19-Aug-2023

ନବରଙ୍ଗପୁର(ମିହିର ଶଙ୍କର ପାତ୍ର ): ଜଳବାୟୁ ପରିବର୍ତ୍ତନ ଯୋଗୁଁ ପୃଥିବୀର ଉତ୍ତାପ ବଢୁଛି। ଏହାର ପ୍ରଭାବରେ ଅତ୍ୟଧିକ ଗରମ ହେବା, ବନ୍ୟା, ବାତ୍ୟା ଓ ମରୁଡି ଭଳି ବିପତ୍ତି ଆସୁଛି । ଜଳବାୟୁ ପରିବର୍ତ୍ତନ ପିଲାମାନଙ୍କୁ ମଧ୍ୟ ପ୍ରଭାବିତ କରୁଛି। ପରିବାରରେ ରୋଜଗାର କମିଗଲେ, ପ୍ରାକୃତିକ ଦୁର୍ବପାକ ହେଲେ ପିଲାଙ୍କ ଶିକ୍ଷ୍ୟା, ସ୍ବାସ୍ଥ୍ୟ ଓ ସୁରକ୍ଷା ମଧ୍ୟ ପ୍ରଭାବିତ ହେଉଛି । ଜଳବାୟୁ ପରିବର୍ତ୍ତନ କୁ ରୋକା ନଗଲେ

ପୃଥିବୀର ଅନେକ ଅଂଶ ଜଳମଗ୍ନ ହେବ, ଅନେକ ଅଂଶ ମରୁଭୂମିରେ ପରିବର୍ତ୍ତନ ହେବ। ଏହାଦ୍ବାରା ଜୀବଜଗତ  ଧ୍ଵଂସ  ପାଇଯିବ । ପୃଥିବୀ ଓ ଆମ ପରିବେଶକୁ ଧ୍ଵଂସାବଶେଷ  ମୁଖରୁ ରକ୍ଷା କରିବା ଆମ ନାଗରିକଙ୍କ  ଦାୟିତ୍ଵ । କ୍ରମେ କ୍ରମେ  ଲୋପ ଯାଉଥିବା ଗଛପତ୍ର ଜଳବାୟୁ ପରିବର୍ତ୍ତନର ଏକ ପ୍ରମୁଖ କାରଣ। ଦୈନଦିନ ହେଉଥିବା  ଜଳବାୟୁ ପରିବର୍ତ୍ତନକୁ  ଦୃଷ୍ଟିରେ  ଆଜି ନବରଙ୍ଗପୁର ଜିଲ୍ଲା ପ୍ରଶାସନର ଜିଲ୍ଲା ସମାଜ କଲ୍ଯାଣ ବିଭାଗ ,ଜିଲ୍ଲା ଶିଶୁ ସୁରକ୍ଷା ୟୁନିଟି ,ୟୁନିସେଫ ଓ ଆକ୍ସନଏଡ ର  ମିଳିତ ସହଯୋଗରେ  ୮୩୨  ଗୋଟି ରାଜସ୍ୱଗ୍ରାମରେ  କିଶୋର କିଶୋରୀ  ମାନଙ୍କ ଦ୍ଵାରା  ସାମୁହିକ ବୃକ୍ଷ  ରୋପଣ  କାର୍ଯ୍ୟକ୍ରମ ଅନୁଷ୍ଠିତ ହୋଇ ଯାଇଛି । ଜିଲ୍ଲାରେ  କାର୍ଯ୍ୟରତ ୨୩୩୦ ଅଙ୍ଗନବାଡି କେନ୍ଦ୍ରରେ କିଶୋର କିଶୋରୀ  ମାନଙ୍କ ନିମନ୍ତେ  ଉଦିଷ୍ଟ  ପ୍ରତି ଶନିବାର ଦିନ ହେଉଥବା  କିଶୋରୀ ସଶକ୍ତି କରଣ “ଅଦ୍ଵିକା” କାର୍ଯ୍ୟ କ୍ରମରେ ଆଜି ମୋଟ ୪୭୫୬୧ କିଶୋର କିଶୋରୀ  ଭାଗ ନେଇ  ଜଳବାୟୁ ପରିବର୍ତ୍ତନର ପ୍ରତିହତ ପାଇଁ ବୃକ୍ଷର ଭୂମିକା ଉପରେ ଆଲୋଚନା କରିବା ସହିତ  ସାମୁହିକ ଭାବରେ  ମୋଟ ୨୭୫୦୩ ଫଳ ଗଛ ରୋପଣ  କରିଛନ୍ତି  । ତନମଧ୍ୟରେ ଚନ୍ଦାହାଣ୍ଡି ବ୍ଲକ ରେ  ୧୪୭୮ ଟି ଗଛ  ,ଡାବୁଗାଁ ବ୍ଲକ ରେ  ୨୧୪୨  ଟି ଗଛ, ଝରୀଗାଁ ବ୍ଲକରେ ୩୩୨୫ ଟି ଗଛ , କୋଷଗୁମୁଡା ବ୍ଲକରେ ୩୧୫୦ଟି ଗଛ ,  ନବରଙ୍ଗପୁର ବ୍ଲକରେ ୨୩୩୭  ଟି ଗଛ , ନନ୍ଦହାଣ୍ଡି ବ୍ଲକ ରେ  ୨୩୬୮  ଟି ଗଛ , ପାପଡାହାଣ୍ଡି ବ୍ଲକ ରେ  ୪୧୩୬  ଟି ଗଛ , ରାଇଘର ବ୍ଲକରେ ୩୧୫୮ ଟି ଗଛ , ତେନ୍ତୁଲି ଖୁଣ୍ଟି ବ୍ଲକ ରେ  ୧୩୧୪  ଟି ଗଛ ଓ ଉମେରକୋଟ ବ୍ଲକ ରେ  ୪୦୯୫ ଟି ଗଛ   ରୋପଣ କରାଯାଇ ଥିବାର ଜଣା ପଡିଛି ।ଜିଲ୍ଲାରେ କାର୍ଯ୍ୟରତ ଅଙ୍ଗନବାଡି କର୍ମୀ ମାନେ ନିଜ ନିଜ ଅଞ୍ଚଳରେ ମିଳୁଥିବା  ଫଳ ଗଛ ଯଥା  ଆମ୍ବ ,ପଣସ , ଜାମୁ,   କଦଳୀ ,ଲେମ୍ବୁ ,ଅମୃତଭଣ୍ଡା , ସଜନା, କମଳା  ଇତ୍ୟାଦି କୁ ସଂଗ୍ରହ କରାଇବା ସହିତ ସମସ୍ତ କେନ୍ଦ୍ର ଗୁଡିକରେ ଜଳବାୟୁ ପରିବର୍ତ୍ତନର ପ୍ରତିହତ ପାଇଁ ଗଛର ଭୂମିକା ଉପରେ ସଚେତନ ସଭାମାନ କରାଇଥିଲେ । ଜିଲ୍ଲା ସମାଜ କଲ୍ଯାଣ ଅଧିକାରୀ  ଶିବାନୀ ଗୁହା  ଙ୍କ  ପ୍ରତ୍ଯେକ୍ଷ ତତ୍ଵାବଧାନ  ଅନୁଷ୍ଠିତ ଏହି ସାମୁହିକ ବୃକ୍ଷ  ରୋପଣ  କାର୍ଯ୍ୟକ୍ରମରେ   ଜିଲ୍ଲା  ଶିଶୁ ସୁରକ୍ଷା ଅଧିକାରୀ ସୁରେଶ ପଟ୍ଟନାୟକ, ଆକ୍ସନଏଡ ସଂସ୍ଥାର ଜିଲ୍ଲା ସଂଯୋଜକ ଫକିର ଚରଣ ରାଉତ , ଜିଲ୍ଲା ମମତା ସଂଯୋଜକ ବିଶୋଜିତ

ମହାନ୍ତି , ଜିଲ୍ଲା ପୋଷଣ ସଂଯୋଜକ ହେମରାଜ ଦଣ୍ଡସେନା , ଆଶୁତୋଷ ମିଶ୍ର ,ବାଲ୍ୟବିବାହ ନିଷେଧ ଅଧିକାରୀ, ଏସେ ଗୀତା, ସସ୍ମିତା ମହାନ୍ତି , ଯମୁନା ଭତ୍ରା  , ସଂଯୁକ୍ତା ବେହେରା, ଗୀତାରାଣୀ ମିଶ୍ର , କାଞ୍ଚନପଣ୍ଡା , ବିରଜା ମୋହିନୀ ପାଙ୍ଗି, ସୁଦର୍ଶନୀ  ରଥ ଓ ଜିଲ୍ଲାର ସମସ୍ତ ମହିଳା ସୁପରଭାଇଜର ମାନେ ଅଙ୍ଗନବାଡି କେନ୍ଦ୍ରରେ ହୋଇ ଥିବା “ଅଦ୍ଵିକା” କାର୍ଯ୍ୟକ୍ରମ  ରେ ଭାଗନେଇ  ଜଳବାୟୁ ପରିବର୍ତ୍ତନର ପ୍ରତିହତ ପାଇଁ ଗଛର ଭୂମିକା ଉପରେ ଆଲୋଚନା କରିବା ସହିତ ବୃକ୍ଷ  ରୋପଣ କରାଇବାରେ ସହଯୋଗ କରିଥିଲେ ।