17-Aug-2023

ପାଟଣାଗଡ଼/ବେଲପଡ଼ା (ପୂର୍ଣ୍ଣ ଶଶୀ ଶେଖର ରାଓ) ବଲାଙ୍ଗିର ଜିଲ୍ଲା ବେଲପଡା ବ୍ଲକ ଧୁମାଭଟା ବୀଣାପାଣି କଲେଜ ଅନେକ ଦିନ ଧରି ଚର୍ଚ୍ଚା ରେ ରହୁଥିବା ବେଳେ ସ୍ବାଧୀନତା ଦିବସରେ ପୁଣି ଚର୍ଚ୍ଚାକୁ ଆସିଥିବା ଦେଖିବାକୁ ମିଳିଛି। ସ୍ବାଧୀନତା ଦିବସରେ ସାରା ଭାରତରେ ସ୍ବାଧିନତା ଦିବସ ପାଳନ କରାଯାଉଥିବା ବେଳେ ଜାତୀୟ ସଂଗୀତ ଉଚ୍ଚାରଣ କରାଯାଇ ଭାରତ ମାତାଙ୍କ ଜୟଗାନ କରାଯାଏ। କିନ୍ତୁ ଏଠାରେ ଜଣେ ଅଧ୍ୟାପକ ହିତାହିତ ଜ୍ଞାନ ଭୁଲି ଜାତୀୟ ସଂଗୀତ ବଦଳରେ ବୋଲବମ୍ ସ୍ଳୋଗାନ ଦେଉଥିବା ଏକ ଭିଡିଓ କ୍ଳବ୍ ମୋବାଇଲ୍ ରୁ ମୋବାଇଲ୍ ଘୁରି ବୁଲୁଛି।ସେହି ଭିଡିଓ ରେ ଛାତ୍ରଛାତ୍ରୀ ମାନଙ୍କୁ ଇତିହାସ ଅଧ୍ୟାପକ ଅରୁଣ ବୁଡେକ ବୋଲବମ୍ କହିବା ସହ ପାର୍ବତୀ ହଜବେଣ୍ଡ ପାର୍ କରେଗା, ଗଣେଶ ଫାଦର୍ ପାର

କରେଗା  ବୋଲି ଶ୍ଳୋଗାନ ଦେଇ ହିନ୍ଦୁ ଧର୍ମ ର ଶ୍ରେଷ୍ଠ ପ୍ରଭୁ ଶିବଙ୍କୁ ଅପମାନ କରାଯାଇଥିବା ବେଳେ ଭାରତ ମାତାଙ୍କୁ ମଧ୍ୟ ଅପମାନିତ କରାଯାଇଛି। ଉକ୍ତ ସ୍ଳୋଗାନ ରେ କଲେଜ ଅଧ୍ୟକ୍ଷ ଦେବାର୍ଚନ ନାଗ ମଧ୍ୟ ଉପସ୍ଥିତ ରହି କୌଣସି ଅବରୋଧ ନକରିବା ଦୁର୍ଭାଗ୍ୟଜନକ ବୋଲି ଜନସାଧାରଣରେ ଚର୍ଚ୍ଚା ହେଉଛି। ଏଭଳି କାର୍ଯ୍ୟ କୁ ବିଭିନ୍ନ ମହଲ ରେ ନିନ୍ଦା କରାଯାଉଥିବା ବେଳେ କଲେଜ ଅଧ୍ୟକ୍ଷ ଦେବାର୍ଚନ ନାଗ ଓ ଇତିହାସ ଅଧ୍ୟାପକ ଅରୁଣ ବୁଡେକ ଙ୍କ ପ୍ରତି ଦୃଢ଼ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଅଞ୍ଚଳବାସୀ ଦାବି କରିଛନ୍ତି।