03-Aug-2023

ବଲାଙ୍ଗୀର(ପ୍ରେରଣା ଖବର):- ଜିଲ୍ଲା ପ୍ରଶାସନର କୁମ୍ଭକର୍ଣ୍ଣ ନିଦ୍ରା ଭାଙ୍ଗିବ କେବେ ? ବଲାଙ୍ଗୀର ଜନତା ଯଦି ରାସ୍ତା ଯୋଗୁ ଘରୁ ବାହାରି ନ ପାରିବେ ତେବେ ଗୁହାରି କରିବେ କାହାକୁ ।ବଲାଙ୍ଗୀର ଆଠଗାଁ ରାସ୍ତାରେ ଥିବା ଦୁଇଗୋଟି ରେଲୱେ ଓଭର୍ ବ୍ରିଜ ତଳେ ବର୍ଷା ଯୋଗୁଁ ଛାତିଏ ପାଣି ଜମି ରହୂଥିବାରୁ ଯାତାୟାତ ରେ ଅସୁବିଧା ହେଉଛି ।ଅଞ୍ଚଳବାସୀ ବାରମ୍ବାର ଅଭିଯୋଗ କରିଥିଲେ ମଧ୍ୟ ଏହାର ସମାଧାନ ହୋଇ ପାରିନାହିଁ ।ଏହି ବ୍ରିଜ ରେ କୌଣସି ଆଲୋକ ସଂଯୋଗ ହୋଇ ନ ଥିବାରୁ ରାତ୍ରି ସମୟରେ ଯିବା ଆସିବା ଅସୁବିଧା ହେଉଥିବା ପରିଲକ୍ଷିତ ହୁଏ ।ଗୋଟିଏ ଅଞ୍ଚଳର ଲୋକେ ଜଳବନ୍ଦୀ ହୋଇ ରହି ଯାଉଥିବା ବେଳେ ଅର୍ଯୁନପୁର,ମହିମୁଣ୍ଡା, କୁରୁଲ, ଭାରେଲ,ବିସ୍ନୁମୁଣ୍ଡା, ଖଲିଆପାଲି ଗ୍ରାମର ଲୋକେ ଅନେକ ଅସୁବିଧାର ସମ୍ମୁଖିନ ହେଉଥିବା ଦେଖିବାକୁ ମିଳିଛି ।
ସେହିଭଳି ବିଶ୍ନୁମୁଣ୍ଡା ରୁ ପୁଇନ୍ତଲା ବ୍ଲକ କୁ ଯାଉଥିବା ରାସ୍ତା ପାଲଟିଛି ମରଣଯନ୍ତା।ଏହି ରାସ୍ତା ଉପରେ ଢ଼ୋଲ୍ ମହୁଲ, ଲଖପାଳି,କାଲସାଏ ପାଲି,ବ୍ରାହ୍ମଣୀ ପାଲି,ବଗର୍ତିପାଲି ଗ୍ରାମର ପ୍ରାୟ ୩୦୦୦ ରୁ ଉର୍ଦ୍ଧ୍ୱ ଲୋକ ନିର୍ଭର କରନ୍ତି ।ଏହି ରାସ୍ତା ବିଷ୍ଣୁମୁଣ୍ଡା ଠାରୁ ପୁଇନ୍ତଲା ବ୍ଲକ କୁ ସଂଯୋଗ କରୁଛି ।ରାସ୍ତାର ଉନ୍ନତି କରାଗଲେ ଅଞ୍ଚଳବାସୀଙ୍କ ଯାତାୟାତ ରେ ସୁବିଧା ହେବ ।