25-Aug-2023

ତୁୁୁଷୁରା (ପଞ୍ଚାନନ ନାଏକ)- ରାଜ୍ଯ ଜଳସମ୍ପଦ, ବାଣିଜ୍ଯ ଓ ପରିବହନ ମନ୍ତ୍ରୀ ଟୁକୁନି ସାହୁ ଶୁକ୍ରବାର ଗୁଡ଼ଭେଲାବ୍ଳକ ଓ ତୁଷୁରା ଏନଏସି ଗସ୍ତକରି ମୁଖ୍ୟମନ୍ତ୍ରୀଙ୍କ ସ୍ବତନ୍ତ୍ର ପାଣ୍ଠିରୁ ମଞ୍ଜୁର ହୋଇଥିବା ବିଭିନ୍ନ ପ୍ରକଳ୍ପର ଶିଳାନ୍ଯାସ କରିବା ସହ ମିଶନ ଶକ୍ତି ଭବନ ଉଦଘାଟନ, ମୁକ୍ତା ଯୋଜନାର କାର୍ଯ୍ୟାଦେଶ ପ୍ରଦାନ, ବାର୍ଧକ୍ୟ ଭର୍ତ୍ତା ବଣ୍ଟନ ଓ ତିନିଚକିଆ ସାଇକେଲ ଆଦି  ମନ୍ତ୍ରୀ ଶ୍ରୀମତୀ ସାହୁ ପ୍ରଦାନ କରିଛନ୍ତି ।  ଗୁଡ଼ଭେଲାବ୍ଳକ କାର୍ଯ୍ୟଳୟ ପରିଷରରେ ୫୦ଲକ୍ଷ ଟଙ୍କାରେ ନିର୍ମାଣ ହୋଇଥିବା ମିଶନ ଶକ୍ତି ଭବନକୁ ମନ୍ତ୍ରୀ ଶ୍ରୀମତୀ ସାହୁ ମୁଖ୍ଯ ଅତିଥି ଭାବେ ଯୋଗଦେଇ ଉଦଘାଟନ କରିଥିବା ବେଳେ  ଗୁଡ଼ଭେଲାବ୍ଳକ ବିଡିଓ ଗୁରେଶ୍ବର ଭୋଇଙ୍କ ସଭାପତିତ୍ବ ଏକ ସଭା ଅନୁଷ୍ଠିତ ହୋଇଥିଲା ।  ମନ୍ତ୍ରୀ ଶ୍ରୀମତୀ ସାହୁ ୬ଜଣ ନୂତନ ହିତାଧିକାରୀଙ୍କୁ ବାଧ୍ଯକ୍ୟ ଭର୍ତ୍ତା ଓ ୨ଜଣ ଭିନ୍ନକ୍ଷମ ହିତାଧିକାରୀଙ୍କୁ ତିନିଚକିଆ ସାଇକେଲ ପ୍ରଦାନ କରିଥିଲେ ।

ସେହିପରି ତୁଷୁରା ସହରର କଲ୍ୟାଣ ମଣ୍ଡପଠାରେ ଏନଏସି କାର୍ଯ୍ୟନିର୍ବାହୀ ଅଧିକାରୀ ବିପିନ ଦୀପ ସଭାପତିତ୍ବରେ ଏକ ସଭା ଅନୁଷ୍ଠିତ ହୋଇଥିବା ବେଳେ ମନ୍ତ୍ରୀ ଶ୍ରୀମତୀ ସାହୁ ମୁଖ୍ଯ ଅତିଥି ଭାବେ ଯୋଗଦେଇ ମୁଖ୍ୟମନ୍ତ୍ରୀ କର୍ମ ତତ୍ପର ଅଭିଯାନ ମୁକ୍ତା ଯୋଜନାରେ ୫୪ ମହିଳା ସ୍ବଂୟ ସହାୟିକା ଗୋଷ୍ଠୀଙ୍କୁ କାର୍ଯ୍ୟାଦେଶ ପ୍ରଦାନ କରିବା ସହ ନୂତନ ୪୮ଜଣ ହିତାଧିକାରୀଙ୍କୁ ବାଧ୍ଯକ୍ୟ ଭର୍ତ୍ତା ପ୍ରଦାନ କରିଥିଲେ ।  ଏନଏସ ସିଂ  ଅଧ୍ୟକ୍ଷ ଅଜୟ ଜୟଶ୍ବାଳ, ଉପାଧ୍ୟକ୍ଷା ମାମୀ ଦାଶ ସମ୍ମାନୀତ ଅତିଥି ଭାବେ ଯୋଗଦେଇଥିଲେ । ମହିଳା ଗୋଷ୍ଠୀ ସଂଗଠିକା ସାଗରିକା ପଟ୍ଟନାୟକ ସହଯୋଗ କରିଥିବା ବେଳେ ଏନଏସିର ଏକାଉଣ୍ଟ ସୁନ୍ଦିପ ସାହୁ ମଞ୍ଚ ପରିଚାଳନା କରିବା ସହ ଧନ୍ୟବାଦ ଅର୍ପଣ କରିଥିଲେ । ଆଜି ଗସ୍ତରେ ଗୁଡ଼ଭେଲାବ୍ଳକର ବିଜେଡି ସଭାପତି ଅରୁଣ ପ୍ରଧାନ, ନନ୍ଦଲାଲ ଜୟଶ୍ବାଳ, ଯୁବ ନେତା ବିକାଶ ଶର୍ମା, ବରିଷ୍ଠ ନେତା ପ୍ରେମ ଚନ୍ଦ୍ର ଜୈନ, ପୃଥୀରାଜ ନନ୍ଦ, ପପୁ ଜୟଶ୍ବାଳ ଆଦି ବହୁ ଦଳୀୟ କର୍ମୀ ଉପସ୍ଥିତ ଥିଲେ ।