14-Jul-2023

ବୀରମହାରାଜପୁର,( ବିନୋଦ ପାଣ୍ଡେ) : ସୁବର୍ଣ୍ଣପୁର ଜିଲ୍ଲା ବୀରମହାରାଜପୁର ବ୍ଲକ ବାଗବର  ପଞ୍ଚାୟତ ଅନ୍ତର୍ଗତ ଦେଉଲମୁଣ୍ଡା ଗ୍ରାମର ଅଧିଷ୍ଠାତ୍ରୀ ଦେବୀ ମା ମାହେଶ୍ଵରୀ ଦେବୀ ଙ୍କ ମାହେଶ୍ଵରୀ ମନ୍ଦିର ପ୍ରତିଷ୍ଠା  ଅନୁଷ୍ଠିତ ହୋଇଯାଇଛି। ଗ୍ରାମର ନିଜସ୍ଵ ପାଣ୍ଠିରୁ ନିର୍ମିତ ମନ୍ଦିର ରେ ମା ମାହେଶ୍ଵରୀ ପୂଜା ପାଇ ଆସୁଛନ୍ତି। ଏହା ଏକ ପୁରୁଣା ମନ୍ଦିର ହୋଇଥିବା ବେଳେ ଗତ ଜୁନ ମାସ ୩ ତାରିଖ ବଜ୍ରପାତ ରେ ମନ୍ଦିର ଚୁଡ଼ା ଏବଂ ମନ୍ଦିର କିଛି କାରୁକାର୍ଯ୍ୟ ଭାଙ୍ଗି ଅଲଗା ହୋଇଯାଇଥିଲା। ବଜ୍ରାଘାତ ପରେ ମନ୍ଦିର ପ୍ରତିଷ୍ଠା ହୋଇନଥିଲା। ଫଳରେ ପୂଜାନୀତି ବାଧାପ୍ରାପ୍ତ ହେଉଥିଲା। ଆଗକୁ ମାହେଶ୍ଵରୀ ଙ୍କ ଅନେକ ପୂଜା ଥିବାରୁ ଆଜି ମନ୍ଦିର ପ୍ରତିଷ୍ଠା ଉତ୍ସବ ଅନୁଷ୍ଠିତ ହୋଇଯାଇଛି। ଏହି ପ୍ରତିଷ୍ଠା ଉତ୍ସବ ରେ ପୂଜକ ସୀତାରାମ ପାଢ଼ୀ, ସୁବ୍ରତ ପାଢ଼ୀ ଓ ବଳରାମ ପଣ୍ଡା ପୂଜା କାର୍ଯ୍ୟ କରିଥିବାବେଳ କର୍ତା ଭାବରେ ଗ୍ରାମର ଗୌନ୍ତିଆ ଶୁଭେନ୍ଦୁ ଚାନ୍ଦ ଓ ତାଙ୍କ ଧର୍ମପତ୍ନୀ ଅର୍ପିତା ଚାନ୍ଦ କାର୍ଯ୍ୟ ସମ୍ପାଦନ କରିଥିଲେ। ପୂଜା ନୀତି ପରେ ଗ୍ରାମରେ ସାମୁହିକ ପ୍ରସାଦ ସେବନ ହୋଇଥିଲା। ଏଥିରେ ମାହେଶ୍ଵରୀ ଙ୍କ ମୁଖ୍ୟ ପୂଜକ ପୂରନ୍ଦ୍ର ଦେହୁରୀ,   ଗ୍ରାମର ଶ୍ରୀନିବାସ ଚାନ୍ଦ,ଧୀରେନ୍ଦ୍ର ବାଘ , ନରେନ୍ଦ୍ର ଚାନ୍ଦ ଙ୍କ ସହିତ ଦେଉଳମୁଣ୍ଡା ଗ୍ରାମର ସମସ୍ତ ଯୁବକ କାର୍ଯ୍ୟ ସମ୍ପାଦନ କରିଥିଲେ। ଏହି କାର୍ଯ୍ୟକ୍ରମରେ ସ୍ଥାନୀୟ ବିଧାୟକ ପଦ୍ମନାଭ ବେହେରା ଯୋଗଦେଇ ମନ୍ଦିର ଏବଂ ମଣ୍ଡପ ର ଉନ୍ନତି ପାଇଁ ତାଙ୍କ ବିଧାୟକ ଆଞ୍ଚଳିକ   ଉନ୍ନୟନ ପାଣ୍ଠିରୁ ୨ ଲକ୍ଷ ଟଙ୍କା ପ୍ରଦାନ ପାଇଁ ଘୋଷଣା କରି ଥିଲେ। ଏଥିରେ ପୂର୍ବତନ ବ୍ଳକ ଅଧ୍ୟକ୍ଷ ଶୟମ୍ଭୁନାଥ ଖଣ୍ଡଗିରି, ପୂର୍ବତନ ବ୍ଳକ ଅଧ୍ୟକ୍ଷ ରଞ୍ଜିତ କୁମାର ରଥ, ପୂର୍ବତନ ବ୍ଳକ ଅଧ୍ୟକ୍ଷ ବିବେକାନନ୍ଦ ପଧାନ ଓ ହିଲୁଙ୍ଗ ସମିତି ସଭ୍ୟ ଶୈଳରଞ୍ଜନ ବାଦିଙ୍କ ସହ ଅନ୍ୟାନ୍ୟ ମାନେ ଉପସ୍ଥିତ ଥିଲେ।