16-Aug-2023

ଲୋଇସିଂହା, (ବିନୋଦ କୁମାର ଦୀପ) ସ୍ଵାଧୀନତା ଦିବସ ଅବସରରେ ବଲାଙ୍ଗୀର ଜିଲ୍ଲା ଲୋଇସିଂହା ସ୍ଥିତ ଷ୍ଟାଡିୟମ୍ ଠାରେ ଜନକଲ୍ୟାଣ ଯୁବ ସାମ୍ମୁଖ୍ୟ ତରଫରୁ ଚାଲିଥିବା ଏକଦିବସୀୟ ଇଣ୍ଡିପେନ୍ଡେନ୍ସ କପ୍ ଫୁଟବଲ ଟୁର୍ଣ୍ଣାମେଣ୍ଟ ଉଦଯାପିତ ହୋଇଯାଇଛି l ଜନ କଲ୍ଯାଣ ଯୁବ ସାମ୍ମୁଖ୍ୟ ର ସଭାପତି ତଥା ଜିଲ୍ଲା କଂଗ୍ରେସ କମିଟି ସଭାପତି ଶ୍ରୀଯୁକ୍ତ ଦିଲ୍ଲୀପ ବେହେରା ଙ୍କ ତତ୍ତ୍ଵାବଧାନରେ ଅନୁଷ୍ଠିତ ଏହି ଟୁର୍ଣ୍ଣାମେଣ୍ଟ ର ଫାଇନାଲ ଖେଳ ଲୋଇସିଂହା ଆଦିବାସୀ ଫୁଟବଲ୍ ଆସୋସିଏସନ୍ ଓ ତେନ୍ତୁଳିଖୁଣ୍ଟି ମଧ୍ୟରେ ହୋଇଥିଲା l ଲୋଇସିଂହା ଆଦିବାସୀ ଫୁଟବଲ୍ ଆସୋସିଏସନ୍ 1-0 ଗୋଲ ରେ ତେନ୍ତୁଳିଖୁଣ୍ଟି ଦଳ କୁ ପରାସ୍ତ କରି ଚାମ୍ପିଅନ ହୋଇଥିଲା I ଏହି ଅବସରରେ ପୁରସ୍କାର ବିତରଣୀ ଉତ୍ସବରେ ବଲାଙ୍ଗୀର ଜିଲ୍ଲା ଏସ୍ ସି ସେଲ ଅଧ୍ୟକ୍ଷ ଶ୍ରୀଯୁକ୍ତ ଓମ୍ ପ୍ରକାଶ କୁମ୍ଭାର ମୁଖ୍ୟ ଅତିଥି ଭାବେ ଯୋଗ ଦେଇଥିବା ବେଳେ ସମ୍ମାନୀୟ ଅତିଥିଭାବେ ରାଜକିଶୋର ବେହେରା ଯୋଗଦେଇ ବିଜେତା ଓ ଉପବିଜେତା ଦଳଗୁଡ଼ିକୁ ପୁରସ୍କୃତ କରିଥିଲେ I ଏହି ଟୁର୍ଣ୍ଣାମେଣ୍ଟ ରେ ଶ୍ରେଷ୍ଠ ଖେଳ ପ୍ରଦର୍ଶନ ପାଇଁ ଆଦିବାସୀ ଫୁଟବଲ୍ ଆସୋସିଏସନ୍ ର ନନ୍ଦନ ପଧାନ ଏବଂ ଫାଇନାଲ ମ୍ୟାଚରେ ଶ୍ରେଷ୍ଠ ଖେଳ ପ୍ରଦର୍ଶନ ପାଇଁ ଆଦିବାସୀ ଫୁଟବଲ୍ ଆସୋସିଏସନ୍ ର ନନ୍ଦୁ ପଧାନ ଙ୍କୁ ପୁରସ୍କୃତ କରାଯାଇଥିଲା l  ପରେ ରାଜ୍ଯ ସରକାରଙ୍କ ଦ୍ଵାରା ମନୋନୀତ ହୋଇଥିବା ବଲାଙ୍ଗୀର ଜିଲ୍ଲା ସ୍ଵତନ୍ତ୍ର ଉନ୍ନୟନ ପରିଷଦ  ର ଅଧ୍ୟକ୍ଷ ଶ୍ରୀଯୁକ୍ତ ବ୍ରଜମୋହନ ବିଶୋଇ ଙ୍କୁ ସମ୍ବର୍ଦ୍ଧିତ କରାଯାଇଥିଲା l ଟୁର୍ଣ୍ଣାମେଣ୍ଟ ର ସମସ୍ତ ଖେଳ କୁ ଜ୍ୟୋତିର୍ମୟ ରାଉତ, ଅଞ୍ଜନ ବେସରା ,କରୁଣାକର ପଧାନ ଓ ବିଜୟ ରଣା ପରିଚାଳନା କରିଥିଲେ I