29-Jun-2023

ବଙ୍ଗୋମୁଣ୍ଡା /ସିନ୍ଧେକେଲା (ଅନୀଲ କୁମାର ତ୍ରିପାଠୀ ): ପବିତ୍ର ବାହୁଡାଯାତ୍ରାରେ ଜନ୍ମବେଦୀରୁ ରତ୍ନବେଦିକୁ ବାହୁଡି ଯାଇଛନ୍ତି ଚତୁର୍ଦ୍ଧା ମୂର୍ତ୍ତି । ସିନ୍ଧେକେଲା ମାଉସୀ ମାଁ ମନ୍ଦିରରୁ ମହାପ୍ରଭୁ ମନ୍ଦିରକୁ ବାହୁଡ଼ିଥିଲେ । ମାଉସୀ ମାଁ ମନ୍ଦିର ପଡାର ସଂକୀର୍ତ୍ତନ ଦଳର ବିଭିନ୍ନ ଭକ୍ତିଗୀତର ତାଳେ ତାଳେ ତଥା

ଅଶୋକ ସାହୁଙ୍କ ଧାରାବିବରଣୀ ମହାପ୍ରଭୁଙ୍କ ଯାତ୍ରାକୁ ଏକ ଭକ୍ତିମୟ ପରିବେଶ ସୃଷ୍ଟି କରିଥିଲା। ସିନ୍ଧେକେଲା ରାଜା ଅରୁଣ ସିଂଦେଓ ଛେରାପହଁରା କରିଥିଲେ। ଶହଶହ ଶ୍ରଦ୍ଧାଳୁ ରଥକୁ ଜଗନ୍ନାଥ ମନ୍ଦିର ନିକଟକୁ ଟାଣି ଟାଣି ଆଣିଥିଲେ। ଦଧିବାମନ ମନ୍ଦିରର ପଣ୍ଡିତ ଉମାଶଙ୍କର ତ୍ରିପାଠୀ,ଭବାନୀ ଶଙ୍କର ତ୍ରିପାଠୀ,ବାଲାଜୀ ତ୍ରିପାଠୀ , ରାଜେଶ ତ୍ରିପାଠୀ ପୂଜାକାର୍ଯ୍ଯ ତୁଲାଇ ଥିବାବେଲେ ଜଗନ୍ନାଥ ମନ୍ଦିର ପୂଜକ ପ୍ରମୋଦ ପାଣିଗ୍ରାହୀ, କାଜୁ ପାଣିଗ୍ରାହୀ ପ୍ରମୁଖ ପୂଜାକାର୍ଯ୍ଯ ତୁଲାଇଥିଲେ। ଏହି ଅବସରରେ ଅନ୍ୟମାନଙ୍କ ମଧ୍ୟରେ କଣ୍ଟାବାଞ୍ଜି ବିଧାୟକ ସନ୍ତୋଷ ସିଂ ସାଲୁଜା ସିନ୍ଧେକେଲା ପହଞ୍ଚି ରଥଉପରେ ଜଗତର ନାଥ ଜଗନ୍ନାଥ ଙ୍କ ସହ ବଡଭାଇ ପ୍ରଭୁ ବଳଭଦ୍ର ଓ ମାଁ ସୁଭଦ୍ରାଙ୍କୁ ଦର୍ଶନ କରିଥିଲେ। ଭକ୍ତ ଓ ଶ୍ରଦ୍ଧାଳୁ ମାନଙ୍କ ପାଇଁ ମାରୱାଡି ଯୁବାମଞ୍ଚ ତରଫରୁ ମିଷ୍ଟାନ୍ନ ବଣ୍ଟା ଯାଇଥିଲା।