17-Jul-2023

ବଲାଙ୍ଗୀର// ଶ୍ରାବଣ ମାସର ଦ୍ଵିତୀୟ ସୋମବାର  ଦିନ ଆଜି ଶାନ୍ତିପଡା ସ୍ଥିତ ଚନ୍ଦ୍ର ଶେଖର ମନ୍ଦିରରେ ଭକ୍ତ ଓ ଶ୍ରଦ୍ଧାଳୁଙ୍କୁ ପ୍ରବଳ ଭିଡ ପରିଲକ୍ଷିତ ହୋଇଥିଲା । ସକାଳୁ ସକାଳୁ ଓମ୍ ନମଃ ଶିବାୟ ଓ ବୋଲ୍ ବମ୍ ଧ୍ୱନୀରେ ପ୍ରକମ୍ପିତ ହୋଇଯାଇଥିଲା ଚନ୍ଦ୍ର ଶେଖର ମନ୍ଦିର । ଦୂରଦୂରାନ୍ତରରୁ ଆସିଥିବା କାଉଡିଆ ମାନେ ଦେବ ଦେବ ମହାଦେବଙ୍କ ଠାରେ ଜଳଲାଗି କରଥିଲେ । ଏହି ମନ୍ଦିରର ତତ୍ତ୍ୱାବଧାରକ ପ୍ରକାଶ କୁମାର କେଜରିୱାଲ ଓ ଅନ୍ୟ ଶିବଭକ୍ତ ମାନେ ଏଠାରେ ଉପସ୍ଥିତ ଥିଲେ । ପରେ ଭକ୍ତ ମାନଙ୍କ ପାଇଁ ପ୍ରସାଦ ସେବନର ବ୍ୟବସ୍ଥା ହୋଇଥିଲା । ସୂଚନାଯୋଗ୍ୟ ଯେ, ଶାନ୍ତି ପଡାର ଏହି ଚନ୍ଦ୍ର ଶେକର ମନ୍ଦିରର ଲୋକଙ୍କ ଅଖଣ୍ଡ ବିଶ୍ୱାସ ଓ ଭାବର ପ୍ରତୀକ ଅଟେ । ପ୍ରତିବର୍ଷ ଏଠାରେ ଶିବରାତ୍ରୀ, ଶୀତଳଷଷ୍ଠୀ ଓ ଶ୍ରାବଣ ପୂର୍ଣ୍ଣିମା ମହାସମାରୋହରେ ପାଳିତ ହୋଇଥାଏ । ଏହି ମନ୍ଦିର ନାଁ ରେ ଶାନ୍ତିପଡାର ଏହି ଅଂଚଳକୁ ମଧ୍ୟ ଚନ୍ଦ୍ରଶେଖର ନଗର ନାମରେ ନlମିତ କରାଯାଇଛି । ଶ୍ରବଣ ମାସର ପ୍ରତି ସୋମବାର ଦିନ ଚଳଚଂଚଳ ହୋଇଉଠେ ଚନ୍ଦ୍ର ଶେଖର ମନ୍ଦିର । ବର୍ଷତମାମ ଭକ୍ତ ମାନେ  ନିଜର ମନୋସ୍କାମନା ପୂରଣ ପାଇଁ  ଶିବ ବାବାଙ୍କ ଚରଣାଶ୍ରିତ ହୋଇଥାନ୍ତି ।