30-Aug-2023

ବରଗଡ: ବରଗଡ ଜିଲ୍ଲା ଭେଡେନ ବ୍ଲକ ଡାଲବ ପଞ୍ଚାୟତର ଖୁଣ୍ଟୁଲିପାଲି ସରସ୍ଵତୀ ଶିଶୁ ବିଦ୍ୟାମନ୍ଦିର ଠାରେ ରକ୍ଷା ବନ୍ଧନ ଓ ଗଙ୍ଗାଧର ଜନ୍ମ ଜୟନ୍ତୀ ପାଳିତ ହୋଇଯାଇଛି। ଏଥିରେ ମୁଖ୍ୟ ଅତିଥି ରୂପେ  ପ୍ରହଲ୍ଲାଦ ସେଠ୍ (ସମ୍ବଲପୁରୀ

କବି,ନାଟ୍ୟକାର, ଲେଖକ), ବିଦ୍ୟାଳୟର ସମ୍ପାଦକ  ମଦନ ମୋହନ ଦାଶ, ଉପସଭାପତି  ପ୍ରବୀଣ କୁମାର ସାହୁ, କୋଷାଧ୍ୟକ୍ଷ  ଗଜାନନ ବନଛୋର  ଯୋଗଦେଇଥିଲେ ।ବିଦ୍ୟାଳୟର ପ୍ରଧାନ ଆଚାର୍ଯ୍ୟ  ଭୋଜରାଜ ଦୁଆନ ଅତିଥି ପରିଚୟ ପ୍ରଦାନ କରିଥିଲେ ।ମୁଖ୍ୟ ଅତିଥି ଗଙ୍ଗାଧର ମେହେରଙ୍କ କବିତା ଗାନ କରିଥିଲେ ଓ ଜୀବନୀ ବିଷୟରେ ଉଦବୋଧନ ଦେଇଥିଲେ । ଶିଶୁ ଭାଇ,ଭଉଣୀମାନଙ୍କ ଦ୍ଵାରା ଗଙ୍ଗାଧର ମେହେରଙ୍କ ଫଟୋରେ ପୁଷ୍ପ ଅର୍ପଣ ପୂର୍ବକ ତାଙ୍କର କାବ୍ୟ କବିତା ଗାନ କରାଯାଇଥିଲା ।ସମସ୍ତ ଭାଇ ଭଉଣୀ ପରସ୍ପରକୁ ରାକ୍ଷୀ ବାନ୍ଧି ଥିଲେ । ଗୋମାତା ଓ ଗଛକୁ ପୂଜନ ପୂର୍ବକ ରାକ୍ଷୀ ବାନ୍ଧିଥିଲେ ।ଶେଷରେ ବିଦ୍ୟାଳୟର ବରିଷ୍ଠ ଗୁରୁମା ସାନ୍ତ୍ଵନା ପୁରୋହିତ ଧନ୍ୟବାଦ ଅର୍ପଣ କରିଥିଲେ ।