16-Aug-2023

ବିନିକା(ହିମାଂଶୁ ଶେଖର ପୁଟେଲ)ବିନିକା ସିଦ୍ଧାର୍ଥ କଲେଜ ପଡ଼ିଆ ଠାରେ ଏନଏସି ସ୍ତରୀୟ ସ୍ବାଧିନତା ଦିବସ ମହାସମାରୋହରେ ପାଳିତ ହୋଇଯାଇଛି।ଏଥିରେ ପୂର୍ବତନ ମନ୍ତ୍ରୀ ତଥା ବୀରମହାରାଜପୁର ବିଧାୟକ ପଦ୍ମନାଭ ବେହେରା ମୁଖ୍ୟଅତିଥି ଭାବେ ଯୋଗଦେଇ ଜାତୀୟ ପତାକା ଉତ୍ତୋଳନ କରିବା ସହିତ ମିଳିତ ପ୍ୟାରେଡ଼ରେ ଅଭିବାଦନ ଜଣାଇଥିଲେ ।ସେ ତାଙ୍କ ବକ୍ତବ୍ୟରେ ଦେଶକୁ ସ୍ବାଧିନତା ଆଣିବାରେ ପ୍ରମୁଖ ଭୂମିକା ନିଭାଇଥିବା ମହାପୁରୁଷ ମାନଙ୍କ ତ୍ୟାଗ ଓ ବଳିଦାନ ଉପରେ ଆଲୋକପାତ କରିଥିଲେ। ଆମର ଭବିଷ୍ୟତ ଛାତ୍ରଛାତ୍ରୀ ମାନଙ୍କ ଉଜ୍ଜଳ କାମନା କରିବା ସହିତ ଅଞ୍ଚଳର ବିକାଶରେ ସମସ୍ତଙ୍କ ସହଯୋଗ ଆବଶ୍ୟକ ବୋଲି କହିଥିଲେ  ।ଏହି ପରିପ୍ରେକ୍ଷୀରେ ଆୟୋଜିତ ସାଂସ୍କୃତିକ କାର୍ଯ୍ୟକ୍ରମରେ ଭାଗନେଇ ସିନିୟର୍ ବିଭାଗରେ ପ୍ରଥମ ପୁରସ୍କାର ପାଇଥିବା ଶିକ୍ଷାନୁଷ୍ଠାନ ସେଣ୍ଟ ଭ୍ୟାଲି ହାଇସ୍କୁଲ୍,ଦ୍ଵିତୀୟରେ ଶ୍ରୀ ଅରବିନ୍ଦ ପୂର୍ଣ୍ଣାଙ୍ଗ ଶିକ୍ଷାକେନ୍ଦ୍ର,ତୃତୀୟରେ ଓଡ଼ିଶା ଆଦର୍ଶ ବିଦ୍ୟାଳୟ,ଜୁନିଅର ବିଭାଗ ପ୍ରଥମ ସ୍ଥାନରେ ବାଳିକା ହାଇସ୍କୁଲ ପ୍ରାଥମିକ ବିଭାଗ,ଦ୍ଵିତୀୟ ଆଦର୍ଶ ବିଦ୍ୟାଳୟ,ତୃତୀୟ ସରସ୍ଵତୀ ଶିଶୁ ମନ୍ଦିର,ପ୍ୟାରେଡ଼ରେ ସେଣ୍ଟ ଭ୍ୟାଲି ହାଇସ୍କୁଲ୍ ପ୍ରଥମ,ଶିଶୁ ମନ୍ଦିର ଦ୍ଵିତୀୟ,ସିଦ୍ଧାର୍ଥ ଜୁନିଅର କଲେଜ ତୃତୀୟ ଆଦିଙ୍କୁ ମାନପତ୍ର ଓ ଟ୍ରଫି ଦେଇ ଅତିଥି ମାନେ ସମ୍ମାନିତ କରିଥିଲେ। କାର୍ଯ୍ୟକ୍ରମକୁ ଶିକ୍ଷକ ହିମାଂଶୁ ଭୁଷଣ ପଣ୍ଡା ସଂଯୋଜନା କରିଥିବା ବେଳେ ଶେଷରେ ଏନଏସି ଅଧ୍ୟକ୍ଷ ସୁବାସ ଚନ୍ଦ୍ର ଭୋଇ ଧନ୍ୟବାଦ ଅର୍ପଣ କରିଥିଲେ ।ଅନୁଷ୍ଟିତ କାର୍ଯ୍ୟକ୍ରମରେ ବିନିକା ସହରର ବିଭିନ୍ନ ଶିକ୍ଷାନୁଷ୍ଠାନର ଛାତ୍ରଛାତ୍ରୀ,ସରକାରୀ/ବେସରକାରୀ କର୍ମଚାରୀ,ଜନସାଧାରଣ,ପରିଷଦ କାଉନସିଲର,ସାମାଜିକ ଅନୁଷ୍ଠାନ କର୍ମକର୍ତ୍ତା ଉପସ୍ଥିତ ଥିଲେ ।ଅନ୍ୟ ପକ୍ଷରେ ସିଦ୍ଧାର୍ଥ ଡ଼ିଗ୍ରୀ କଲେଜରେ ଅଧ୍ୟକ୍ଷ ଡ଼ ଧୀରେନ୍ଦ୍ର କୁମାର ନାୟକ,ଜୁନିଅର କଲେଜରେ ଅଧ୍ୟକ୍ଷା ରେଖା ପ୍ରଧାନ,ଫୁଲମୁଠି ମହିଳା ଜୁନିଅର କଲେଜରେ ଅଧ୍ୟକ୍ଷ ପଞ୍ଚାନନ ସାହୁ,ବାଉଶୁନି ଜଗନ୍ନାଥ କଲେଜରେ ଅଧ୍ୟକ୍ଷ ବନବିହାରୀ ମିଶ୍ର,ଆଦର୍ଶ ବିଦ୍ୟାଳୟରେ ଅଧ୍ୟକ୍ଷ ସୌମ୍ୟ ରଞ୍ଜନ କ୍ଷେତି,ବିନିକା ସ୍ପୋର୍ଟସ କ୍ଲବରେ ସଭାପତି ସୋମନାଥ ମିଶ୍ର,ଏନଏସିରେ ଅଧ୍ୟକ୍ଷ ସୁବାସ ଭୋଇ ପ୍ରମୁଖ ପତାକା ଉତ୍ତୋଳନ କରିଥିଲେ ।