08-Aug-2023

ନୂଆପଡା(ବିଶି ଚନ୍ଦନ ମାଝୀ ): ଆଜି ଦେଶର ରାଜଧାନୀ ଦିଲ୍ଲୀଠାରେ ଭାରତୀୟ ଜାତୀୟ କଂଗ୍ରେସ ପକ୍ଷରୁ ଦେଶର  ବେରୋଜଗାର ସମସ୍ୟା, ଦରଦାମ ବୃଦ୍ଧି, ମଣିପୁର ତଥା ହରିଆଣାର ଧାର୍ମିକ ଦଙ୍ଗାକୁ ରୋକିବାରେ କେନ୍ଦ୍ର ସରକାରଙ୍କ ବିଫଳତା, ରାଷ୍ଟ୍ରୀୟ ସ୍ତରରେ ବଢ଼ୁଥିବା ଅସହିଷ୍ଣୁତା ଓ ଘୃଣା ପ୍ରଭୃତିକୁ ନେଇ ପାର୍ଲିଆମେଣ୍ଟ ଘେରାଓ କରାଯାଇଥିଲା। ଦେଶର କୋଣ କନୁକୋଣରୁ ହଜାର ହଜାର ସଂଖ୍ୟାରେ

କଂଗ୍ରେସ କର୍ମୀ ଏହି ଘେରାଓରେ ସାମିଲ ହୋଇ କେନ୍ଦ୍ର ସରକାରଙ୍କ ବିଫଳତାକୁ ନେଇ ବର୍ଷିଥିଲେ। ଓଡ଼ିଶାର ନୂଆପଡ଼ା ଜିଲ୍ଲାରୁ ପ୍ରଦେଶ ଯୁବ କଂଗ୍ରେସର ପୂର୍ବତନ ଉପସଭାପତି ତଥା ପୂର୍ବତନ ରାଷ୍ଟ୍ରୀୟ ସଂଯୋଜକ ଶ୍ରୀ କମଲ

ଚରଣ ତାଣ୍ଡି ମଧ୍ୟ ଯୋଗ ଦେଇଥିଲେ।ଘେରାଓ ସମୟରେ ପୋଲିସ ଅଟକାଇବାକୁ ଚେଷ୍ଟା କରିବାରୁ ସେମାନଙ୍କ ସହ କଂଗ୍ରେସ ସମର୍ଥକଙ୍କ ଧସ୍ତାଧସ୍ତି ହୋଇ ଅନେକେ ଗିରଫ ହୋଇଥିଲେ। ଶ୍ରୀ ତାଣ୍ଡିଙ୍କୁ ମଧ୍ୟ ଗିରଫ କରାଯାଇ ପରେ ଛାଡ଼ି ଦିଆଯାଇଥିବା ସୂଚନା ମିଳିଛି।