21-Jul-2023

ରୁପ୍ରାରୋଡ (ସଞ୍ଜିବ ଦାସ )
କଳାହାଣ୍ଡି ଜିଲ୍ଲା ଉତ୍ତର ବନଖଣ୍ଡ ଅନ୍ତର୍ଗତ ଭବାନୀପାଟଣା ବନାଞ୍ଚଳ ଅଧୀନସ୍ଥ ବଡ଼ଧlରପୁର ଗ୍ରା. ପ. ଠାରେ ଆମ ଜଙ୍ଗଲ ଯୋଜନା ତରଫରୁ ଛତୁ ଚାଷ ସମ୍ପର୍କିତ ଦୁଇ ଦିନିଆଁ ତାଲିମ ଶିବିର ଅନୁଷ୍ଠିତ ହୋଇଯାଇଛି l ଏଥିରେ ବଡଧାରପୁର, ହାତୀମୁଣ୍ଡା,ରାତୁଲ, ସାନ ଧାରପୁର, ଟିକ୍ରାପଡା, ଧୂର୍କୁଟି ବନ ସୁରକ୍ଷା ସମିତି ଅଧୀନସ୍ଥ 57 ଜଣ  ବେରୋଜଗାର ଯୁବକ ଯୁବତୀ ଓ ସ୍ୱୟଂ ସହାୟକ ଗୋଷ୍ଠି ର ମହିଳା ସକ୍ରିୟ ଅଂଶ ଗ୍ରହଣ କରି ଛତୁ ଚାଷ ତାଲିମ ନେଇଥିଲେ । ଉକ୍ତ ତାଲିମ କାର୍ଯ୍ୟକ୍ରମ ରେ ମୁଖ୍ୟ ଅତିଥି ଭାବରେ ସରପଞ୍ଚ ଶ୍ରୀଯୁକ୍ତ ପର୍ଶୁରାମ ହରପାଳ, ସାମ୍ନାନିତ ଅତିଥି ଭାବରେ ବନପାଳ ଶାନ୍ତପୁର ଶ୍ରୀଯୁକ୍ତ ଭବାନୀ ଶଙ୍କର ପରିଛା ଓ ବି ପି ସି ନର୍ଲା ବ୍ଲକ ଶ୍ରୀଯୁକ୍ତ ରୋହିତ ବିଶ୍ୱାଳ, ବନରକ୍ଷୀ ସୁଶ୍ରୀ ମମତା ଶବର ଯୋଗଦେଇଥିଲେ l ତାଲିମ ଦାତା ଭାବରେ wsc ଭୁବନେଶ୍ୱର ରୁ ଅବିନାଶ ପ୍ରଧାନ ଓ ଜଗଦୀଶ କିସାନ ଯୋଗଦେଇ ତାଲିମ ପ୍ରଦାନ କରିଥିଲେ l ଆମ ଜଙ୍ଗଲ ଯୋଜନା ଦଳପତି ସୁବାଷ ଚନ୍ଦ୍ର ନାଏକ ଓ ଜିଲ୍ଲା ଦକ୍ଷତା ବିକାଶ ସଂଯୋଜକ ରିଖିରାମ ପଟେଲ କାର୍ଯ୍ୟକ୍ରମ ପରିଚଳନା କରିଥିଲେ l ଆମ ଜଙ୍ଗଲ ଯୋଜନା ର ବିକାଶ ଅଧିକାରୀ ଉମେଶ ଚନ୍ଦ୍ର ଗଉଡ଼, ରୋମାଞ୍ଚଳ ବାଗ ପ୍ରମୁଖ ଏହି କାର୍ଯ୍ୟ କ୍ରମରେ ସହଯୋଗ କରିଥିଲେ l