05-Aug-2023

ବଲାଙ୍ଗିର(ଦେବାଶିଷ ବହିଦାର)- ବଲାଙ୍ଗିର ମାଁ ପାଟଣେଶ୍ୱର ମନ୍ଦିର ପ୍ରାଙ୍ଗଣରେ ଦେବାଳୟ ସୁରକ୍ଷା କମିଟି ତରଫରୁ ବଲାଙ୍ଗିର ସହରର ମନ୍ଦିର ମାନଙ୍କ ସୁରକ୍ଷା ପାଇଁ ଏକ ଶାନ୍ତିପୁର୍ଣ୍ଣ ଭାବେ କଳାମାଳ ପରିଧାନ କରି ନିରବ ଧାରଣ ଦିଆଯାଇଥିଲା । ଦିର୍ଘ ଦିନ ହେଲା ବିଭିନ୍ନ ଦେବାଳୟ ମନ୍ଦିର ଗୁଡିକ ବର୍ଷା ପାଣିରେ ଉବୁଡୁବୁ ହୋଇ ଅସୁରକ୍ଷିତ ହେଉଥିବା ବେଳେ ଜିଲ୍ଲା ପ୍ରଶାସନକୁ ବାରମ୍ବାର ଦାବି କଲେ ମଧ୍ୟ କିଛି ପଦକ୍ଷେପ ଗ୍ରହଣ କରିବାରୁ ବାଧ୍ୟା ହୋଇ ଅଭିନବ ପ୍ରୟାସ କରାଯାଇଥିଲେ । ଯଥାଶିଘ୍ର ପୁରଣ ନ ହେଲେ ଆଗାମୀ ଦିନରେ ଲାଙ୍ଗିର ରେ ଅଖଚକ ସହ ସମ୍ପୁର୍ଣ୍ଣ ବନ୍ଦ କରାଯିବ ବୋଲି ଅନଶନକାରୀମାନେ ମତ ଦେଇଥିଲେ । ସକାଳ ଘ.୧୦ ଟାରୁ ଘ.୧.୩୦ ମି. ପର୍ଯ୍ୟନ୍ତ ବିଭିନ୍ନ ମନ୍ତ୍ର ଉଚ୍ଛାରଣ ସହ ପ୍ଲା କାର୍ଡ ପ୍ରଦର୍ଶନ କରାଯାଇଥିଲା ।

୫ଟି ସଚିବ ବଲାଙ୍ଗିର ଗସ୍ତରେ ଆସୁଥିବା ବେଳେ ପାଟଣେଶ୍ୱରୀ ମନ୍ଦିର ର ପୂର୍ଣ୍ଣାଙ୍ଗ ନିର୍ମାଣ ଓ ଡିପିଆର ପଠାଇବା ପାଇଁ ପ୍ରଶାସନ କୁ ଅନୁରୋଧ କରାଯାଇଥିଲା । ଦେବୋତ୍ତର ବିଭାଗର ଅଧିକାରୀ ଆସି ଦେବାଳୟ ସୁରକ୍ଷା କମିଟି ର କର୍ମକର୍ତ୍ତାଙ୍କୁ ପ୍ରତିଶୃତି ଦେବା ପରେ ଧାରଣା ସ୍ଥଗିତ ରଖାଗଲା । ଏହି ଧାରଣାର ନାଗରିକ କମିଟିର ମନରଂଜନ ପୁରୋହିତ, ସୂଚନା ଅଧିକାର କର୍ମୀ ଶମ୍ଭୁ ପ୍ରସାଦ ଶତପଥି, ପ୍ରଗିତଶୀଳ ପଣ୍ଡରା ଯୁବ ସମାଜ ସଭାପତି ରଘୁରାଜ ସିଂ ସେନାପତି, ଆଇନଜିବୀ ସଂଜୟ ପଟେଲ, ଶିକ୍ଷାବିତ୍ ମଧୁସୁଦନ ନାଏକ, ସୁଦର୍ଶନ ସାହୁ, କର୍ତ୍ତବ୍ୟ ଫାଉଣ୍ଡେସନ କାହ୍ନା ଶତପଥି, ବଜରଂଗ ଦଳର ଅନ୍ତର୍ଯ୍ୟାମୀ କରନ, ପ୍ରେସ କ୍ଲବ ସଭାପତି ଅରୁଣ ମିଶ୍ର, ସ୍ୱଭିମାନ ପରିବାର ସଭାପତି ରମ୍ୟରଂଜନ ସାହୁ, ଜୟ କୃଷ୍ଣ ମିଶ୍ର, ସୁରେନ୍ଦ୍ର ମିଶ୍ର, ଦେବାଳୟ ସୁରକ୍ଷା କମିଟିର ଆବାହକ ପ୍ରଶାନ୍ତ ମହାକୁର ସାମିଲ ଥିଲେ ।