10-Aug-2023

ମୁରିବାହାଲ(ସୁଦାମ ଚରଣ ବଘାର ): ମୁରିବାହାଲ ସାମ୍ବାଦିକ ସଂଘର ଅସ୍ଥାୟୀ କାର୍ଯ୍ୟାଳୟ ଠାରେ ସାମ୍ବାଦିକ ସଂଘ ମୁରିବାହାଲର ଏକ ପରିବର୍ଦ୍ଧିତ ସଭା କାର୍ଯ୍ୟ ଅନୁଷ୍ଠିତ ହୋଇଯାଇଛି। ସଂଘ ର ଉପଦେଷ୍ଟା ଶ୍ରୀବତ୍ସ ବେହେରାଙ୍କ ସଭାପତିତ୍ୱ ରେ ଅନୁଷ୍ଠିତ ପରିବର୍ଦ୍ଦିତ ସଭାରେ ସମସ୍ତଙ୍କ ସଦସ୍ଯ ଙ୍କ ସହମତି କ୍ରମେ ସାମ୍ବାଦିକ ସଂଘ ର ନୂତନ କର୍ମ କର୍ତା ଚୟନ କରାଯାଇଥିଲା। ସଭାପତି ଭାବରେ ସୁବ୍ରତ କୁମାର ମହାକୁର,ଉପ ସଭାପତି କେଦାର ବଡ଼ଜେନା, ସାଧାରଣ ସମ୍ପାଦକ ସୁଦାମ ଚରଣ ବଘାର, ସମ୍ପାଦକ ଶରତ ପତି ଷାଣ୍ଢ, କୋଷାଧକ୍ଷ ମନୋଜ କୁମାର କର, ଉପଦେଷ୍ଟା ଶ୍ରୀବତ୍ସ ବେହେରା ଓ ଭଗବାନ ମହାନ୍ତି, ଆଇନ ପରାମର୍ଶ ଦାତା ଭାବେ ବରିଷ୍ଟ ଆଇନଜୀବୀ ଜୟଦୀପ ପୁରୋହିତ ଓ ଶମ୍ଭୁ ପ୍ରସାଦ ଭୋଇ ଏବଂ ସାମାଜିକ ଉପଦେଷ୍ଟା ଭାବରେ ଅବସର ପ୍ରାପ୍ତ ଶିକ୍ଷକ ହଜାରୁ ପୁଟେଲ ଙ୍କୁ ନୂତନ କର୍ମ କର୍ତା ଭାବରେ ସଂଘ ଅନୁମୋଦନ କରିଥିଲା । ଏହି ଅବସରରେ ସଂଘ ର ବରିଷ୍ଠ ଉପଦେଷ୍ଟା ଶ୍ରୀ ବେହେରା ସଂଘ କୁ ଅତିଶୀଘ୍ର ରେଜିଷ୍ଟେସନ କରାଇବା ସହିତ ସଂଘକୁ ସୁଦ୍ରୁଢ କରି ଗଢି ତୋଲିବାକୁ ନୂତନ କର୍ମକର୍ତ୍ତା ମାନଙ୍କୁ ପରାମର୍ଶ ଦେଇଥିଲେ । ଆଗାମୀ ଦିନରେ ମୁରିବାହାଲ ଅଂଚଳର କାର୍ଯ୍ୟରତ ସାମ୍ବାଦିକ ମାନଙ୍କୁ ସଂଘରେ ସାମିଲ କରିବାକୁ ସଂଘ ନିଷ୍ପତ୍ତି ନେଇଥିଲା।ଅନୁଷ୍ଠିତ କାର୍ଯ୍ୟକ୍ରମ ରେ ସମସ୍ତ କର୍ମକର୍ତ୍ତା ଙ୍କୁ ପୁଷ୍ପମାଲ୍ୟ ଦେଇ ସମର୍ଧନା କରାଯାଇଥିଲା ତଥା ସଂଘ ର ଅସ୍ଥାୟୀ କାର୍ଯ୍ୟାଳୟରେ 77 ତମ ସ୍ୱାଧୀନତା ଦିବସ ପାଳନ କରିବା ଓ ମୁରିବାହାଲ ଠାରେ ସାମ୍ବାଦିକ ସଂଘ ତରଫରୁ ଏକ ହେଲଥ ଚେକ ଅପ କ୍ୟାମ୍ପ କରିବା ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଥିଲା।ସାମ୍ବାଦିକ ସଂଘର ସଦସ୍ଯ ପ୍ରଫୁଲ୍ଲ କୁମାର ବଘାର, ଶଙ୍କର ମାଝୀ ପ୍ରମୁଖ ଉପସ୍ଥିତ ଥିଲେ। ଶେଷରେ ସୁଦାମ ବଘାର ସମସ୍ତ ଙ୍କୁ ଧନ୍ଯବାଦ ପ୍ରଦାନ କରିଥିଲେ।