12-Dec-2020

ବଲାଙ୍ଗିର/କଣ୍ଟାବାଞ୍ଜି,(ପ୍ରେରଣା ଖବର ଜିଲ୍ଲା) - ତୁରେକେଲା ବ୍ଲକ୍‌ ବାଗବେଲ ଗାଁର କଦମ ମାଝୀଙ୍କ ପୁଅ ଲବ ମାଝୀ (୪୦) ଦାଦନ ଖଟିବାକୁ ରାଜ୍ୟ ବାହାର  ଆନ୍ଧ୍ରପ୍ରଦେଶକୁ ଯାଇଥିଲେ। ତାଙ୍କ ଗାଁର ଲକ୍ଷ୍ମଣ ପୁଟା ତାଙ୍କୁ ସେଠାକୁ ପଠାଇଥିଲେ,ଓ ଆଗୁଆ ଟଙ୍କା ମନ୍ଧ୍ୟ ଦେଇଥିଲେ । ହେଲେ ଦାଦନ ଦଲାଲ ଓ ସର୍ଦ୍ଦାର ବିନା ସିକୃତୀ ପ୍ରାପ୍ତ ହୋଇ ଶ୍ରମିକ ଚାଲାଣ କରିଥିଲେ ।ଉକ୍ତ ଆନ୍ଧ୍ରପ୍ରଦେଶ ର  ଇଟାଭାଟିରେ ସେ ଟ୍ରାକ୍ଟର ଚାଳକ ଭାବେ ନିୟୋଜିତ ରହି କଂକରିଆସୁଥିଲେ ।  ସେ ଇଟା ଭାଟିରେ କାମ କରୁଥିବା ସମୟରେ ଦୁର୍ଘଟଣା ର ଶିକାର ହୋଇ ପ୍ରାଣ ହରାଇଲେ। ହେଲେ ସେ ଯିବାର ଏକ ମାସ ନ ପୂରୁଣୁ  ନ ପୂରୁଣୁ ତାଙ୍କର ସନ୍ଦେହଜନକ ଭାବେ ମୃତ୍ୟୁ ଘଟିଛି । ପରିବାର ଲୋକେ ସେଠାରୁ ଶବ ଆଣି ଶେଷକୃତ୍ୟ କରିସାରିଛନ୍ତି। ତାଙ୍କ ମୃତ୍ୟୁ ପରେ ଏବେ ତାଙ୍କ ବାପା କଦମ ମାଝୀ, ସ୍ତ୍ରୀ ପଦ୍ମା ମାଝୀ, ପୁଅ କୁମର ମାଝୀ ଏବଂ ଝିଅ ଅଞ୍ଜଳି ମାଝୀ ଅସହାୟ ହୋଇପଡ଼ିଛନ୍ତି। ଏ ନେଇ ତୁରେକେଲା ଥାନାରେ ଏକ ଲିଖିତ ଭାବେ ଅଭିଯୋଗ  କରିଛନ୍ତି ଲବଙ୍କ ବାପା କଦମ ।  ଏହି ଘଟଣାର ନିରପେକ୍ଷ ତଦନ୍ତ କରି ପରିବାର ଲୋକଙ୍କୁ ନ୍ୟାୟ ଦେବାକୁ ସେ ଦାବି କରିଛନ୍ତି। ତୁରେକେଲା ବ୍ଲକ୍‌ରେ ଘଟିଥିବା ଏହି ଘଟଣା ପୁଣି ଥରେ ଦାଦନ ଦୁଃଖ କଥା ମନେ ପକାଇ ଦେଇଛି । ଇତି ମଧ୍ୟରେ ଏହି ବେଆଇନ ଦାଦନ ଚାଲାଣ ବଲାଙ୍ଗୀର ଜିଲ୍ଲା ରୁ କରାଯାଉଥିବା ବେଳେ ଇତି ମଧ୍ୟରେ ଏକ ନାବାଳିକା ଝିଅ ନିଖୋଜ ହୋଇଯାଇଥିବା ମାମଲାର ଆଜି ସୁଦ୍ଧା କୌଣସି ପୋଲିସ କୁ ସୁରାଖ ମିଳିପାରି ନାହିଁ । ସରକାରୀ ଭାବେ ଏହି ବେଆଇନ ଦାଦନ ଶ୍ରମିକ ଚାଲାଣ ହୋଇ ଚାଲିଛି । ପ୍ରକାଶ ଯେ, ଯଦି ଉକ୍ତ ଦାଦନ ସର୍ଦାରଙ୍କ ଲାଇସେନ୍ସ ବା ସିକୃତି ପ୍ରାପ୍ତ ହୋଇ ଥାନ୍ତେ ତେବେ ବୀମା ଓ ଅନ୍ୟ ସରକାରୀ ସୁବିଧା ସୁଯୋଗ ମିଳି ପାରି ଥାନ୍ତା ।  ବର୍ତ୍ତମାନ ଉକ୍ତ ପରିବାର ପ୍ରତି ସରକାର ସହାୟତା ପ୍ରଦାନ କରିବା ସହ ଏ ଦିଗରେ ଶ୍ରମିକ ଚାଲାଣ ନେଇ ଉପଯୁକ୍ତ ପଦକ୍ଷେପ ଗ୍ରହଣ କରିବା ନିମନ୍ତେ ବିଭିନ୍ନ ମହଲରେ ଦାବି ହେଉଛି।