26-Aug-2023

ବଲାଙ୍ଗିର(ପ୍ରେରଣା ଖବର ): ସରସ୍ୱତୀ ଶିଶୁ ମନ୍ଦିର, ଚନ୍ଦନଭାଟିରେ ଅଦ୍ୟ ତା-୨୬.୦୮.୨୦୨୩ ରିଖ, ଶନିବାର ଦିନ ବିଦ୍ୟାଳୟ ପରିଚାଳନା ସମିତିର ସଭାପତି ଶ୍ରୀଯୁକ୍ତ ରାମଚନ୍ଦ୍ର ପ୍ରଧାନ ଙ୍କ ଅଧ୍ୟକ୍ଷତାରେ ସାମୁହିକ ଅଭିଭାବକ ସମ୍ମିଳନୀ ଅନୁଷ୍ଠିତ ହୋଇଯାଇଛି। ସମ୍ମିଳନୀ ରେ ସଭାପତି  ରାମଚନ୍ଦ୍ର ପ୍ରଧାନ ଦୀପ ପ୍ରଜ୍ବଳନ ପୂର୍ବକ କାର୍ଯ୍ୟକ୍ରମ ର ଶ୍ରୀ ଗଣେଶ କରିଥିଲେ ତଥା  ଶିଶୁ ଗଠନ ରେ ମାଆ ମାନଙ୍କ ଭୁମିକା ଉପରେ ଆଲୋକପାତ କରିଥିଲେ। ବିଦ୍ୟାଳୟ ପରିଚାଳନା ସମିତିର ସମ୍ପାଦକ ଡ. ଲକ୍ଷ୍ମଣ କୁମାର ମେହେର

ଉପସ୍ଥିତ ଥିଲେ।ପ୍ରଧାନ ଆଚାର୍ଯ୍ୟ ପ୍ରଭୁଦତ୍ତ ବିଶି ସମ୍ମିଳନୀ ର ଉଦ୍ଦେଶ୍ଯ କଥନ କରିଥିଲେ ତଥା ପରିବାର ହିଁ ଶିଶୁ ର ପ୍ରଥମ ବିଦ୍ୟାଳୟ ବୋଲି ଉପସ୍ଥାପନ କରିଥିଲେ।  ସମ୍ପାଦକ ଡ. ଲକ୍ଷ୍ମଣ କୁମାର ମେହେର ମାଆମାନେ ନିଜ କର୍ତ୍ତବ୍ଯକୁ ଠିକ୍ ଭାବରେ ସମ୍ପାଦନ କରି ନିଜ ଶିଶୁଙ୍କୁ ଉତ୍ତମ ପୁରୁଷ ଭାବରେ ଗଠନ କରିବାକୁ ନିଜର ଅଭିଭାଷଣ ବ୍ୟକ୍ତ କରିଥିଲେ। ବିଦ୍ୟାଳୟ ର ଶିଶୁ ଭଉଣୀ ଶ୍ରୁତି ମେହେର, ଅଞ୍ଜଳି ମେହେର, ଇପ୍ସିତା ସେନାପତି, ଶିଖା ବେହେରା, ଦୀପ୍ତି ସାହୁ, ଶ୍ରୁତି

ମେହେର ସମ୍ମିଳନୀ ପ୍ରାରମ୍ଭରେ ସ୍ବାଗତ ସଙ୍ଗୀତ ପରିବେଷଣ କରିଥିଲେ। ଚର୍ଚ୍ଚା କାଳାଂଶରେ ମାଆ ମାନେ ନିଜ ନିଜର ମତାମତ ଉପସ୍ଥାପନ କରିଥିଲେ ଓ ଵିଦ୍ୟାଳୟର ବରିଷ୍ଠ ଆଚାର୍ଯ୍ୟ ଟିକେଶ୍ବର ମିଶ୍ର ସଭା ସଂଯୋଜନା ଓ ପରିଚୟ ସହିତ ମାଆ ମାନଙ୍କ ଶଙ୍କାମୋଚନରେ ସହଯୋଗ କରିଥିଲେ। ଆଚାର୍ଯ୍ୟ ପ୍ରଦୀପ କୁମାର ସା ଧନ୍ଯବାଦ ଅର୍ପଣ କରିଥିଲେ। ସମ୍ମିଳନୀ ରେ ୧୨୬ ଜଣ ଅଭିଭାବକ ଉପସ୍ଥିତ ଥିଲେ। ସମସ୍ତ ଆଚାର୍ଯ୍ୟ, ଆଚାର୍ଯ୍ୟା ତଥା ସେବିକା ଙ୍କ ସହଯୋଗରେ କାର୍ଯ୍ୟକ୍ରମଟି ସଫଳତାର ସହ ସମାପିତ ହୋଇଯାଇଛି।