26-Aug-2023

ମୁରିବାହାଲ(ସୁଦାମ ଚରଣ ସୁଦାମ ଚରଣ ବଘାର): ବଲାଙ୍ଗୀର ଜ଼ିଲ୍ଲା ମୁରିବାହାଲ ବନାଞ୍ଚଳ ଗୁଡିଘାଟ ଗ୍ରାମ ପଂଚାୟତ ଅନ୍ତର୍ଗତ, ବାରବନ୍ଦ ଗ୍ରାମରେ ନୂତନ ନିର୍ମାଣ ବନ ସୁରକ୍ଷା ସମିତି କାର୍ଯାଳୟ ଓ ଗୁଡିଘାଟ ଠାରେ  ଫରେଷ୍ଟରଙ୍କ ନୂତନ କାର୍ଯ୍ୟାଳୟ  ଗୁରୁବାର ଦିନ ଉଦଘାଟିତ ହୋଇ ଯାଇଛି I ଏହା ସହ  ଜଙ୍ଗଲ ସୁରକ୍ଷା ସମିତି ର ସଦସ୍ୟ ମାନଙ୍କୁ ବିଭିନ୍ନ ପ୍ରକାରର ମେସିନ ବଣ୍ଟନ କରା ଯାଇଛି I       ଏହି ଅବସରରେ ମୁରିବାହାଲ ବନାଞ୍ଚଳ ଅଧିକାରୀ ନୀଳାଦ୍ରି ଭୋଇ କରଙ୍କ ଅଧକ୍ଷତାରେ ଆୟୋଜିତ ସମାରୋହ ରେ ଭବାନୀପାଟଣା ସର୍କଲ ର ଆର.ସି.ସି.ଏଫ ଅଶ୍ୱିନୀ କୁମାର କର ମୁଖ୍ୟ ଅତିଥି ରୁପେ ଯୋଗଦେଇ ଅନୁଷ୍ଠାନିକ ଭାବେ ଉତଘାଟନ କରି ଥିଲେ I ସମ୍ମାନିତ ଅତିଥି ଭାବରେ ବଲାଙ୍ଗୀର.ଡି.ଏଫ.ଓ. ନୀତିଶ କୁମାର ମଞ୍ଚାସୀନ ଥିଲେ I    ଏହି ଅବସରେ ୫ ଗୋଟି ଜଙ୍ଗଲ ସୁରକ୍ଷା କମିଟି, ବାରବନ୍ଦ, ବନବାହାଲ,ସାଲେପଡ଼ା, ବିଜମାଳ ଓ ଗୋବିନ୍ଦପୁର ର ସମସ୍ତ ସଦସ୍ୟ ମାନଙ୍କୁ ନେଇ ଏକ ସତେତନା କର୍ମଶାଳା  ଅନୁଷ୍ଠିତ ହୋଥିଲା I ଏଥିରେ ଅତିଥି ମାନଙ୍କଦ୍ୱାରା ଆର୍ଥିକ ବିକାଶ ପାଇଁ ସମିତି ର ସଦସ୍ୟ ମାନଙ୍କୁ ବିରିବଟା  ଗ୍ରାଇଣ୍ଡର ୫ ଗୋଟି, ସିଲେଇ ମେସିନ ୮ଗୋଟି ଓ ପେପର ପ୍ଲେଟ ମେସିନ ୩ ଗୋଟି ପ୍ରଦାନ କରା ଯାଇଛି I      ଏହା ସହ ଜଙ୍ଗଲ ସୁରକ୍ଷା ଦିଗରେ ଧ୍ୟାନ ଦେବା, ଉକ୍ତ ମେସିନ ମାଧ୍ୟମରେ ନିଜ ପରିବାରକୁ କିପରି ଆର୍ଥିକ ବିକାଶ

କ୍ଷେତ୍ରରେ ସାମିଲ କରି ସହାୟତା ହେବା, ସାମାଜିକ ସୁରକ୍ଷା ପ୍ରତି ଗୁରୁତ୍ୱ ଦେବା,ଜଙ୍ଗଲ ନଷ୍ଟ ହେବା ଫଳରେ ଆଗାମୀ ପିଢି ପାଇଁ କ୍ଷତି, ଜଳବାୟୁ ପରିବର୍ତନ, ଏବଂ ଜଙ୍ଗଲକୁ ନିଆଁଦାଉରୁ  ଓ ନଷ୍ଟ ହେବା ଦିଗରେ କିପରି ସୁରକ୍ଷା କମିଟି ଦାୟିତ୍ୱ ନେଇ ପାରିବେ ସେହି ଉପରେ ଅତିଥି ମାନେ ନିଜର ମତବ୍ୟକ୍ତ କରିଥିଲେ I ଏହି କାର୍ଯ୍ୟକ୍ରମରେ ଫରେଷ୍ଟର ପୁଷ୍ପାଞ୍ଜଳୀ ଯୋଶୀ, ରଞ୍ଜୀତ କୁମାର ସିଂଦେଓ, ଆଦିତ୍ୟ ନନ୍ଦ, ଘନଶ୍ୟାମ ପଶାୟତ ସହ ବନସୁରକ୍ଷା କମିଟି ର ସଭାପତି ସହ ସମସ୍ତ ସଦସ୍ୟ ଓ ଗ୍ରାମବାସୀ ପ୍ରମୁଖ ଉପସ୍ଥିତ ରହି ସହଯୋଗ କରି ଥିଲେ।