24-Aug-2023

ବଲାଙ୍ଗୀର/ବେଲପଡା- ଗତ  ଅଗଷ୍ଟ ୨୧ ତାରିଖ ଦିନ ପ୍ରେରଣା ନ୍ୟୁଜ୍ ପୋର୍ଟାଲରେ ପ୍ରକାଶିତ ‘ମୋ ଘର ଯୋଜନାରେ ଟଙ୍କା ମାଗୁଥିବା ଅଭିଯୋଗ’ ଶୀର୍ଷକ ଖବର ଉପରେ ସ୍ପଷ୍ଟୀକରଣ ରଖିଛନ୍ତି ବେଲପଡା ବ୍ଲକରେ କାର୍ଯ୍ୟରତ ବି.ପି.ଏ  ପ୍ରିୟମ୍ବଦା ପ୍ରଧାନ ।  ସୂଚନାଯୋଗ୍ୟ ଯେ, ବେଲପଡା ର ବିଭିନ୍ନ ଅଂଚଳରେ ଆବାସ ଗୃହ ପାଇଁ ଆବେଦନ କରିଥିବା ହିତାଧିକାରୀ  ମାନଙ୍କୁ ଘର କରାଇ ଦେବା କହି ଟଙ୍କା ମାଗୁଥିବା  ନେଇ ଗ୍ରମବାସୀଙ୍କ ଦସ୍ତଖତ ସମ୍ବଳିତ ଏକ ଅଭିଯୋଗପତ୍ର ଆମର ହସ୍ତଗତ ହୋଇଥିଲା ।  ହିତାଧିକାରୀଙ୍କ ତରଫରୁ ବେଲପଡା ବିଡିଓ ଭିକ୍ଟୋର ସୋରେଙ୍ଗଙ୍କୁ ଦିଆଯାଇବା ଏହି ଅଭିଯୋଗପତ୍ରକୁ ଆଧାର କରି ଆମେ ଖବର ପ୍ରସାରଣ କରିଥିଲୁ । ଅନ୍ୟପକ୍ଷରେ ଏହି ଅଭିଯୋଗ ଓ ଟଙ୍କା ମାଗିବା ଘଟଣାକୁ ଖଣ୍ଡନ କରିଛନ୍ତି  ବି.ପି.ଏ  ପ୍ରିୟମ୍ବଦା ପ୍ରଧାନ । କିଛି ହିତାଧିକାରୀଙ୍କ ଠାରୁ ସାଧା କାଗଜରେ ଦସ୍ତଖତ ନେଇ ମୋତେ ବଦନାମ କରିବା ପାଇଁ କିଛି ଅସାଧୁ ବ୍ୟକ୍ତି ଏପରି ମନଗଢ଼ା ଅଭିଯୋଗ କରିଛନ୍ତି ବୋଲି ଶ୍ରୀମତୀ ପ୍ରଧାନ କହିଛନ୍ତି । ଆମେ ଏ ସଂପର୍କରେ ବେଲପଡା ବିଡଓ ଭିକ୍ଟୋର ସୋରେଙ୍ଗ ଙ୍କୁ ପଚାରିବାରୁ ସେ ହିତାଧିକାରୀ ମାନେ ଲିଖିତ ଅଭିଯୋଗ ଆଣି ମୋ ପାଖକୁ ଆସିଥିବା କିନ୍ତୁ ପରେ ଅଭିଯୋଗପପତ୍ର ନ ଦେଇ ଚାଲିଯାଇଥିବା କହିଥିଲେ । 
  ଲୋଙ୍କ ଅଭିଯୋଗ କୁ ଭିତ୍ତି କରି ଖବର ପ୍ରକାଶନ କରିବା ସାମ୍ବାଦିକତାର ଧର୍ମ ଅଟେ, କିନ୍ତୁ କାଗଜପତ୍ରରେ କିଛି ଏପଟସେପଟ କରି କିଛି ତଥ୍ୟକୁ ଲୁଚାଇ ଆମ ଆଗରେ ଉପସ୍ଥାପନା କରାଗଲା । ବେଲପଡା ର ବି.ପି.ଏ  ପ୍ରିୟମ୍ବଦା ପ୍ରଧାନ ଙ୍କ ନାମରେ ପ୍ରତକାଶିତ ଏହି ଖବରରେ ଥିବା ଏହି ଅନିଛାକୃତ ତୃଟୀ ପାଇଁ ଆମେ ଦୁଃଖିତ । 

                                             ସଂପାଦକ ‘ପ୍ରେରଣା’