30-Jun-2023

ବଲାଙ୍ଗିର (ଦେବାଶିଷ ବହିଦାର ): ଆଜି ପୁଇଁତଲା ବ୍ଲକ ଅନ୍ତର୍ଗତ ପଂଚାୟତ ହାଇସ୍କୁଲ, ବାନ୍ଧପଡାଠାରେ ବିଦ୍ୟାଳୟ ପରିଚାଳନା କମିଟିର ସଭାପତି ଶ୍ୟାମସୁନ୍ଦର ବଗର୍ତ୍ତୀଙ୍କ ସଭାପତିତ୍ବରେ ଅବସରକାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି | ଗତ ମେ ମାସରେ ବିଦ୍ୟାଳୟର ଶିକ୍ଷା କର୍ମଚାରୀ ଗଜିନ୍ଦ୍ର ନାଏକ ଅବସର ଗ୍ରହଣ କରିଥିଲେ | ସଭାକୁ ପରିଚାଳନା କରିଥିଲେ ଖେଳ ଶିକ୍ଷକ ପ୍ରବୀଣ ନାରାୟଣ ପଣ୍ଡା | ପ୍ରଧାନ ଶିକ୍ଷକ ଆନନ୍ଦ ବଡ଼ପଣ୍ଡା ଅତିଥି ପରିଚୟ ପ୍ରଦାନ କରି ଏହି ଦିନର ଲକ୍ଷ୍ୟ ବିଷୟରେ ଆଲୋକପାତ କରିଥିଲେ | କମିଟିର ସଭ୍ୟ ରାଧେଶ୍ୟାମ ଗୁରୁ, ମୋହନ ପଧାନ, ବୃନ୍ଦାବନ ନାଏକ, କୈକେୟୀ ଷ|ଣ୍ଢ, ସମିତି ସଭ୍ୟା ନୀରିମା ଅମାତ, ସରପଞ୍ଚ ଗାୟତ୍ରୀ ଦୋରା ତଥା  ମିତ୍ରଭାନୁ ପଧାନ, ପ୍ରଭୁଲାଲ ଗୁରୁ, ଗର୍ଵଗଞ୍ଜନ ମହାପାତ୍ର, ପୂର୍ବତନ ଶିକ୍ଷକ ବିପ୍ରଚରଣ ସାହୁ,ସିଆରସି ଅଜିତ ଶତପଥି, ପୂର୍ବତନ ଶିକ୍ଷକ ଜଳନ୍ଧର

ପଧାନ, ସ୍ଥାନୀୟ ସରକାରୀ ବିଦ୍ୟାଳୟର ସମସ୍ତ ଶିକ୍ଷକଶିକ୍ଷୟତ୍ରୀ ନିଜ ନିଜ ବକ୍ତବ୍ୟରେ ସଂକୀର୍ତନ ତ୍ରିପାଠୀ ଓ ଗଜିନ୍ଦ୍ର ନାଏକଙ୍କର ବିଦ୍ୟାଳୟ ପ୍ରତି ଅବଦାନ, ସମୟାନୁବର୍ତ୍ତିତା ବିଷୟରେ ଅନୁଭୂତି ବର୍ଣ୍ଣନା କରିଥିଲେ | ଛାତ୍ରଛାତ୍ରୀ, ସମସ୍ତ ଶିକ୍ଷକ ଶିକ୍ଷାକର୍ମଚାରୀ, କମିଟିର ସଦସ୍ୟ ସଦସ୍ୟ| ସଂକୀର୍ତନ ତ୍ରିପାଠୀ ଆଜ୍ଞା ଓ ଗଜିନ୍ଦ୍ର ନାଏକଙ୍କୁ ଫୁଲତୋଡ଼ା, ଉତ୍ତରୀୟ, ମାନପତ୍ର ଆଦି ଅନ୍ୟାନ୍ୟ ସାମଗ୍ରୀ ଦେଇଥିଲେ | ଚତୁର୍ଥ ଶ୍ରେଣୀ କର୍ମଚାରୀ  ପବିତ୍ର ମୋହନ ପଧାନ ଓ ହରିବୋଲ ପଧାନ, ମୋ ସ୍କୁଲ ଅଭିଯାନ କମିଟିର ସମସ୍ତ ସଭ୍ୟ ତଥା ପୂର୍ବତନ ଛାତ୍ରଛାତ୍ରୀ ସମସ୍ତ କାର୍ଯ୍ୟରେ ସହଯୋଗ କରିଥିଲେ | ସଭା ଶେଷରେ ଅଜିତ ଗୁରୁ ଧନ୍ୟବାଦ ଅର୍ପଣ କରିଥିଲେ |