30-Aug-2023

ବଲାଙ୍ଗୀର(ପ୍ରେରଣା ଖବର ): ବଲାଙ୍ଗୀର ରେଞ୍ଜ ଅନ୍ତର୍ଗତ ଚିକଲ୍ ଵାହାଲ ଗ୍ରାମ ପାଖରେ ଥିବା ବଣ୍ଡା କାଳିଝରନ ସଂରକ୍ଷିତ ଜଙ୍ଗଲ ମଧ୍ୟରୁ ବେଆଇନ ଭାବେ କଟାଯାଇଥିବା ବିପୁଳ ପରିମାଣର ସାଲଗଣ୍ଡି ଓ ସାଲ ସାଇଜ ଜବତ କରାଯାଇ ବଲାଙ୍ଗୀର ରେଞ୍ଜ ଅଫିସ କୁ ଅଣାଯାଇଛି।ଫେରାର ଥିବା ଆସାମୀ ମାନଙ୍କୁ ଧରିବା ପାଇଁ ଜଙ୍ଗଲ ବିଭାଗ ଲାଗିପଡ଼ିଛି।ବଲାଙ୍ଗୀର ଡିଏଫ୍ଓ ଙ୍କ ନିର୍ଦ୍ଦେଶ କ୍ରମେ ଏସିଏଫ୍ ଜିତେନ୍ଦ୍ର ସାହୁ ଏବଂ ଘନଶ୍ୟାମ ମହନ୍ତ,ରେଞ୍ଜ ଅଫିସର ନବୀନ ଚନ୍ଦ୍ର ପଣ୍ଡା ଏବଂ ରେଞ୍ଜ ଷ୍ଟାଫ୍ ଏହି ଚଢ଼ାଉ ସମୟରେ ଉପସ୍ଥିତ ରହି କଟିଥିବା ସାଳଗଣ୍ଡି କୁ ଜବତ କରିଥିଲେ ।ଜବତ କରାଯାଇଥିବା ସାଲଗଣ୍ଡି ଓ ସାଲ ସାଇଜ ର ଆନୁଷଙ୍ଗିକ  ମୂଲ୍ୟ ଲକ୍ଷାଧିକ ଟଙ୍କା ହେବ ବୋଲି ଅନୁମାନ କରାଯାଉଛି।ତେବେ ବଲାଙ୍ଗୀର ଜିଲ୍ଲାରେ ଥିବା ଜଙ୍ଗଲ କୁ ଜଙ୍ଗଲ ମାଫିଆ ମାନେ ଧ୍ଵଂସ କରିବା ପାଇଁ ଚେଷ୍ଟା ଚଳାଇଥିବା ବେଳେ ବଲାଙ୍ଗୀର ଡିଏଫ୍ଓ ନୀତିଶ କୁମାର ଜଙ୍ଗଲ ସୁରକ୍ଷା ପାଇଁ ସମସ୍ତ ବଳ ପ୍ରୟୋଗ ପୂର୍ବକ ଜଙ୍ଗଲ କୁ ସୁରକ୍ଷା ଦେଉଥିବା ପରିଲକ୍ଷିତ ହୁଏ।ଏଠି ପ୍ରଶ୍ନ ହୁଏ ସଂରକ୍ଷିତ ଜଙ୍ଗଲ ରେ ବେଧଡକ ଦାମି ବୃକ୍ଷ ଗୁଡ଼ିକ କଟାଯାଇ ବାହାରକୁ ଚାଲାଣ ହେଉଥିବା ବେଳେ ସେହି ଅଞ୍ଚଳର ଫରେଷ୍ଟର ଏବଂ ଗାର୍ଡ କଣ କରୁଛନ୍ତି ବୋଲି ସାଧାରଣରେ ଚର୍ଚ୍ଚା ହୁଏ।ଅନେକ ବର୍ଷ ଧରି ଗୋଟିଏ ସ୍ଥାନରେ ରହି ଜଙ୍ଗଲ କୁ ଅଣଦେଖା କରୁଥିବା କର୍ମଚାରୀ ମାନଙ୍କ ଉପରେ ଡିଏଫ୍ଓ ଦୃଷ୍ଟାନ୍ତ ମୂଳକ ପଦକ୍ଷେପ ଗ୍ରହଣ କଲେ ଜଙ୍ଗଲ କୁ ସୁରକ୍ଷା ଦେଇ ସୁରକ୍ଷିତ ରଖାଯାଇ ପାରିବ ବୋଲି ବୁଦ୍ଧିଜୀବୀ ମହଲରେ ଚର୍ଚ୍ଚା ହୁଏ।