30-Aug-2023

ବରଗଡ଼ // ହଜାର ହଜାର ଅସହାୟ ଲୋକଙ୍କ ପାଇଁ ଆଶାବାଡି ସାଜିଥିବା ଟ୍ୱିଟର ଗାର୍ଲ ଭାବେ ଜଣାଶୁଣା ଟେମରି ଗ୍ରାମର ସ୍ବେଚ୍ଛାସେବୀ ଦୀପା ବାରିକ ସାଧାରଣ ଲୋକଙ୍କ ପାଇଁ ପ୍ରତିଦିନ ସଂଘର୍ଷ କରୁଥିବା ପରିଲକ୍ଷିତ ହୁଏ।

ବରଗଡ:-ବରଗଡ଼ ଜିଲ୍ଲା ପାଇକମାଲ ବ୍ଲକ ଅନ୍ତର୍ଗତ ଟେମରି ଗ୍ରାମର ଝାନ୍ସୀ ସିଂ ବରିହା ବୟସ ୧୯ ବର୍ଷ।ସେ ଗତ ଏକ ବର୍ଷ ହେଲା କର୍କଟ ରୋଗରେ ଆକ୍ରାନ୍ତ ହୋଇ ଏମ୍ସ ଭୁବନେଶ୍ୱର ଠାରେ ଚିକିତ୍ସିତ ହେଉଛନ୍ତି। ସେ ଗତବର୍ଷ ତାଙ୍କ ବାପାଙ୍କୁ ହରାଇଛନ୍ତି, ତେଣୁ ତାଙ୍କ ଆର୍ଥିକ ଅବସ୍ଥା ଠିକ ନ ଥିବାରୁ ଚିକିତ୍ସା ପାଇଁ ଅନେକ ସମସ୍ୟାର ସମ୍ମୁଖୀନ ହେଉଥିବା ବେଳେ

ସହଯୋଗ ର ହାତ ବଢ଼େଇଥିଲେ ନିଜ ଗାଁର ସ୍ବେଚ୍ଛାସେବୀ ଦୀପା ବରିକ।ଚଳିତ ଅଗଷ୍ଟ ମାସ ୭ତାରିଖରେ ଦୀପା ବାରିକ ଝାଂସୀଙ୍କ ଚିକିତ୍ସା ପାଇଁ ଆର୍ଥିକ ସହାୟତା ଯୋଗେଇ ଦେବା ପାଇଁ ବରଗଡ଼ ଜିଲ୍ଲାପାଳଙ୍କ ଠାରେ ଦରଖାସ୍ତ ଲେଖି ଅନୁରୋଧ କରିଥିଲେ। ବରଗଡ଼ ଜିଲ୍ଲାପାଳ ମୋନିଷା ବାନାର୍ଜୀ ଘଟଣାର ଗମ୍ଭୀରତାକୁ ଅନୁଭବ କରିବା ସହ ଝାନ୍ସୀ ଙ୍କ ଚିକିତ୍ସା ପାଇଁ ୩୦ ହଜାର ଟଙ୍କାର ଆର୍ଥିକ ସହାୟତା ଯୋଗେଇ ଦେଇଛନ୍ତି।ଏହାପରେ ବିପଦ ସମୟରେ ଛିଡ଼ା ହୋଇଥିବାରୁ ଝାଂସୀଙ୍କ ପରିବାର ବର୍ଗ ଦୀପାଙ୍କୁ ଆନ୍ତରିକ କୃତଜ୍ଞତା ଜ୍ଞାପନ କରିଛନ୍ତି।ଏଠାରେ ସୂଚନାଯୋଗ୍ୟ ଯେ ଦୀପା ଗତ କିଛି ବର୍ଷ ହେଲା ଅନବରତ ଭାବେ ଓଡ଼ିଶାର ବିଭିନ୍ନ ଜିଲ୍ଲାର ଅସହାୟ ଲୋକଙ୍କୁ ସହାୟତା ଯୋଗାଇ ଦେବା ପାଇଁ ନିଃସ୍ୱାର୍ଥପର ଭାବେ କାମ କରିଆସୁଛନ୍ତି।ନିଜ ଗାଁର ଜଣେ ଝିଅ ଏଭଳି ବିପଦରେ ଥିବାରୁ ତାହାର ଚିକିତ୍ସା ସମ୍ପୂର୍ଣ୍ଣ ହେବା ଯାଏଁ ଯଥାସମ୍ଭବ ସହଯୋଗ କରିବାକୁ ପ୍ରତିଶୃତି ଦେଇଛନ୍ତି।