23-Jul-2023

ସମ୍ବଲପୁର (ସଂଜୀବ ପାଣିଗ୍ରାହୀ )
ଓଡିଶା ସାଂସ୍କୃତିକ ସମାଜର ଚନ୍ଦ୍ରଶେଖର ବେହେରାଙ୍କ ୧୫୦ତମ ଜନ୍ମ ବାର୍ଷିକୀ ସମିତି ପକ୍ଷରୁ ଆଜି ଦିବା ୧୦ଟା ସମୟରେ ସ୍ଥାନୀୟ ନୃସିଂହ ଗୁରୁ ଟାଉନ ହାଇସ୍କୁଲ ଠାରେ ଆୟୋଜିତ ସଭାରେ ମହାନ ସ୍ୱାଧୀନତା ସଂଗ୍ରାମୀ,ସମାଜ ସଂସ୍କାରକ ତଥା ଭାଷା ଆନ୍ଦୋଳନର ପୁରୋଧା ଓ ସ୍ୱତନ୍ତ୍ର ଓଡିଶା ପ୍ରଦେଶ ଗଠନର ଅନ୍ୟତମ ଉଦ୍ୟୋକ୍ତା ଚନ୍ଦ୍ରଶେଖର ବେହେରାଙ୍କୁ ରାଜ୍ଯ ସରକାରଙ୍କ ପକ୍ଷରୁ  ଆଜି ପର୍ଯ୍ୟନ୍ତ ଉଚିତ ସମ୍ମାନ ଦିଆ ଯାଇନାହିଁ ଏବଂ ସେ ଆଂଚଳିକ ବୈଷମ୍ୟର ଶିକାର ହୋଇଛନ୍ତି ବୋଲି ସଭାରେ ମତ ପ୍ରକାଶ ପାଇଥିଲା। ଟାଉନ ହାଇସ୍କୁଲର ପୁରାତନ ଛାତ୍ରସଂସଦର ସଭାପତି ଡ. ପରେଶ ଚନ୍ଦ୍ର ଦାନୀଙ୍କ ପୌରହିତ୍ୟରେ ଆୟୋଜିତ ଏହି ସଭାରେ ମୁଖ୍ୟ ବକ୍ତା ଭାବରେ ଯୋଗଦେଇ ପ୍ରଫେସର ଶଙ୍କର ପ୍ରସାଦ ପତି ଚନ୍ଦ୍ରଶେଖର ବେହେରାଙ୍କ ସମାଜ ସଂସ୍କାର ମୂଲକ କାର୍ଯ୍ଯ ଉପରେ ଆଲୋକପାତ କରିଥିବା ବେଳେ ସମିତିର ଆବାହକ ତାଙ୍କ ଜୀବନୀ ଓ ସମାଜିକ ଅବଦାନ ଉପରେ ଶିକ୍ଷାର୍ଥୀମାନଙ୍କୁ ସୂଚନା ପ୍ରଦାନ କରିଥିଲେ। ସଭାପତି ଡ. ଦାନୀ ଚନ୍ଦ୍ରଶେଖରଙ୍କୁ ଜଣେ ନିଷ୍ଠାବାନ ସ୍ୱାଧୀନତା ସଂଗ୍ରାମୀ ଭାବରେ ଅବିହିତ କରି ତାଙ୍କ ବକ୍ତବ୍ୟ ପ୍ରଦାନ କରିଥିଲେ। ସଭାରେ,ସାଂସ୍କୃତିକ ସମାଜର ଉପସଭାପତି ଶିବନାରାୟଣ ପାଣିଗ୍ରାହୀ, ପ୍ରଫୁଲ୍ଲ କୁମାର ହୋତା, ପ୍ରଶାନ୍ତ ପାଟଯୋଶୀ ଦୀନବନ୍ଧୁ ପଣ୍ଡା,ଗୋରେଖଲାଲ ଦାସ, କୈଳାସ ମିସ୍ତ୍ରୀ ପ୍ରମୁଖ ସଦସ୍ୟ ମଧ୍ୟ ସଭାରେ ତାଙ୍କ ବକ୍ତବ୍ୟ ରଖିଥିଲେ। ସଭାରେ ବିଦ୍ୟାଳୟର କେତେକ ଛାତ୍ର ମଧ୍ୟ ଆଲୋଚନା ଅଂଶଗ୍ରହଣ କରିଥିଲେ। ସ୍କୁଲର ପ୍ରଧାନ ଶିକ୍ଷୟିତ୍ରୀ ଭୂଜାତା ନନ୍ଦ ପ୍ରାରମ୍ଭିକ ସୂଚନା ସହ ସ୍ୱାଗତ ଭାଷଣ ଦେଇଥିବା ବେଳେ ଶିକ୍ଷୟିତ୍ରୀ ମୀନା ମିଶ୍ର ଧନ୍ୟବାଦ ଅର୍ପଣ କରିଥିଲେ।