02-Aug-2023

ଆଗଲପୁର, (ବିନୋଦ କୁମାର ଦୀପ) ପାଣି ଘେରରେ ଆଗଲପୁର ବ୍ଲକର ଡେଙ୍ଗଜୁରୀ ଗ୍ରାମ l ଲଘୁଚାପ ଜନିତ ପ୍ରବଳ ବର୍ଷାରେ ଚାରିଆଡେ଼ ଉବୁଟୁବୁ ବର୍ଷା ପାଣି l ଗ୍ରାମର ଗୋଟିଏ ପଟେ ନଦୀ ,ଆଉ ଗୋଟିଏ ପଟେ ଘେଶାଲି ନାଳା ଥିବାରୁ ବର୍ଷା ଜନିତ ବନ୍ୟାପାଣି ଗ୍ରାମକୁ ମାଡ଼ି ଆସିଛି। ଏ ବିଷୟରେ ଖବର ପାଇ ସ୍ଥାନୀୟ ତହସିଲଦାର ସୁଶ୍ରୀ ସାରୋଜା ବେହେରା ଆସି ଗ୍ରାମ ଲୋକଙ୍କ ଭେଟି ସମସ୍ତ ବିଷୟରେ ଆଲୋଚନା କରିଥିଲେ ଓ ପରେ ଗୋଷ୍ଠୀ ଉନ୍ନୟନ ଅଧିକାରୀ ଶ୍ରୀ ଶଙ୍କର କେରକେଟା, ଗ୍ରାମ୍ୟଜଳ ଯୋଗାଣ ଯନ୍ତ୍ରୀ ଶ୍ରୀ ମିଶ୍ର ମଧ୍ୟ ଆସି ଦୀର୍ଘ ତିନି କିଲୋମିଟର ଚାଲି ଚାଲି ଆସି ଗ୍ରାମକୁ ପହଞ୍ଚି ଲୋକଙ୍କ ଦୁଃଖ ସୁଖ ବୁଝିଥିଲେ l ତହସିଲଦାର ସୁଶ୍ରୀ ସରୋଜା ବେହେରା ମଧ୍ୟ ଅକ୍ଲାନ୍ତ ପରିଶ୍ରମ କରି କାଦୁଅରେ ଚାଲି ଚାଲି ଗ୍ରାମରେ ପହଞ୍ଚିଥିଲେ l ତହସିଲଦାର ସଙ୍ଗେ ସଙ୍ଗେ ଫାୟାର ଗାଡ଼ିକୁ ଡାକି ଲୋକଙ୍କ ଉଦ୍ଧାର କରା ଯାଇଥିଲା।ଗ୍ରାମର ସମସ୍ତ ଅଧିବାସୀଙ୍କୁ ଉଦ୍ଧାର କରି ବୁଦୁଲା ଗ୍ରାମର ସରକାରୀ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ତାଙ୍କୁ ରଖାଯାଇଛି l ଏ ଉଦ୍ଧାର କାମ ସମ୍ପର୍କରେ ତହସିଲଦାର ଙ୍କୁ ପ୍ରତିକ୍ରିୟା ମାଗିଥିଲୁ ହେଲେ ପ୍ରତିକ୍ରିୟା ଦେବାକୁ ମନାକଲେ।ସୂଚନା ଅନୁସାରେ ପାଖରେ ଥିବା ଘେଂସାଲି ଜୋର୍ ଉପରେ ଆଡ଼ିବନ୍ଧ କାମ କରା ଯାଇଛି।ଯାହା ଫଳରେ ବର୍ଷା ପାଣି ନିଷ୍କାସନ ରେ ବାଧା ସୃଷ୍ଟି କରିଛି।ତେଣୁ ସରକାର ତଥା ବିଭାଗୀୟ ଅଧିକାରୀ ଏ ଦିଗରେ ଦୃଷ୍ଟି ଦେବାକୁ ଦାବି ହେଉଛି।ଆହୁରି ଏକ ବିଡ଼ମ୍ବନାର ବିଷୟ ଏଭଳି ପରିସ୍ଥିତିରେ ଥିବା ଥିବା ଗ୍ରାମରୁ କିପରି ସ୍କୁଲ କୁ ଉଠେଇ ଦିଆ ଗଲା ତାହା ଏବେ ପ୍ରଶ୍ନବାଚୀ ସୃଷ୍ଟି କରିଛି।ଦୀର୍ଘ ତିନି କିଲୋମିଟର କାଦୁଅ ରାସ୍ତାରେ ଛୋଟ ଛୋଟ ଛୁଆ ଚାଲିକି ପାଠ ପଢି ଆସୁଛନ୍ତି,ତାହା ଏବେ ସରକାରଙ୍କ ଦୃଷ୍ଟି ଗୋଚର କୁ ଆସୁନଥିବା ଅଭିଯୋଗ ହେଉଛି l ସମସ୍ତ ଦିଗରେ ସରକାର ଦୃଷ୍ଟି ଦେବାକୁ ଦାବି ହେଉଛି l ସମସ୍ତ ଗ୍ରାମ ବାସୀଙ୍କୁ ସ୍କୁଲ ଗୃହରେ ଆଶ୍ରୟ ଦେଇ ତାଙ୍କୁ ରିଲିଫ୍ ର ବ୍ୟବସ୍ଥା କରା ଯାଇଛି। ଏ ସମସ୍ତ କାର୍ଯ୍ୟରେ ବୁଦୁଲା ସରପଞ୍ଚ ଶ୍ରୀମତୀ ରୀନା ପଧାନ ଓ ବୁଦୂଳା ସେବା ସମବାୟ ସମିତଚିନ୍ତା ମଣି ଭୋଇପୂର୍ଣ୍ଣ ସହଯୋଗ କରିଥିବା ଦେଖିବାକୁ ମିଳିଛି।ଆଗମୀ ଦିନରେ ଗ୍ରାମବାସୀ କିପରି ବନ୍ୟା ଦାଉରୁ ରକ୍ଷା ପାଇ ପାରିବେ ସେ ଦିଗରେ ସରକାର ପଦକ୍ଷେପ ନେବାକୁ ଦାବୀ ହେଉଛି l