17-Aug-2023

ଲୋଇସିଂହା, (ବିନୋଦ କୁମାର ଦୀପ) ଆଜି ହେଉଛି ପୂର୍ବତନ ମନ୍ତ୍ରୀ ଙ୍କ ସୁପୁତ୍ର ତଥା ବିଜୁ ଜନତା ଦଳ ର ରାଜ୍ୟ ପରିଷଦ ସଦସ୍ୟ ଶ୍ରୀଯୁକ୍ତ ନିହାର ରଞ୍ଜନ ବେହେରା ଙ୍କ 40 ତମ ଜନ୍ମଦିନ l ନିହାର ଙ୍କ ଜନ୍ମଦିନ କୁ ଅଧିକ ସ୍ମରଣୀୟ କରିବା ପାଇଁ ଆଜି ଲୋଇସିଂହା ବ୍ଲକ ଅଗ୍ରେସନ ଭବନ ଠାରେ ଲୋଇସିଂହା ବିଜୁ ଯୁବ ଛାତ୍ର ଜନତା ଦଳ ଓ ଓଡିଶା ମୋ ପରିବାର  ଆନୁକୂଲ୍ୟରେ ଏକ ମେଗା ରକ୍ତଦାନ ଶିବିର ଆୟୋଜିତ ହୋଇଥିଲା l ରକ୍ତଦାନ ଶିବିର କୁ ରାଜ୍ୟସଭା ସାଂସଦ ଶ୍ରୀଯୁକ୍ତ ନିରଞ୍ଜନ ବିଶି ଫିତା କାଟି ଉଦଘାଟନ କରିଥିଲେ l ସମାନନୀୟ ଅତିଥି ରୂପେ  ଲୋଇସିଂହା ବ୍ଲକ ଅଧ୍ୟକ୍ଷ ଯତୀନ୍ଦ୍ର ପଟେଲ, ଜିଲ୍ଲା ପରିଷଦ ସଦସ୍ୟା ଲିଲିମା ବେହେରା,ସଂଯୁକ୍ତା ବରିହା, ବୀଣାପାଣି ଦାସ, ବ୍ଲକ ସଭାପତି ପଞ୍ଚୁ ପଧାନ, ହୃଦୟା ନନ୍ଦ ବେହେରା ଯୋଗଦେଇ ସମସ୍ତ ରକ୍ତଦାତା ମାନଙ୍କୁ ଉତ୍ସାହିତ କରିଥିଲେ l

ଏହି ଅବସରରେ  ସମାଜସେବୀ ବ୍ରଜମୋହନ ବିଶୋଇ ଙ୍କୁ ସମ୍ମାନିତ କରାଯାଇଥିବା ବେଳେ ସମୁଦାୟ 100 ରୁ ଉର୍ଦ୍ଧ ୟୁନିଟ ରକ୍ତ ସଂଗ୍ରହ ହୋଇଥିବା ଜଣା ପଡିଛି l ନିହାର ରଞ୍ଜନ ବେହେରା ତାଙ୍କ ସମର୍ଥକ ଙ୍କ ଗ୍ରହଣରେ  ନିଆରା ଭାବରେ ତାଙ୍କ ଜନ୍ମଦିନ ପାଳନ କରିଥିଲେ l ଏହି ଶିବିର ଆଗଲପୁର ବ୍ଲକ ବିଜେଡି ସଭାପତି ପଞ୍ଚୁ ପଧାନ ଙ୍କ ତତ୍ୱାବଧାନ ରେ ଅନୁଷ୍ଠିତ ହୋଇଥିବା ବେଳେ ଅନ୍ୟ ମାନଙ୍କ ମଧ୍ୟରେ  ଲୋଇସିଂହା ବିଜେଡି ସଭାନେତ୍ରୀ ଜ୍ୟୋସ୍ନାମୟୀ ନାଗ,ବିଜୟ ଦାଶ,ପ୍ରଦୀପ ସାହୁ ବୁଦ୍ଧଦେବ ସାହୁ, ନିତ୍ୟାନନ୍ଦ ସାହୁ, ସଂଯୋଗ ସାହୁ, ଅଭିଷେକ ଅଗ୍ରୱାଲ ପ୍ରମୁଖ ଉକ୍ତ କାର୍ଯ୍ୟକ୍ରମ ରେ ଯୋଗ ଦେଇଥିଲେ l