24-Aug-2023

ଲୋଇସିଂହା, (ବିନୋଦ କୁମାର ଦୀପ) ଯୋଗାଣ ସହାୟକ ଙ୍କ ବିଭିନ୍ନ ସମସ୍ୟା ର ସମାଧାନ ପାଇଁ ଆଜି ଯୋଗାଣ ସହାୟକ ସଂଘ ଲୋଇସିଂହା ପକ୍ଷରୁ ବିଡ଼ିଓ ଶ୍ରୀ ଆକାଶରଞ୍ଜନ ସାହୁ ଙ୍କ ଜରିଆରେ ମାନ୍ୟବର ମୁଖ୍ୟମନ୍ତ୍ରୀ ଙ୍କୁ ୬ ଦଫା ଦାବୀପତ୍ର ପ୍ରଦାନ l ଆସନ୍ତା ୨୮ ତାରିଖ ରେ ଭୁବନେଶ୍ୱର ଲୋୟର ପିଏମଜୀ ଠାରେ ଓଡିଶା ଯୋଗାଣ ସହାୟକ ସଂଘ ୬ ଟି ଦାବିନେଇ ସରକାର ଙ୍କ ନିକଟରେ ଶାନ୍ତିପୂର୍ଣ ଭାବରେ ଆନ୍ଦୋଳନ କରିବ l ଦାବିପତ୍ର ସମୟରେ ଯୋଗାଣ ସହାୟକ ସଙ୍ଘ ର ସଭାପତି ସରୋଜ ପଟେଲ, ସମ୍ପାଦକ ସରୋଜ ବିଶ୍ୱାଳ, ସଂଘ ର ଅନ୍ୟ ସଦସ୍ୟ ଯଥା ମାଧବ ଭୋଇ, ନିରୋଜ ପଧାନ, ଯଜ୍ଞ କୁମାର ସାହୁ, ବିବେକ ପଟେଲ, ସରୋଜ ବେହେରା,  ବିକାଶ ମେହେର,  ସୁବଳ ହନୁମନ, ବଳରାମ ମିଶ୍ର, ରମେଶ ଚନ୍ଦ୍ର ମିଶ୍ର, ତରଣୀ ପଧାନ, ମଞ୍ଜରୀ ସାହୁ, ରଶ୍ମି ରଞ୍ଜନ ବିଶି, ବିମଳ ବାରିକ, ଲଳିତ ବିଶ୍ୱାଳ, କମଳାକାନ୍ତ ତ୍ରିପାଠୀ ପ୍ରମୁଖ ଉପସ୍ଥିତ ଥିଲେ l ଯୋଗାଣ ସହାୟକ ଙ୍କ ୬ ଗୋଟି ମୁଖ୍ୟଦାବୀ ହେଲା ଯୋଗାଣ ସହାୟକ ର ଚାକିରୀ ସ୍ଥାୟୀତ୍ୱ ଓ ମାସିକ ଦରମା ୨୫ ହଜାର ଟଙ୍କା କୁ ବୃଦ୍ଧି କରାଯାଉ l ଯୋଗାଣ ସହାୟକ ଙ୍କ ନାମରେ ପିଡ଼ିଏସ ଲାଇସେନ୍ସ ଦିଆଯାଉ l କାର୍ଯ୍ୟରତ ଯୋଗାଣ ସହାୟକ ଙ୍କୁ ମୃତ୍ୟୁକାଳୀନ ସହାୟତା ରାଶି ପ୍ରଦାନ କରାଯିବା ସହ ତାଙ୍କ ପରିବାର ବର୍ଗ ର ଜଣେ ସଦସ୍ୟ ଙ୍କୁ ଚାକିରୀ ପ୍ରଦାନ କରାଯାଉ l ଯୋଗାଣ ସହାୟକ ଙ୍କୁ ପଂଚାୟତ ରାଜ ବିଭାଗ ରୁ ନିବୃତ କରି ଯୋଗାଣ ବିଭାଗ ରେ ଅନ୍ତର୍ଭୁକ୍ତ କରାଯାଉ ଓ ପଦବୀ କୁ ଆସିସ୍ଟେଣ୍ଡ ସପ୍ଲାଇ ଇନ୍ସପେକ୍ଟର (ଏଏସଆଇ) ରେ ନାମିତ କରାଯାଉ l ଇ-ପିଓଏସ ଡିଭାଇସ ପରିଚାଳନା ର ପ୍ରୋତ୍ସାହନ ରାଶି ଯୋଗାଣ ସହାୟକ ଙ୍କୁ ପ୍ରଦାନ କରାଯାଉ l ମାସିକ ପିଡ଼ିଏସ ଆବଣ୍ଟନରେ ୨% ନିଅଣ୍ଟ କୁ ଭରଣ କରାଯାଉ l