ ଅନୁଷ୍ଠିତ ହୋଇଥିଲା। ଶିକ୍ଷକ ଦିଗାମ୍ବର ନାଏକଙ୍କୁ ଦୁଲଦୁଲି, ଡି. ଜେ., ଭରତ ବାହାଲ ଓ ଦୂର୍ଗ।ପଡ଼ା କୀର୍ତ୍ତନ ମଣ୍ଡଳୀ ଙ୍କ ତାଳେ ତାଳେ ହଜାର ହଜାର ସଂଖ୍ୟାରେ ଲୋକ

ରୁଣ୍ଡ ହୋଇ ନାଚ ଗୀତ ସହ ଘରକୁ ଶୋଭାଯାତ୍ରା କରି ପାଛୋଟି ଆଣି ଘରେ ଛାଡ଼ିଥିଲେ। ବିଦ୍ୟାଳୟର ଆଲୁମିନି ସଭାପତି ଅଶ୍ଵିନୀ କୁମାର ନାଏକ, ସଭାପତି ପରିଚାଳନା କମିଟି ସୁଦାମ ପଟେଲ, ସଚ୍ଚିକାନ୍ତ ରାଉତ, ମାନସିଂ ସେଟ, ସନ୍ତୋଷ ପଟେଲ, ଆଶିଷ ନାଏକ, ସୁରେନ୍ଦ୍ର ନାଏକ, ଭକ୍ତଚରଣ ନାଏକ ପ୍ରମୁଖ ଭୂମିକା ନେଇଥିଲେ ଓ ନୂତନ ପୁରାତନ ଛାତ୍ର ଛାତ୍ରୀ ସହଯୋଗରେ କାର୍ଯକ୍ରମ ଅତି ସୁନ୍ଦର ଭାବେ ନିର୍ବାହ ହୋଇଥିଲା ।