09-Aug-2023

ବଲାଙ୍ଗୀର:- ଆଜି ପୂର୍ବାହ୍ନ ୧୦.୩୦ ମିନିଟ ସମୟରେ ସ୍ଥାନୀୟ  ପି ପି ଏକାଡେମୀ ର ସଭା ଗୃହ ରେ ସ୍ଵାଧୀନତା ଦିବସ ଉପଲକ୍ଷେ ଓଡ଼ିଆ ବକୃତା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି।ଜିଲ୍ଲା ପ୍ରଶାସନ ଏବଂ ସାପ୍ତାହିକ ଖବର କାଗଜ ପ୍ରେରଣା ର ମିଳିତ ଆନୁକୁଲ୍ୟରେ ଏହି ପ୍ରତିଯୋଗିତା ଅନୁଷ୍ଠିତ ହୋଇଥିଲା।ଜୁନିୟର ,ସିନିୟର୍ ଏବଂ କଲେଜ୍ ଲେଵେଲ ଏଭଳି ତିନୋଟି ପର୍ଯ୍ୟାୟ ରେ ବକୃତା ପ୍ରତିଯୋଗୀତା ଅନୁଷ୍ଠିତ

ହୋଇ କୃତୀ ପ୍ରତିଯୋଗୀ ମାନଙ୍କ ନାମ ପ୍ରକାଶ କରାଯାଇଥିଲା।ଜୁନିୟର ଗ୍ରୁପ୍ ରେ କୃତିତ୍ତ୍ଵ ହାସଲ କରିଥିବା ପ୍ରତିଯୋଗୀ ମାନେ ହେଲେ ବିନ୍ଦୀୟା ବେହେରା,ଅଭିପ୍ସା ମିଶ୍ର ଏବଂ ରାଜଶ୍ରୀ ସୁବୁଦ୍ଧି।କଲେଜ୍ ସ୍ଥରରେ ସାଇ ବିନାୟକ ମିଶ୍ର,ଓମ୍ ଅମୃତ ମହାନ୍ତି ଏବଂ ପ୍ରତିଶ୍ରୁତି ନାଏକ ପ୍ରଥମ,ଦ୍ଵିତୀୟ ଏବଂ ତୃତୀୟ ଭାବେ କୃତିତ୍ୱ ହାସଲ କରିଥିଲେ।ସେହିଭଳି ସିନିୟର୍ ଗ୍ରୁପ୍ ରେ ଚାରିଜଣ ବକୃତା ପ୍ରତିଯୋଗୀତାର ବିଷୟ ଉପରେ ବକୃତା ଦେଇ କୃତିତ୍ୱ ହାସଲ କରିଥିଲେ।
ଏହି ପ୍ରତିଯୋଗିତା କାର୍ଯ୍ୟକ୍ରମ ରେ ବିଚାରକ ଭାବେ ବରିଷ୍ଠ ସାମ୍ବାଦିକ ମହେନ୍ଦ୍ର କୁମାର ଦର୍ଜି,ପ୍ରେରଣା ସାପ୍ତାହିକ ଖବର କାଗଜ ର ସମ୍ପାଦକ ତଥା ବକୃତା ପ୍ରତିଯୋଗୀତାର ଆୟୋଜକ ରଘୁ ନନ୍ଦନ ସିଂହ , ପି .ପି .ଏକାଡ଼େମୀ ର ସହକାରୀ ଶିକ୍ଷୟତ୍ରୀ ଯହୁଁ .ଶାବତ , ସତ୍ୟ ନାରାୟଣ ପାଣିଗ୍ରାହୀ ଏବଂ  ସମ୍ପୂର୍ଣ୍ଣା ଅନୁଷ୍ଠାନ ର ସମ୍ପାଦିକା ରଶ୍ମି ପାତ୍ର      କାର୍ଯ୍ୟ ସମ୍ପାଦନ କରିଥିଲେ।କୃତି ପ୍ରତିଯୋଗୀ ମାନଙ୍କୁ ଆସନ୍ତା ୧୫ ଅଗଷ୍ଟ ସ୍ଵାଧୀନତା ଦିବସ ଦିନ ମନୋହରପୁର ପ୍ୟାରେଡ ପଡିଆ ଠାରେ ମୁଖ୍ୟ ଅତିଥିଙ୍କ ଉପସ୍ଥିତିରେ ସାର୍ଟିଫିକେଟ ପ୍ରଦାନ କରାଯିବ।