29-Jun-2023

ସୁବର୍ଣ୍ଣପୁର(ମନୋରଞ୍ଜନ ତ୍ରିପାଠୀ )- ଗତକାଲି ବଡ଼ବଜାର ଗୁଣ୍ଡିଚା ମନ୍ଦିର ରୁ ବଡ଼ ଜଗନ୍ନାଥ ପ୍ରଭୁବଳଭଦ୍ର ଓ ଦେବୀ ସୁଭଦ୍ରା ତାଙ୍କର ନବଦିନାତ୍ମକ ଲୀଳା ସାରି ସ୍ୱ ମନ୍ଦିର ଅଭିମୁଖେ ବାହାରି ଗତକାଲି ରଥାରୂଢ ହୋଇଥିଲେ ।ଗତକାଲି ଶେଷ ସାଂସ୍କୃତିକ କାର୍ଯ୍ୟକ୍ରମ ରେ ଅର୍ଚ୍ଚନା ପାଢ଼ୀ ଓ ସାଥିଙ୍କ ଦ୍ୱାରା ଢେରରାତିଯାଏ ମେଲୋଡି ଚାଲିଥିବା ବେଳେ ଗତକାଲି ଅତିଥି ଭାବରେ ସୁବର୍ଣ୍ଣପୁର ଏସପି ଅମରେଶ ପଣ୍ଡା ଓ ଅବକାରୀ ନିରିକ୍ଷୀକା ସୁମତି ତ୍ରିପାଠୀ ଯୋଗଦେଇଥିଲେ। ପରଂପରା ଅନୁସାରେ ଗତକାଲି ଚତୁର୍ଦ୍ଧା ମୂର୍ତ୍ତି ଙ୍କର ପହଣ୍ଡି ପରେ ରଥ ଉପରେ ହିଁ ରହିଥିଲେ ଶ୍ରୀଜିଉ । ଆଜି ବଡ଼ଏକାଦଶୀ ଯୋଗୁଁ ତିନିଠାକୁର ଙ୍କ ପାଖରେ ଶ୍ରଦ୍ଧାଳୁ ସ୍ୱତନ୍ତ୍ର ପୂଜାର୍ଚ୍ଚନା ହୋଇଥିଲା । ଆଜି ଅପରାହ୍ନ ରେ ଭକ୍ତ ଙ୍କ ଦ୍ୱାରା ତିନି ବଡ଼ ରଥ ଟଣାହୋଇ ଦୁର୍ଗା ମଣ୍ଡପ ଛକରେ ରଖାଯାଇଛି। ଆସନ୍ତା କାଲି ମଝିପଡା ରେ ତିନିଠାକୁର ଙ୍କ ରଥ ଉପରେ ଅବସ୍ଥାନ ପରେ ତା ପର ଦିନ ଶନିବାର ସ୍ୱ ମନ୍ଦିର କୁ ନିଳାଦ୍ରୀବିଜେ କରିବା କାର୍ଯ୍ୟକ୍ରମ ରହିଛି । ଗତ କାଲି ମହାପ୍ରଭୁ ଙ୍କ ଦର୍ଶନ ଲାଗି ଅସଂଖ୍ୟ ଭକ୍ତ ଙ୍କ ଭିଡ଼ ହୋଇଥିବା ବେଳେ ସଂସ୍କୃତିକ କାର୍ଯ୍ୟକ୍ରମ ର ଉଦଯାପନୀ ସନ୍ଧ୍ୟା ର ଅତିଥି ଅବକାରୀ ଅଧୀକ୍ଷୀକ୍ଷl ଶ୍ରୀମତୀ ତ୍ରିପାଠୀ ଙ୍କ ଜଗନ୍ନାଥ ଭଜନ ସଂଗୀତ ଓ ପ୍ରସିଦ୍ଧ ଗାୟିକା ଅର୍ଚନା ପାଢ଼ୀ ଙ୍କ ସୁମଧୁର କଣ୍ଠ ସଂଗୀତ ଦର୍ଶକ ଙ୍କୁ ବିମୋହିତ କରିଥିଲା l ସେହିପରି ଗତ କାଲି ମଝିପଡ଼ା ମାଉସୀ ମନ୍ଦିର ଶମ୍ବୁଖ ରେ ଅଟକିଥିବା ଶ୍ରୀ ଦଧିବାମନ ମହାପ୍ରଭୁ ଙ୍କ ରଥ ଆଜି ଘୋଡ଼ାଘାଟପଡା ଶ୍ରୀ ଦଧିବାମନ ମନ୍ଦିର ଅଭିମୁଖେ ଯାତ୍ରା କରିଛନ୍ତି l